Esaie 49:16 - Ma Zhiklè

¹⁶ Na haha i vèhda kokwar ngaya a hwaɗ ri ga. Zlazlar kokwar ngaya a zhè a sam di ga pèc pècèk.

Esaie 49:16 ပူးပေါင်းရင်းမြစ်များ

Exode 13:9

Da ga ara wuɗah a deb ri kinè, a medi kinè, aman kin hérèʼa, a ma kita da zhè te ma kinè. Aman Ndo nzi pèc pècèk a nhelka kinè auda te kokwar Egypte a wuɗi ri nengaʼa.

Cantique des Cantiques 8:6

Tsyè a ndav ngaya ara lamba man a pa; fiyè a ri ngaya ara dasirai. Mwoy-va nda ngwoz a bakai; wuɗi na zhè ara wuɗi mʼmetsai, skwi man a nza ka ɓai, wuɗitpa ara sam mʼmetsai, a wurcè a mwurcè vogwa, nèʼèn vogwa nengaʼa nara nèʼèn vogwa Ndo nzi pèc pècèk.

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 54:12

I paɗa na gèɗ a rubis, kwa mbelaʼa, a ntamagi ngaya a béryl, kwa mbelaʼa, a dergi tèlèba a wud kwa mbelaʼa,

Esaie 60:18

Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 62:6

Jérusalem, i pau ndohi mɓer zlazlar kokwar ngaya. Ta nzi ɓeslè azɓai, ko pats ko vaɗ. Kinè man kin wina na zlembaɗ a Ndo nzi pèc pècèk, aman Sion a pca na a gèɗ azɓai, kin jèkeda mbèhè ɓai!

Esaie 62:7

A kin va na nshèk va ɓai, ha a ntila Jérusalem zaʼa, a ngi a skwi nʼnjèl herkeda.

Jérémie 17:1

Mali Juda mwindèʼa a züdo, a kwa ncɗlmaʼa, mwinda a ndav tengaʼa, a drom sam mvi skwi a zhiklèhi ta;

Jérémie 22:24

I zhè a nshèffè, Ndo nzi pèc pècèk a gaɗa. Aman Jeconia, kra Jojakim, bi Juda, a zhè nara tèslri te ri mandi ga, i da cka ka auda te pa,

Aggée 2:23

A pats nasa — Zhiklè bi mbiaʼa a gaɗa — ka gi a ndo malwuɗi ga; aman ka, man i ngatska ka auda, Zhiklè bi mbiaʼa a gaɗa.