Esaie 5:29 - Ma Zhiklè

²⁹ Ta kuɗkaɗarai ara mam marizhè-lè, ta kuɗi ara wud marizhèlèhai, man ta kuɗi wa, a bebrè a gshè skwai, a ngézlèʼa, ndo a slaha a nkèldè ɓai.

Esaie 5:29 ပူးပေါင်းရင်းမြစ်များ

Genèse 49:9

Juda, kra marizhèlè, Kra ga, ka gra, a géɗ man ka kala na va a skwai, ka pi va, ka kwétè skwai ara marizhèlè; nslaha a ngeda na va wa?

Psaumes 50:22

Kinè man Zhiklè a pca kinè a gèɗ, va-sun skwi haha, man ɓai i mbirc kinè, a ndo a slaha a mbel kinè asaɓai.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 31:4

Aman Ndo nzi pèc pècèk a ngaɗayè: Lèmèlèmè ara marizhèlè a wud nengaʼa ta bebrè a géɗ skwi man ta gso, a ndohi nwèr skwai tèlèba ta kala na gèɗ, a gi zlau nhèzlèwè tengaʼa azɓai, a gi gurts a sam ta azɓai – lèmèlèmè Zhiklè bi mbiaʼa a shkè a ngi var a géɗ za Sion, a géɗ za nengaʼa.

Esaie 35:9

Ma-rizhèlè a te pa ɓai, skwi dak a bizhè a pa azɓai, kin zli gèɗ a skwi dak te pa azɓai. Sèi ndohi man Zhiklè a sumka ta a deɓa, ta bizhè a pa,

Esaie 42:22

Aman anai, ndohi haha, metsarhi ta helama ta skwai, ndo ntakaha ta azɓai. Ta dzaw ta a gi za, a ta pizl ta a gi dangai, ta te ri me-tsarhai, ndo ntakaha ta azɓai. Ta ndeva-ma ta skwi ta, ndo a gaɗa: ckoɗa deɓa, azɓai.

Esaie 47:15

A ga ka lèmèlèmè a sam ngwozlazlihi ngaya, man ka ngeza a sam ta te gol ngaya. Ngiɗè a kèlè auna, ngiɗè a kèlè auna; ta slaha ta takaha ka ɓai, ko staɗ.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 4:7

Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Jérémie 50:17

Israel nara tambak man a zlak na, man marizhèlèhai ta dzamaʼa. Bi Assyrie a nʼndedama nshèlèkuraʼa, a Nebucadnetsar, bi Babylone, a mpaslama na vatasl te deɓaʼa.

Jérémie 51:38

Tèlèba ta da kuɗi ara marizhèlèhai, ta kuɗi ara wud marizhèlè.

Osée 11:10

i kezla, i gédèshè ndo ka ɓai. Ta da jèjèr Ndo nzi pèc pècèk man a kuɗi ara marizhèlè. Aman a kuɗai, wudahi tʼherkeda a ma woyam mbiaʼa ta gudzai.

Amos 3:8

Aman marizhèlè a kuɗai, ngi zlau azɓi wa? Bi Zhiklè, Ndo nzi pèc pècèk, a goɗa, nhèdè ma azɓi wa?

Michée 5:8

Ri ngaya da gu ngul ta ndohi man ta Sala ka va a gèɗ; mayamhi ngaya tèlèba da ze ta!

Nahum 2:11

Ta ceda skwi a ma, ta dumaʼa, ta gedassaʼa. Ndav ndohi mʼmbeɗ na, gudɓi te di sak ta, godor a dzai, medi ndohi tèlèba ndaɗaʼa.

Sophonie 3:3

Wud bihi te kokwar nengaʼa, ta ara marizhèlè man ta kuɗkaɗai, ndohi kit a nengaʼa ara nvalavalhi a vaɗ, man ta jèkè skwi a hi a mangoslèm azɓai.

Zacharie 11:3

Tsenaʼa! Ndohi nwèr skwai ta kuɗai, aman nʼnjèl tengaʼa ngedas na. Tsenaʼa! Marizhèlèhai ta kuɗai, aman nʼnjèl Jourdain ngedas na.

Nombres 24:9

Te deɓaʼa a mènèhi ara marizhèlè, ara mam marizhèlè. Nda slambaɗda wa? Ndo man a pshè ka ma, sèi ta pshè na ma; ndo man a phomde ka, sèi da phomda!