Esaie 5:25 - Ma Zhiklè

²⁵ ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Esaie 5:25 ပူးပေါင်းရင်းမြစ်များ

I Rois 14:11

Ko wawa te ndev ndohi Jéroboam man a mets na te kokwar, kdadihai ta da ndiaʼa. Ko wawa man a da metsi na a dal kokwar, ɗiakihai tʼhwaɗ giɗfèk ta da ndiaʼa ara man Ndo nzi pèc pècèk a nhodko ma.

I Rois 16:4

Ko wawa te ndev ndohi Baescha man a da metsi na te kokwar, kdadihi ta da ndiaʼa. Ko wawa man a da metsi na a dal kokwar, ɗiakihi tʼhwaɗ giɗfèk ta da ndiaʼa.

I Rois 21:24

Ndo te verzi Achab man a da metsi na te kokwar, kdadihi ta da ndiaʼa. A ndo man a da metsi na a dala, ɗiakihai tʼhwaɗ giɗfèk ta da ndiaʼa.

II Rois 13:3

A ndza na a ndav Ndo nzi pèc pècèk kumba a géɗ ndohi Israel, a mpe ta a ri a Hazael, bi Syrie, a ri a Ben-Hadad, kra Hazael, pèc pècèk.

II Rois 9:37

A nckondo Jézabel a da gi a ndaderɗa te dak te Jizreel, a ta sun sam man Jézabel a pa ɓai.

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Job 9:13

Bi Zhiklè a mʼmanda ndav nengaʼa a hi ɓai, a ckoɗauda; ndohi ntakaha nfi va ta kalahi a deɓ sak nengaʼa.

Psaumes 106:40

Ndo nzi pèc pècèk a ngu ndav worworaʼa a géɗ ndohi na, a ndohi nʼndi gi nengaʼa ta ndara na.

Psaumes 114:7

Herkeda, gudzau a sam di Ndo nzi pèc pècèk, a sam di Zhiklè Jacob!

Psaumes 18:7

Aman i gu zlau, i tsu ri a Ndo nzi pèc pècèk, a i kuɗau a sam Zhiklè ga. A nengaʼa a ntsena daʼai ga te gi nengaʼa, a kuɗ ga a ntsena na a zlembaɗ.

Psaumes 68:8

Bi Zhiklè, aman ko do a ma ndohi ngaya, aman ko do tʼhèshèkèɗ,

Psaumes 77:18

Vani a ndzurvko iyam a hai, iyam a ntsu te giɗfèk, a ndidiyam ngaya a mhu tʼhwaɗ giɗfèk.

Psaumes 78:38

A nengaʼa te pombi na, a géɗ man ndo a sia te va, a mpra ta maii la, a ngedas ta ɓai. Sak kumba a njèkeda ngi ndav, a mva na civèɗ a ndzoan nengaʼa bai.

Psaumes 83:10

Ga ta skwi lèmèlèmè ara a sam ndohi Madian, a Sisera, a Jabin a ma woyam Kison!

Exode 7:19

A Ndo nzi pèc pècèk a ngaɗa na Moise: Gada na Aaron: Co gada, tor ri a géɗ iyam tèlèba te kokwar Egypte, a géɗ woyam, a géɗ wurrihai, drav iyamhai, thalhai, a ndi na a Pombaz tèlèba. Te duzlak a torok Egypte tèlèba, iyam da ngwoda va na a Pombaz te pa.

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 14:19

Aman ka, ta kalde ka dra a dala ambalai, ara ntsatseri man ta ngeldaussa. Ndohi man ka bazl ta a tsakwal, a ka tez ta a gwèsh, ta tsama ka a deɓa ara zluèɗ nhuslaʼa.

Esaie 23:11

Zhiklè a ngeda ri nengaʼa a géɗ woyam mbiaʼa, a gudzede ta kokwar-bihai. Ndo nzi pèc pècèk a ngoɗ a géɗ Canaan, man ta mbeɗda zlazlar ko-kwar nengaʼa aussa:

Esaie 25:11

Aman ta da pelaha ri ta, ara ndo man a tsi madandav, a manda ta ri a hai, a ta slaha ta slèmbèɗè azɓai.

Esaie 29:2

I woya a i ndaɗatsa na va a kokwar Ariel, a ta kuɗai, a ta gi wobau, a gi a sam ga a rèwèc.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Esaie 51:20

Wudahi ngaya ta zurdo dai a der kokwar, wuɗi ta azɓai, ara skwi te ɓalai. Ndzoan Ndo nzi pèc pècèk a nge-dassama ta may a te gèɗ, man Zhiklè ngaya a nguv ta.

Esaie 64:3

ara man ta tsena halaʼa di ɓai. Zlembaɗ ndo a ntsena di ɓai, di ndo a nrka di ɓai, a géɗ Zhiklè ngiɗè ara ngaya, man a takaha ta ndohi man ta pi ndav a vna, a ma ma.

Esaie 66:15

Na haha, Ndo nzi pèc pècèk a di a shkè te va vogwa, a ndzoan nengaʼa ara nèʼèn vogwa.

Esaie 66:24

Ta dè auda, a ta rka nckondo ndohai man ta kwolyè. Meturɗi te va tengaʼa a metsi azɓai, a vogwa a sam tengaʼa a mbècè azɓai, a ta ndara ta ndohi tèlèba.

Esaie 9:11

Ndohi Syrie a ma tengaʼa, ndohi Philistie te deɓa. Ta ndeda Israel a ma hüyom. Ko ar haha Zhiklè a gi ndav di genè, a ngeda ri na genè.

Esaie 9:16

A gèɗ nengaʼa Bi Zhiklè a wuffè azɓai a gèɗ golahi tengaʼa; wud dikai a ngwozi mazihi ta sia te va azɓai. Aman ta tèlèba ndohi ndérɗèʼa, ndohi shèwa, tèlèba ta derɗe Zhiklè. Ko ar haha Zhiklè a gi ndav di genè a ngeda ri na genè.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Esaie 9:20

Manassé a sam ndohi Ephraim, Ephraim a sam ndohi Manassé, ta cèw ta gi arsa a Juda. Ko ar haha, Zhiklè a gi ndav di genè, a ngeda ri na genè.

Jérémie 15:3

I da baha ta géɗ matakwan faɗ a géɗ tengaʼa, Ndo nzi pèc pècèk a gaɗa: Tsakwal a nda bazl ta. Kdadihai ta da cizl ta. Ɗiakihai a skwi dak ta da nde ta ma, a ta ndev ta.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 17:4

Skwi nʼndi gi ngaya man i va ka asaɓai, a i ge ka a ɓèlè te kokwar man ka sun ɓai, te man ndav ga a vècè ara vogwa man nvatsa a mèdèp.

Jérémie 4:24

I pu di a za, na haha ta mbeɗ ta, a ngègèdhi tèlèba ta gidè va a ta gudzai.

Jérémie 4:8

A géɗ nengaʼa, va-feda maslaka sam kuɗa a va, va-gu wobau, va-kudau! Ndo nzi pèc pècèk a gi ndav kumba a géɗ ndohi Israel, a nkeɗa gèɗè a hi ɓai.

Jérémie 6:12

Gihi tengaʼa, ndohi ngiɗè ta da ngè-cèʼa, a gi lak ba, a ngwozi ba, aman a vava i gidè ri ga a géɗ ndohi kokwar, Ndo nzi pèc pècèk a gaɗa.

Jérémie 8:2

Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Jérémie 9:22

Goɗa! Ndo nzi pèc pè-cèk a gaɗa: Nckondohi ta zhè zlerzleraʼa ara ksof, ara bak pandar te deɓ ndo ntsi dau, man ndo a ɓicè azɓai.

Lamentations de Jérémie 5:22

Ɗè, ka kwol nga a mèdèp mèn ɗè? Ɗè ka gi ndav kumba ar haha a géɗ nga dè?

Ezéchiel 15:6

Gar haha Bi Zhiklè Ndo nzi pèc pècèk a gaɗa: Lèmèlèmè ara wof kslor te va wofhi tʼhèshèkèɗ man i feda a vogwa, i gi a ndohi Jérusalem arsa.

Ezéchiel 30:25

I da va na wuɗi a ri a bi Babylone; aman ri Pharaon a wush na hai. A ta da suna, i Ndo nzi pèc pècèk, man i va na tsakwal ga a ri a bi Babylone, a ngiɗèʼa a gèɗ kokwar Egypte.

Ezéchiel 6:14

I da tara ta ri a dai, i da ndeda kokwar tengaʼa a hèshèkèɗ, a tazli hèshèkèɗ, a ta da suna, iyè Ndo nzi pèc pècèk.

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Osée 14:4

Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

Amos 8:8

Herkeda a da gudzi a géɗ nengaʼa azɓi âè? Ndohi herkeda tèlèba ta da kuɗi a géɗ nengaʼa azɓi ɗè? Herkeda tèlèba a slèmbèâè ara woyam Nil, a grè a grè, te deɓaʼa a da shèha va na ara woyam Egypte.

Michée 1:4

Za a mbeɗ na tʼhwaɗ sak na, a ndi na a slrats, ara ɗaftèlèsh vongwom man vogwa a wyamdaussa, ara iyam man a hakaɗi a der za.

Nahum 1:5

Zahi ta gudzi a sam na, ngègèɗhai ta wèl ta. A sam di na herkeda a mbéɗ na, a ndohi herkeda a deɓaʼa tèlèba.

Habakuk 3:10

Zahi ta rka ka, ta gudzai, vanai a dzurvko iyam a hai, iyam mbiaʼa a kuɗkaɗai, pats a kia ta vangkaɗauda te gi azɓai, man sulom ngaya nwosla, a tsakwal a ndi dai ara ndidiyam.

Sophonie 1:17

I da pra ta zlau a va ndohai a ta dè ara mandazlihai, a géɗ man ta gu malai a sam Ndo nzi pèc pècèk. Pombaz tengaʼa mbada tʼhai ara skwi ambalai, zluèɗ va tengaʼa ara zai.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?

Deutéronome 31:18

Aman iye i ngheda va ga a sam di ta a pats nasa, a géɗ skwi man ambaɓi tèlèba man ta gau, aman ta dzodzor zhiklèhi ngiɗè tsaɗ.

1 Thessalonians 2:16

Ta gi mali a ma ma, ta va nga civèɗ azɓai, aman nga njè ta ma mʼmbel ta a ndohi nte deɓa. Aman ndzoan Zhiklè, na gèɗ tengaʼa ma.

Apocalypse 20:11

A i rka sam nʼnzi bi mbiaʼa nslekaɗa, a ndo man nʼnza a pa: A sam di nengaʼa, herkeda a giɗfèk to do ta, a ta ngatsa sam nʼnzi tengaʼa te deɓaʼa asaɓai.