Esaie 49:8 - Ma Zhiklè

⁸ Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 49:8 ပူးပေါင်းရင်းမြစ်များ

II Samuel 7:13

Nengaʼa a da rèm gi a nzlembaɗ ga, a i woy a i nzala sam nʼnzi bi nengaʼa a mèdèp.

Psaumes 2:8

Dzhoɗo a sam ga, i da va ka ndohi herkeda a skwi nʼndi gi ngaya, kala verzi herkeda tèlèba ka ngècè a skwi ngaya.

Psaumes 69:13

Ndohi a ntamagi kokwar ta tsi tsaval a géɗ ga, ndohi zom ta tsay demgasl te ɗimèsh.

Psaumes 75:3

Zhiklè a gaɗa: Ko i zhèrè dai, aman i da gi kita zura genè.

Esaie 26:3

Ndo man a mʼmana ndav na kangaʼa, a nzi a gumai, a géɗ man a pi ndav a ka.

Esaie 27:3

Iyè Ndo nzi pèc pècèk, i ɓerèʼa, i ɓala na iyam, i ɓala na iyam, i wara na dai a pats a vaɗ, skwi ngiɗè da ga na ɓai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Esaie 49:19

Sam hèshèkèɗ ngaya, gi ngaya man mʼmbeɗ na, kokwar ngaya man ngedassa, a slra ta a ndohi kokwar ɓai; a ndohi ngedas ka ta zhè dra.

Esaie 51:16

I va ka ma ga a ma ngaya, i ɓer ka tʼhwaɗ ri ga, aman i wuzhè giɗfèk a i gi herkeda, a i gaɗa ta ndohi Sion: Kinè ndohi ga.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 54:3

ka zlèzlèmè te civèɗ ri mandai, ka zlèzlèmè te civèɗ ri gula, a ndohi te verzi ngaya ta da ndi kokwar-bihai, a ta nzi te kokwar man dikai.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Esaie 57:13

Aman ka bèhè, ta mbel ka azɓai. Kozlar a hel ta ma, a venda ta gèɗ. Aman ndo man a pi ndav a iyè, a ndi herkeda, a ngècè za ga nkezlaʼa.

Esaie 58:12

Wudahi ngaya ta da ɗaɗaya kokwar man mʼmbeɗ na hai, a pa, ka da ɗizlda verzi gi ndohi ngaya nzlèzlèʼa. Ta da baha ka ‘Ndo nʼndè slratsaʼa’, ndo man a til gi zaʼa.

Esaie 58:5

Njèkè skwi nʼndi aranta ambahay ɗè? Pats man ndo a ga na va na; a kalda gèɗ a ndav ara mwurzhè mɓutoʼa, a mana a va mèrwèc a maslaka sam kuɗa a va; nasa njèkè skwi nʼndi ɗè? Pats man ambaha Ndo nzi pèc pècèk ɗè?

Esaie 61:2

a i njè mvi Ndo nzi pèc pècèk man amba, pats man Zhiklè a jhèɗè skwi mpil gèɗ, a bid ta ndohi tèlèba man ta kuɗai.

Esaie 61:4

A ta da ɗaɗayda diki nhalaʼa a pa zaʼa, a ta ɗizlè gi mogonahi mʼmbeɗaʼa nhalaʼa, a pa, a ta til kokwar ngedassaʼa mɓuaʼa zaʼa, gi man ndohi nhalaʼa ta jèkeda a pa.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

2 Corinthians 6:2

Aman nengaʼa a gaɗa: A pats man amba, i co ntsi ri ngaya. A pats mʼmbélè, i takaha ka. Na haha, antanta pats man amba, na haha, pats mʼmbélè.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Hébreux 5:7

Te va man a zhè a géɗ herkeda dai, a ntsu ri a kuɗa a dai, a ngu mbuh mbuh, a mbèhè a Zhiklè, man a slaha a mbelaʼa te mʼmetsai. A Zhiklè a ntsena ntsi ri nengaʼa, a géɗ man a mʼmanda gèɗ a hai pèc pècèk.

Hébreux 8:6

Aman antanta Yèsu a ngots mizlinè amba holholaʼa, lèmèlèmè ara nderzlèma mɓuaʼa man a bezda na rai, a ma mpèsl ri nengaʼa, man ta amba holholaʼa.