Esaie 5:23 - Ma Zhiklè

²³ A géɗ man ta ruɓ ta, ta prokoɗi ndo mali auda te kita, a ta fa na kita a gèɗ a ndo man nʼnga mali ɓai.

Esaie 5:23 ပူးပေါင်းရင်းမြစ်များ

I Rois 21:13

A ndohi cèw ta shkè, falihai, a ta nzahi zuraʼa a ma nengaʼa. A falihi sa ta pin Naboth a sam di ndohai, a ta gada: Naboth a ndurɗo Zhiklè, a ndurɗo bai! A ta daʼa auda a dal kokwar, a ta keɗaʼa a kwa.

II Chroniques 19:7

Anai va-gu zlau Ndo nzi pèc pècèk, va-gu maya a géɗ skwi man kin giaʼa, aman mali az a sam Ndo nzi pèc pècèk, Zhiklè nga, ɓai; nengaʼa a pèr ndo mpèrè azɓai, a woy skwi mbali ɓai.

Psaumes 94:21

Ta vhè ma a géɗ nshèffè ndo nzuraʼa, a ta fa na mali a gèɗ a ndo man mali na azɓai.

Proverbes 17:15

Ndo man a pra ndo malai, a ga na kita a gèɗ ndo man mali na azɓai, cèw ba hori a sam Ndo nzi pèc pècèk.

Proverbes 17:23

Ndo ambaɓiaʼa a cè skwi mbalai man ta va na a metsar, aman a ngwèdè civèɗ kita.

Proverbes 24:24

Ndo man a gaɗa na ndo malai: Mali ngay azɓai, ndohi ta phömdèʼa, a ta dérɗèʼa.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 10:1

Wobau a gèɗ ndohi man ta gèɗè ma kita ncèkèlma, a gèɗ ndohi man ta windè ma nkwèr mwuɗitpa pèc pècèk,

Esaie 10:2

man ta fi zlembaɗ a kita ndohi ntawas-saʼa azɓai, a ta cèma ta skwi a ndohi nta-wassaʼa te kita, ta ngwode ta ngwozi ma-zihai, a ta gi metsar a sam wud dikai.

Esaie 28:7

Aman ko tenga haha ta dè dzaw-dzawaʼa ara ndohi zom, man zom a keɗ ta: ndohi mvi skwi a Zhiklè a ndohi nhadka ma, ta dè dzaw-dzawaʼa te ri zom, barassa a dzakaɓama ta gèɗ. Aman ta hodko ma, ta gèɗè zlakzlakaʼa. Aman ta bèzl kita, ta bèzlè tsarayaʼa azɓai.

Esaie 29:21

ndohi man a sam kita ta fa ta mali a gèɗ, a ta ngi ɓalai a ndo nʼngatsa na maya a ntamagai, a ta tseda na ma a pa a ndo nzuraʼa ambalai, klèng.

Esaie 32:7

Skwi man nderkèzhè ndo a gi mizlinè a vna, ambaɓai. A hèsh maya nzlai, a gedas ta ndohi ntawassaʼa a ncèkèlma, ko mbelawa sa a goɗ a nzuraʼa.

Esaie 59:15

Gar haha ta ngatsa ngi-zuraʼa te pa ɓai; a ndo man a kwola skwi man ambaɓai, ta cèma na skwi na. Ndo nzi pèc pècèk a nrkaʼa, ambaha ɓai, aman a sam tèlèba ngi-zuraʼa azɓai.

Amos 5:12

Aman i suna, mali kinè a zhè mbiaʼa, a kin gu skwi man ambaɓi kumba. Kin gi shèwa a ndo nzuraʼa, kin co skwi man ta ruɓ kinè a vna, kin ngwoda ta kita a gèɗ a ndohi ntawassaʼa.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 7:3

Ri tengaʼa mwosla a ta gi skwi man ambaɓai. Ndo mbiaʼa a jhèɗè skwai. Ko ndo kita ba a ndi ndo. Ndo mbiaʼa a gi ara man a woyaʼa, ta terɗè kita.

Matthew 23:35

Pombaz ndohi nzuraʼa tèlèba na gèɗ kinè, a hinè a sam Pombaz Abel, ndo nzuraʼa, ha ndè a Pombaz Zacharie, kra Barachie, man kin keɗaʼa a ma gi Zhiklè, a sam mvi skwi a Zhiklè.

Deutéronome 16:19

Ka da ngwoda kita ɓai, ka da por ndo mpèrè ɓai, ka co skwi man ta woy a ta ruɓ ka a vna ɓai; aman skwi mbalai a ndeda ndohi a mandazlai, a ngwèdè ma ndohi nzuraʼa.

Jacques 5:6

Kin fa na mali a gèɗ ndo nzuraʼa, a kin keɗaʼa, a nengaʼa a nsala va a sam kinè ɓai.