Esaie 49:7 - Ma Zhiklè

⁷ Ndo nzi pèc pècèk, man a mbel Israel, Zhiklè Israel nkezlaʼa, a ngaɗa na ɓèl ndohi shèwa, man ndohi ta kwolaʼa, man a mpra ta zlau a va a ndohi herkeda: Bihi mbibihiaʼa ta da rkaʼa, a ta slambaɗa; bihi nkèshèʼa ta da gurɓèhai a sam Ndo nzi pèc pècèk man nlèɓèslèʼa, a sam Zhiklè Israel nkezlaʼa, man a nʼngatska ka auda.

Esaie 49:7 ပူးပေါင်းရင်းမြစ်များ

Genèse 27:29

Ndohi herkeda da ga a ɓèl ngaya; ndohi kokwarhai da gurɓahi a sam ngaya; gu bai a géɗ kramamhi ngaya, a wudahi mam ngaya da gurɓahai a sam ngaya. Ndo man a phomde ka, da phomda. Ndo man a pshè ka ma, da ngots mpshè ma!

Psaumes 47:9

Zhiklè nʼngaʼa a bai a géɗ ndohi herkeda tèlèba. Zhiklè a nzahai a sam nʼnzi bi nengaʼa nkezlaʼa.

Psaumes 68:31

Guvo skwi te va gozlolo, rèwè marihi ngaya, tsuvom ndohai, aman ndohi man var ambaha ta, ta gi ɓèlè, a maslaka verzhègenè a guro a va!

Psaumes 69:19

Herdeka va a ndav ga, sumkay a deɓa, a géɗ mayamhi ga tèlèba.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 19:21

Ndo nzi pèc pècèk a gi a ndohi Egypte ta shi-nèʼa. A pats nasa ndohi Egypte ta da sun Zhiklè. Ta da slébèrdèʼa a skwi man ta zla na, a skwi man ta va na, a ta da gaɗda ma a hi a sam na, a ta gi arsa.

Esaie 19:23

A pats nasa, civèɗ te kokwar Egypte ndè a kokwar Assyrie mʼmbazla. Ndo Assyrie a dè a kokwar Egypte, a ndo Egypte a dè a kokwar Assyrie, a ndohi Egypte ta da slébèrdè Ndo nzi pèc pècèk a nda ndohi Assyrie.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 48:17

Ndo nzi pèc pècèk, ndo mʼmbel ka, Zhiklè Israel nkezlaʼa, a goɗ ar haha: Iyè, Ndo nzi pèc pècèk, i Zhiklè ngaya, man i slebda ka skwi man amba, man i lamda ka a civèɗ man i woy a ka dè a pa.

Esaie 48:7

Nʼngaʼa antanta genè, zlèzlèa ka ɓai. Ka tsena ma nengaʼa halaʼa ɓai, aman ka da goɗ ɓai, i sun ma.

Esaie 49:1

Kinè herkeda nte ndev iyam, va-tsenaʼa! Kinè ndohi herkeda dra, va-fu zlembaɗ! Ndo nzi pèc pècèk a mbahayè, man i tʼhwaɗ mam ga dai, a mbahayè a nzlembaɗ ga, man i ye di ɓai.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 50:6

I geda ta deɓ ga a ndohi man ta ndahyè, a bazlazlam a ndohi man ta tsiyè. I pa ri a di ɓai, aman ndohi ta derɗyè, a tajfay slèslèɓ a dai.

Esaie 52:15

lèmèlèmèʼndohi kumba ta da rzl ta a géɗ nengaʼa; a bihi ta mbeɗi ma azɓai tètèʼa. Skwi man ndo a njè ta zlè-zlèa ɓai, ta pi di a pa; a skwi man ta tsena zlèzlèa ɓai, ta rkaʼa.

Esaie 53:3

A ndara ta ndohai, a ndohi ta jèkeda, ndo man va a dza na, a sun matakwan, ara ndo man nga pizle di nga a pa. A ndara nga holholaʼa, a nga rkaʼa ara ndo ambalai.

Esaie 60:10

Ndohi man verzi ta tsaɗ ta da rèm zlazlar kokwar ngaya, a bihi tengaʼa ta da gi mizlinè ngaya. I gu ndav, a i tse ka; aman mwoy-ndo ga a gi a ka siyè te va.

Esaie 60:16

Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Esaie 60:3

Ndohi herkeda ta hi a sam skwi nhél sam ngaya; a bihi a sam nhelaʼa aman a vèngè a géɗ ngaya.

Esaie 66:23

A mvèng ki ngiɗè, a mvèng ki ngiɗè, a pats nshèk va ngiɗè, a pats nshèk va ngiɗè, ndohi tèlèba ta shkè a ta tsi rai a sam ga, Ndo nzi pèc pècèk a gaɗa.

Zacharie 11:8

A i dzam ta ndohi nwèr tambakihi makar auda te mi-zlinè, a ki staɗ. I ngeza a sam ta, a tengaʼa ba ta ngeza a sam ga.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 26:67

Te deɓaʼa ta njfa na slèslèɓ a dai, ta ɗutso, matrhiaʼa ta tsama na bazlazlam,

Luke 22:27

A ndo ncè ma ndohai, da gu a ndo ntakaha ta ndohai. Nfena wa? Ndo man a nzi a table dè, dè ndo man a gi mizlinè nengaʼa dè? Ndo man a nzi a table ka ɓi dè? Aman iyè, i shkè a sam kinè ara ndo ntakaha kinè.

Luke 23:18

A ndohi rèdèdèa tèlèba ta boho a sam staɗ, a ta gaɗa: Co a ka keɗaʼa! Pra nga Barabbas!

Luke 23:23

Aman ta jèjèrèʼa a nhèzlèwè mbiaʼa, a ta dzhoɗo, aman a gezlalaʼa.

Luke 23:35

A ndohi ta zlatsa a pa a ta rkaʼa. A ndohi mbibihiaʼa ta ngwossaha, a ta gaɗa: A mʼmbel ta ndohi ngiɗè. Aman nengaʼa Kristi, ndo man Zhiklè a ngo-tskoɗauda da mbela va na a ri na!

Jean 18:40

A ndohi tèlèba ta boho a wuɗai: Nengaʼa ka ɓai, sèi Barabbas! Aman Barabbas ndo nked ndo.

Jean 19:15

Aman tengaʼa ta goɗ a wuɗai: Gezlalaʼa! A Pilate a ngaɗa ta: I gézlèlè bi kinè dè? Bihi ndohi mvi skwi a Zhiklè ta gaɗa na: Bi nga ngiɗè azɓai, sèi César.

Jean 19:6

Aman bihi ndohi mvi skwi a Zhiklè, a bigolahi tengaʼa, ta rkaʼa, ta boho a wuɗai: Gezlalaʼa, gezlalaʼa! A Pilate a ngaɗa ta: Vo-co ar kinè, a kin gezlalaʼa! Aman iyè, i ngatsa mali mʼmetsi a sam na ɓai.

1 Corinthians 1:9

Aman Zhiklè nlèɓèslèa, nengaʼa man a baha kinè, man kin humda a Yèsu Kristi, kra na, Bi nga.

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.

1 Peter 2:4

Va-herda na va, ara a sam kwa nshèffè man ndohi ta kwolaʼa, man Zhiklè a nco a skwi mbelaʼa a sam di na.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha: