Esaie 49:6 - Ma Zhiklè

⁶ A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 49:6 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

II Rois 20:10

Ezéchias a ngaɗa: Wuɗi a te pa ɓai, aman mèzhèɓ wof a herdaha va na a ma ma a gi 10; aman wuɗitpa aman mèzhèɓ a herdaha va na a deɓa deɓa a gi 10.

II Rois 3:18

Aman Ndo nzi pèc pècèk a takaha kinè a vaʼa ba, a da pa ta ndohi Moab a ri a kinè.

Psaumes 37:28

Aman Ndo nzi pèc pècèk a woy skwi nzuraʼa, a jèke ta ndohi man ta gi zlau nengaʼa azɓai. Tsokoɗof ndohai, a gedas ta a mèdèp. A zede ta ndohi ambaɓihiaʼa a mèdèp.

Psaumes 67:3

A ndohi a géɗ herkeda ta sun civèɗ ngaya, a kokwar bihai ta sun skwi mʼmbel ndo ngaya.

Psaumes 97:10

Mandalahi Ndo nzi pèc pècèk, skwi man ambaɓai da ndara kinè! Ndo nzi pèc pècèk a ɓer nshèffè ɓèlèlihi nengaʼa, a preka ta auda te ri ndohi ambaɓihiaʼa.

Esaie 11:10

A pats nasa ndohi man ta sun Zhiklè ɓai ta da menkaɗa deɓa a sam zluzlor Isai. A zluzlor Isai a gi a skwi malwuɗai a sam ndohi tèlèba, sam nʼnzi bi nengaʼa nʼnzala.

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 55:5

Na haha, ka baha ta ndohi herkeda man ka sen ta ɓai. A ndohi man ta sen ka ɓai, ta hi a sam ngaya, a géɗ man Ndo nzi pèc pècèk, Zhiklè ngaya, Zhiklè Israel nkezlaʼa a nslebarde ka.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Esaie 60:3

Ndohi herkeda ta hi a sam skwi nhél sam ngaya; a bihi a sam nhelaʼa aman a vèngè a géɗ ngaya.

Esaie 62:11

Na haha, Ndo nzi pèc pècèk a gèɗè, a ta cinè te verzi herkeda: Va-gaɗa na kokwar Sion: Na haha, ndo mʼmbel ngaya a shkè a skwi man a pil ka a vna a nda nengaʼa, a skwi ntul nengaʼa a ma na.

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Michée 5:3

Te deɓaʼa nengaʼa a sièmbèɗè, a wèr di rèwè na a wuɗi Ndo nzi pèc pècèk, a nʼnjèl nzlembaɗ Ndo nzi pèc pècèk, Zhiklè na. A ta nza, a nengaʼa a gi a mbiaʼa, wuɗi na a ndikè ha verzi herkeda.

Zacharie 6:13

A da rèm gi Zhiklè, a da gi a bai, a da nzi a géɗ sam nʼnzi bi na, a ngi bai. Ndo mvi skwi a Zhiklè a zhè a tsagi nengaʼa, te civèɗ ri mandai, a ta nzi a gumai, cèw ba.

Zacharie 8:22

Ndohi herkeda kumba, a kokwar-bihi mbiaʼa ta shkè a ta woy Zhiklè bi mbiaʼa te Jérusalem, a ta tsi ri a Ndo nzi pèc pècèk.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Actes 13:47

Aman Bi Zhiklè a gaɗa nga arsa: I ge ka a skwi nhel sam ndohi herkeda, a ka gi a skwi mbél ndo, ha verzi herkeda.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

Actes 26:23

ara man sèi skwa a dza na Kristi, a nengaʼa a gi a ndo nshèlèkuraʼa te ndev ndohi mʼmetsaʼa man ta slambaɗkaɗauda te mʼmetsai, a ngreda ta skwi nhél sam a ndohi nte deɓa.