Esaie 5:16 - Ma Zhiklè

¹⁶ Zhiklè bi mbiaʼa a da tsoko gèɗ na auda a mbiaʼa te kita, Zhiklè nkezlaʼa a da ngredè va na auda a ngi-zuraʼa, i kezla a vava.

Esaie 5:16 ပူးပေါင်းရင်းမြစ်များ

I Chroniques 29:11

Ka Ndo nzi pèc pècèk, mbiaʼa, man wuɗi ngaya a zhè, a nʼnjèlè; skwi te zhiklè, a skwi a gé; d herkeda ba, tèlèba a ngaya. Ndo nzi pèc pècèk, kokwar-bi a ngaya. Ka mbiaʼa, ka fena skwi tèlèba.

Psaumes 21:13

Aman ka cè lèkèɗ ngaya a ka livè a di ta, ka fa ta ma a ngwai.

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 9:16

Ndohi nte deɓa ta kal ta a vèvèɗ man ta raʼa, ta kal ta a gadda man ta pedahai a metsar.

Esaie 12:4

Kin tèlèba kin da gada a pats nasa: Va-shida na gèɗ a Ndo nzi pèc pècèk, va-slubordo nzlembaɗ nengaʼa, va-ngreda skwi man a ga ta ndohi a géɗ herkeda, va-ngreda nzlembaɗ nengaʼa nʼnzalaʼa!

Esaie 2:11

Ndohi nfi va ta da kèldè gèd ta a hai, ngurhi man ta grè gèd ta da mèndè gèɗ a hai. Ndo nzi pèc pècèk staɗgenè man nʼnzalaʼa a pats nasa.

Esaie 2:17

A pats nasa ndohi nfi va ta da mèndè gèɗ a hai, ndohi ngrè gèɗ ta gi huyokokoʼa. Ndo nzi pèc pècèk staɗgenè man nʼnzalaʼa a pats nasa.

Esaie 2:9

Ndohi mbibihiaʼa ta da mèndè gèɗ a hai; a ndohi nkèshkèshèhiaʼa ta da gi huyokokoʼa holholaʼa. Ka da pra ta mali ɓai!

Esaie 28:17

Ma nzuraʼa, skwi man i livè a vna. Ngi-zuraʼa, skwi man i ɗèl gi a vna. Vandzal a da gédèshè sam nʼnghédè va te ncèkèlma aussa, a iyam a ceda sam kinè nlèaʼa a ma.

Esaie 29:23

Aman ta da rka skwi man ri ga a ngau, ta da kezla nzlembaɗ ga; ta da suna, Zhiklè Jacob nkezlaʼa, a ta gi zlau Zhiklè Israel.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 33:10

Ndo nzi pèc pècèk a gada: Antanta i woy a i slèmbèɗè. I slèmbèɗè a i zlècèdè va.

Esaie 33:5

Ndo nzi pèc pècèk mbiaʼa, a nzi te zhiklè te géɗèʼa, a ndha Sion a ngi-zuraʼa, a kita zuraʼa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 61:8

Aman iyè, Ndo nzi pèc pècèk, i woy ngi-zuraʼa, i gi shèwa a ndohi metsar. I woya a i va ta skwi ntul ta zuraʼa, a nga derzla ma nga a tengaʼa a mèdèp.

Esaie 8:13

Zhiklè bi mbiaʼa, nengaʼa man kin gaɗa, nkezla, sèi kin gi zlau nengaʼa, sèi kin gudzi a géɗ nengaʼa!

Ezéchiel 20:41

Aman kin ndaray skwai a zhkèhayè, i ce kinè a pombai, aman i da helka kinè auda te ndev ndohi nte deɓa, a i ɓicka kinè a deɓa te kokwar man i venda kinè gèɗ a pa. A i woya a i ngreda va ga auda a sam kinè, I Zhiklè nkezlaʼa, a sam di ndohi nte deɓa.

Ezéchiel 28:22

Ka gaɗa: Bi Zhiklè a ngoɗa: Di man a ngaya ma, Sidon! I da njèl va ga a sam ngaya, a ta da suna, i Ndo nzi pèc pècèk, aman i da ga na kita, a i ngra na, i Zhiklè nkezlaʼa.

Ezéchiel 28:25

Gar haha Bi Zhiklè a gaɗa: Aman i da ɓicka ta ndohi Israel a deɓa te ndev ndohi herkeda, man i ksar ta a pa, i da ngrédè va ga auda, a sam ndohi Israel, a sam di ndohi herkeda, i Zhiklè nkezlaʼa. A ta da nzi te herkeda ta, man i va na Jacob, ɓèl ga.

Ezéchiel 36:23

I da kuzlko nzlembaɗ ga mbiaʼa auda, man kin derɗaʼa te ndev ndohi herkeda; a ta da suna, iyè Ndo nzi pèc pècèk, Bi Zhiklè, i goɗa; a i ngrédè va ga auda a sam di ta, a kinè, i Zhiklè nkezlaʼa.

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Ezéchiel 38:23

I da ngrédè va ga auda, i mbiaʼa, i kezla, a i da gudoko ta va a di a ndohi herkeda kumba a ta da suna, i Ndo nzi pèc pècèk.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Nombres 20:13

Nasa iyam Meriba, sam man ndohi Israel ta ga na ma a va Ndo nzi pèc pècèk, sam man Ndo nzi pèc pècèk a ngreda ta: i kezla.

Romans 2:5

Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géɗ ngaya, ha pats ndzoan, aman kita nzuraʼa man a Zhiklè a da gudko va a dai,

1 Peter 1:16

Aman ɗèlèwèr Zhiklè a gaɗa: Sèi kin kezla ndav kinè, te man iyè, i kezla.

1 Peter 2:15

Gar haha Zhiklè a woyaʼa, aman kin pizlèma ta ma a ndohi nrzlaʼa, a ndohi man ta sun skwa ɓai, a skwi man amba man kin giaʼa.

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.