Esaie 5:26 - Ma Zhiklè

²⁶ Zhiklè a zlècèdè bata, a ndohi man ta dra ta rkaʼa. A da baha ta a tolom te verzi herkeda. Na haha ta haka tsam-tsam.

Esaie 5:26 ပူးပေါင်းရင်းမြစ်များ

Psaumes 60:4

Ka gu a herkeda a gudzai, ka cizlaʼa. Vsheda pa, a wal na!

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Esaie 10:3

Kin woy a kin gi mè a pats kita man a di a shkè? Iyam mʼmonko va! Kin woya a kin hi a ma? Nda takaha kinè wa?

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 13:2

Va-zlatseda lamba a géɗ za kurn-dazlndazlaʼa. Vo-boho a wuɗai! Va-kutèka ta rai, a ta bizhè a pa, a ntamagi ndohi mbibihiaʼa.

Esaie 13:3

Iyè, i baha ta ndohi man i pe taa mizlinè, a tagi kita. I bahata ngul ndohai, man ta wuffè a géɗ nʼnjèl-bi ga.

Esaie 13:4

Tsena dakwa! Nhèzlèwè te za ara nhè-zlèwè ndohi var kumba. Tsena ɗakwa! Ara nrubai kokwar-bihai a ndohi herkeda mɓicaʼa! Zhiklè bi mbiaʼa a par ta ndohi var.

Esaie 13:5

Ta shkè te kokwar dra, te man a verzi gai, Ndo nzi pèc pècèk a ndohi var nengaʼa, a ta gédèshè nerkeda tèlèba.

Esaie 18:3

Kin tèlèba man kin nzi a géɗ herkeda, man kinè a zhè a géɗ herkeda: Aman ta da zlatseda lamba a géɗ za, va-pu dai! Aman ta da tsi tolom, va-tsenaʼa!

Esaie 30:16

a kin gada: Aʼai! Ngawoy anga hi a deɓ plèsh! Gar haha ndohi mparaha kinè ta hi a verzi kinè.

Esaie 31:9

Za nengaʼa a wérzl na te ri zlau, a ngul ndohai ta hi ta a ta jèkeda gambar a pa. Ndo nzi pèc pècèk, man vogwa nengaʼa a zhè te Sion, rèwèc nengaʼa a zhè te Jérusalem, a goɗ aranta.

Esaie 39:3

Esaie, ndo nhadka ma, a mshkè a sam Ezéchias, a ngaɗa na: Ndohi haha ta gaɗ kè? Ta shkè a sam ngaya, ta shkè tema? Ezéchias a mʼmbeɗa na a ma: Ta shkè a sam ga te kokwar dra; ta shkè te kokwar Babylone.

Esaie 7:18

A pats nasa Ndo nzi pèc pècèk a da baha ta dzuwihai a ma woyam Egypte, a vongwomhai te kokwar Assyrie.

Jérémie 4:13

Na haha ndo a slambaɗkaɗa ara vanai, kiki nengaʼa, ara kozlar, plèshi nengaʼa ta hai ta fena vezai. Woba nga, nga za!

Jérémie 5:15

I bahka ta ndohi ngiɗè dra, a ta da kala kinè a va, kinè ndohi Israel, Ndo nzi pèc pècèk a gaɗa. Ndohi nhalahiaʼa, ndohi man zlèzlèa ta zhè, ndohi man ka sun ma tengaʼa ɓai, ka tsena daʼai tengaʼa ɓai,

Jérémie 51:27

Va-zlatseda bata te kokwar! Va-tsu tolom te ndev ndohi herkeda! Va-til ta ndohi herkeda, va-bahka ta kokwar-bihai a sam na: Ararat, Minni a Ashkenaz! Va-ɓicka ta bihi a sam na, va-zlinda plèshi kumba ara dzarai a pa!

Lamentations de Jérémie 4:19

Ndohi mparaha nga a ta hu a fena mangayak tʼhwaɗ giɗfèk. Ta hu a verzi nga a géɗ za, ta pa nga va a hai tʼhèshèkèɗ.

Ezéchiel 38:17

Gar haha Bi Zhiklè a gaɗa: Ka man i goɗ a géɗ ngaya halaʼa te ma ɓèlèlihi ga, ndohi nhadka ma Israel, man ta hodko ma te va nasa pèc pècèk, a ta gaɗa: Zhiklè nda baha ka a sam tengaʼa wa?

Joel 2:7

Ta hi ara ngul ndohai, ta tivè a géɗ zlazlar ara ndohi var, staɗ staɗ tèlèba a dè zuraʼa a ma nengaʼa, ta bizhè zlawa azɓai.

Habakuk 1:8

Plèshihi tengaʼa, nhi tengaʼa a fena kokoya, a fena kdadihi dak. Ndohi plèsh tengaʼa ta haka dra, ara vezai man a ngézl wotsak.

Zacharie 10:8

I woya a i bidka ta a i ɓicka ta; aman i sumka ta a deɓa. Ta da gi kumba ara zlèzlèʼa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Deutéronome 28:49

Ndo nzi pèc pècèk a da zlinde ta ndohi herkeda ngiɗè te verzi herkeda dra, man ta shkè a géɗ ngaya ara mangayak; ndohi herkeda man ka sun daʼai tengaʼa ɓai,