Esaie 49:5 - Ma Zhiklè

⁵ Aman Ndo nzi pèc pècèk, man a ngiyè a ɓèl na, man i tʼhwaɗ mam ga dai, a woy aman i hulkoɗi ndohi Jacob a deɓa a sam na, a i ɓicka ta ndohi Israel a sam na. Ndo nzi pèc pècèk a nzalyè; Zhiklè ga, nengaʼa wuɗi ga.

Esaie 49:5 ပူးပေါင်းရင်းမြစ်များ

Néhémie 8:10

Ta gaɗa ta: Vo-do, va-ndau zluèɗ, va-sau skwi nsi man a jèn, va-tsaka ta ndohi man ta ngatsa skwi bai, te man pats haha nkezla a sam Bi Zhiklè nga. Kin hur gèɗ ɓai! Mwuffè a géɗ Ndo nzi pèc pècèk, nengaʼa wuɗi kinè!

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 27:12

A pats nasa Ndo nzi pèc pècèk a da kizlè dau, a hinè te woyam Euphrate, ha ndè a woyam Egypte. Ta da par kinè tʼhai, staɗ staɗ, kinè ndohi Israel.

Esaie 43:4

A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 49:1

Kinè herkeda nte ndev iyam, va-tsenaʼa! Kinè ndohi herkeda dra, va-fu zlembaɗ! Ndo nzi pèc pècèk a mbahayè, man i tʼhwaɗ mam ga dai, a mbahayè a nzlembaɗ ga, man i ye di ɓai.

Esaie 50:4

Bi Zhiklè a mvay nèʼèn gol Zhiklè, aman i slaha a i bid ta ndohi man ta ngeza, a ma ga. A piɗèkwudyè a prèk a prèk, a winay zlembaɗ, aman i tsena ara gol nengaʼa.

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Jérémie 1:5

Ga man i fe ka a hwaɗ mam ngaya, i sen ka. Ga ka yakaɗa, i fe ka hi a mizlinè Zhiklè, i cka ka auda a ka gi a ndo nhadka ma kokwar bihi tʼherkeda.

Zacharie 6:13

A da rèm gi Zhiklè, a da gi a bai, a da nzi a géɗ sam nʼnzi bi na, a ngi bai. Ndo mvi skwi a Zhiklè a zhè a tsagi nengaʼa, te civèɗ ri mandai, a ta nzi a gumai, cèw ba.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Matthew 15:24

A nengaʼa a mʼmbeɗa ta a ma: Ta zlindekayè a géɗ ndo ngiɗè ɓai, sèi a géɗ tambakihi te Israel, man ta zlak ta.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Matthew 23:37

Jérusalem, Jérusalem, man ka bazl ta ndohi nhadka ma, man ka kal ta ndohi man Zhiklè a nzlinde ta a sam ngaya, a kwa! Sak ngama, man i woy a i ɓic ta wudahi ngaya a sam ga, ara wotsak, man a ɓic ta wudahi na a hwaɗ kelpasl na. Kin woya ɓai.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Matthew 3:17

Na haha ta tsena ngèɗè te zhiklè te géɗèʼa, man a gaɗa: Nenga kra ga man i woyaʼa a ndav ga. Ndav ga a wuffè kumba a géɗ nengaʼa.

Luke 19:42

a ngaɗa: A woy ka ba, ka sun skwi man a va ka gumai! Ko a patsna! Aman antanta nʼngheda a sam di ngaya.

Jean 3:35

Bab kra a woy kra na a ndav na, a mva na skwi tèlèba a ri nengaʼa.

Actes 10:36

Kin sun ma Zhiklè man a zlinda ta ndohi Israel, a njè ta ma mbelaʼa, ma gumai te Yèsu Kristi (nengaʼa Bai a géɗ ndohi tèlèba);

Romans 15:8

Aman i gaɗa: Kristi a gu a ndo ntakaha ta ndohi Juif a géɗ ma nzuraʼa man a Zhiklè, aman a da na va a ma mpesl ri man babhi ta ta ngotso.

Galates 1:15

Aman Zhiklè a hur amba, nengaʼa man a woy-kayè man i tʼhwaɗ mam ga dai, aman a bahayè te pombi na,

1 Peter 3:22

te ri mandi Bi Zhiklè; a golahi Zhiklè a mbibihiaʼa a wuɗihi bai ta gi ɓèl na.