Esaie 48:20 - Ma Zhiklè

²⁰ Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 48:20 ပူးပေါင်းရင်းမြစ်များ

II Samuel 7:23

Ndohi a géɗ herkeda ngiɗè ta tema, ara ndohi Israel, ndohi ngaya, a géɗ tengaʼa Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngau skwi mbiaʼa mwuɗitpa a géɗ tengaʼa, a ndzam ta ndohi ngiɗè a zhiklèhi tengaʼa auda a ma tengaʼa?

Esdras 2:1

Na haha ndohi man ta shkè a deɓa te ɓèlè. Ndohi man Nebucadnetsar, bi Babylone, a hel ta a ɓèlè a kokwar Babylone, ta shkè a deɓa a kokwar Jérusalem a Juda, staɗ staɗ tèlèba a kokwar na.

Psaumes 126:1

Dimèsh ndè a gi Zhiklè. Aman Ndo nzi pèc pècèk a helka ta ndohi Sion a deɓa ma, nga ara ndohi man nshunè a keɗ nga.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 12:4

Kin tèlèba kin da gada a pats nasa: Va-shida na gèɗ a Ndo nzi pèc pècèk, va-slubordo nzlembaɗ nengaʼa, va-ngreda skwi man a ga ta ndohi a géɗ herkeda, va-ngreda nzlembaɗ nengaʼa nʼnzalaʼa!

Esaie 24:14

Tengaʼa ta wuffè a ta sli dimèsh. Ta njèl Ndo nzi pèc pècèk a ma woyam mbiaʼa:

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 43:1

Anai Ndo nzi pèc pècèk, nengaʼa man a fe ka, nengaʼa man a nge ka, a gaɗa ka, Israel: Ka gu zlau ɓai! I sumka ka a deɓa ma; i baha ka a nzlembaɗ ngaya, ka a ga.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 48:6

Ka tsena tèlèba; anai ka rkaʼa. Kin woy a kin njè ɓi ɗè? A hinè antanta, ka da cinè skwi mɓuaʼa a skwi nʼnghedaʼa, man ka sun halaʼa ɓai.

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 51:14

Ndul ndul ma, ta prokodi ndo dangai auda te cèlèlèu, a metsi te dangi azɓai, a tèkwèn movar azɓai.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 52:11

Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 62:11

Na haha, Ndo nzi pèc pècèk a gèɗè, a ta cinè te verzi herkeda: Va-gaɗa na kokwar Sion: Na haha, ndo mʼmbel ngaya a shkè a skwi man a pil ka a vna a nda nengaʼa, a skwi ntul nengaʼa a ma na.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 31:11

Aman Ndo nzi pèc pècèk a nsumko Jacob a deɓa, a mprokoɗauda te ri man wuɗi na zhè a fena nengaʼa.

Jérémie 31:21

Zlatseda skwi man ka shinè te pa, lamba nʼngra ka civèɗ ngaya, a sam man ka beza a pa. Washkè deɓa, bidali Israel! Washkè a kokwar haha, man a ngaya!

Jérémie 50:2

Va-njo a sam ndohi herkeda, va-ngreda, va-zlatseda bata, va-ngreda, kin ngheda ɓai! Vo-goɗa: Babylone, nduma ma, Bel a nʼngots hori a dai, Merodac mʼmbeɗ na, skwi mbèh skwi nengaʼa klèng, mblomhi nengaʼa ta mbeɗ ta.

Jérémie 50:28

Va-tsena kuɗ ndohi man ta hi ta, man ta mbel ta auda te kokwar Babylone; aman ta da njè kita Ndo nzi pèc pècèk, Zhiklè nga, kita gi Zhiklè nengaʼa te Sion.

Jérémie 50:8

Va-hu auda te Babylone, va-jèkeda kokwar Chaldée, va-gu ara drok a ma tambakihai.

Jérémie 51:45

Ndohi ga, vo-washkè auda te pa, staɗ staɗ tèlèba da mbela nshèffè na, da hu na a sam ndzoan Ndo nzi pèc pècèk mbiaʼa!

Jérémie 51:48

Giɗfèk a herkeda a skwi te pa, ta da gi wobau a géɗ Babylone, aman ndohi ngédèshèʼa ta da shkè a sam na te man a géɗèʼa, Ndo nzi pèc pècèk a gaɗa.

Jérémie 51:6

Va-hu kinè te ndev Babylone, staɗ staɗ tèlèba da mbelda nshèffè na, man ɓai kin da zi kinè te mali Babylone; aman pats kita Ndo nzi pèc pècèk. A da ga na ara skwi man a gau.

Zacharie 10:8

I woya a i bidka ta a i ɓicka ta; aman i sumka ta a deɓa. Ta da gi kumba ara zlèzlèʼa.

Zacharie 2:10

Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.

Deutéronome 30:4

Ko ta dzam ka a verzi herkeda ngidè dra, Ndo nzi pèc pècèk, Zhiklè ngaya, a da ɓic ka te pa, a da woy ka te pa.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!

Apocalypse 18:4

A i tsena ngèɗè ngiɗè te zhiklè man a gaɗa: Vo-do kinè auda a sam na, ndohi ga, man ɓai kin humdè a mali nengaʼa, a kin si matakwan a nda nengaʼa.