Esaie 5:17 - Ma Zhiklè

¹⁷ Wud tam-bakihai ta da ndi mandai te pa ara dak ta. Kokwar man ta wèr skwi te pa, a nʼngwoda na a hèshèkèɗ.

Esaie 5:17 ပူးပေါင်းရင်းမြစ်များ

Néhémie 9:37

Skwi man nga ɓicè kumba, a bihai man ka pe ta a bai a géɗ nga. Nasa a géɗ mali nga. Ta gi bai a géɗ nga, a géɗ skwi nga, ara man ndav ta a woyaʼa, a nga si matakwan kumba.

Psaumes 119:70

Ndav tengaʼa nsassaya; aman iyè, i wuffè a géɗ ma kita ngaya.

Psaumes 17:10

Ndo a se ta te va azɓai, ta gèɗ ma nfi va.

Psaumes 17:14

Ndo nzi pèc pècèk, mbelay nshèffè ga te ri ndohi herkeda haha man ta wala, ko wud ta, a wud wud ta man ta jèke ta njèkèɗi skwi ta.

Psaumes 73:7

Shèwa te dai, a ta gi skwi ara ndav ta man a woyaʼa.

Esaie 1:7

Herkeda kinè nara hèshèkèɗ. Kokwar kinè, vogwa a nʼndeda ma. Gi dau kinè, ndohi ngiɗè ta ndeda ma a sam di kinè. A nde na hèshèkèɗ, ara Sodome man a ngedas na.

Esaie 10:16

Gar haha Bi Zhiklè bi mbiaʼa a ga na matakwan a va ndo, a sama na pombaz auda te va; nʼnjèl nengaʼa, a pa na vogwa a va, ara vogwa man a vècè.

Esaie 17:2

Ndohi ta jèkeda kokwarhi Aroer, a ta ndi a sam nwèr skwai. Skwi a mènè a pa, ndo a dzar ta azɓai.

Esaie 32:14

Aman gi bihi nʼnde na a dikai. Nhèzlèwè kokwar klèng, ko kuda ɗiak a cinè te pa azɓai. Gi ngurèʼa a ma ntskal a nʼnde na hi ara dala ambalai. Skwi dak a wuffè te pa, skwi kuɗom a ndi mandi a pa,

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Esaie 7:25

A za tèlèba, man anai ta pizhè te pa a devar, ka dè a pa te deɓaʼa azɓai, te ri zlau vatakihai. Ta da mbal ta zlèhi a pa, a tambakihi ta da kekerɗda samaʼa a pa a sak.

Jérémie 5:28

Aranta ta ge ta a ndohi mbibihiaʼa, a ndohi mèshèlè. A ta tawaɗaha ma kita, ta takaha kra diki azɓai, ta nza na a deɓa a ngwoz mazi azɓai.

Lamentations de Jérémie 5:2

Ndohi man verzi ta tsaɗ ta ngots skwi nʼndi gi nga. Ndohi kokwar ngiɗè ta ndau gi nga.

Osée 4:16

Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

Osée 8:7

Skwi man ta gau, ara man ta zleki kozlar, ta da ɓicè ndombozlor. Dau a dè auda, a nde na shèkètèr, matakaʼa ko tsera a pa staɗ staɗ, ndohi ngidè ta da ndeda ma.

Michée 2:12

Jacob, i da ɓic kinè tèlèba; i da ɓic ta njèkèɗi ndohi Israel; i da ɓic ta a sam staɗ ara tambakihi a kuɗom, ara rèwè tambak te zlazlar; ndohi rèdèdèʼa man ta hèzlèwè kumba.

Sophonie 2:14

Te ndevaʼa rèwè skwai a mènè a pa, skwi dak tsaɗ tsaɗ. A diki tengaʼa, diakihai a matakwas ta da nghé-dè va a pa. Wuzhèm a kuɗi a nvakavar, ngwak a ntamagai.

Sophonie 2:6

Herkeda a ma woyam mbiaʼa a da ndi a sam man ndohi mɓer skwai ta wèr skwi a pa, a ta tsi zlazlar tambak a pa.

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Deutéronome 28:33

Ndohi kokwar ngiɗè man ka sen ta ɓai, ta da ndi nyi herkeda ngaya, skwi tèlèba man ka gu mizlinè a pa; a ta ga ka matakwan, ta zumda ka gèɗ.

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.