Esaie 48:12 - Ma Zhiklè

¹² Ndohi gi Jacob, a Israel, man i ngotskoɗauda, va-tsena ma ga! Iyè, i zhè! I ndo nshèlèkuraʼa, a ndo nʼndikèma skwai.

Esaie 48:12 ပူးပေါင်းရင်းမြစ်များ

Proverbes 7:24

Anai, kra ga, tsena ma ga, fu zlembaɗ a ma man i gada ka.

Proverbes 8:32

Anai, wudahi ga, va-tsena ma ga! Mwuffè a sam ndo man a jèjèr civèɗ ga.

Esaie 34:1

Vo-washkè, kinè kokwar-bihai, va-tsenaʼa! Kinè ndohi herkeda, va-fu zlembaɗ! Herkeda a ndohi a géɗ herkeda, herkeda kerpaʼa a skwi nftsa a pa tèlèba, va-tsenaʼa!

Esaie 40:26

Va-cid gèɗ a zhiklè, a kin da rkaʼa: Ngau skwi ar haha wa? Nde ta skwihi kumba man ta dè a haha wa? Mbaha ta staɗ staɗ a nzlembaɗ na, a gi a wuɗi nengaʼa mbiaʼa, aman ko staɗ a pceda deɓa ɓai, wa?

Esaie 41:4

Ngu arsa wa? Ngu wa? Iyè Ndo nzi pèc pècèk, man i hüno verzi verzi ndohai tʼhinkaɗ na. Iyè nshèlèkuraʼa, i te va ndohi ndikèma ndohai lèmèlèmè.

Esaie 43:10

Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 43:11

Iyè, i Ndo nzi pèc pècèk, ndo mʼmbél ndo ngiɗè azɓai, sèi iyè.

Esaie 44:1

Aman anai, Jacob, ɓèl ga, a Israel, man i ngotskodauda, va-tse-naʼa!

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 46:3

Kinè ndohi gi Jacob, va-tsena ma ga; a kinè njèkèɗi ndohi gi Israel tèlèba, man i takaha kinè daga man kin ya di ɓai, a i wara kinè dai daga nyakad kinè!

Esaie 46:4

Ha kin hala ma, i gi lèmèlèmè; ha mokozlar te gèɗ kinè, i takaha kinè. I gau, te va nasa; i woya a i giaʼa, a ma ma. I takaha kinè, a i mbel kinè.

Esaie 49:1

Kinè herkeda nte ndev iyam, va-tsenaʼa! Kinè ndohi herkeda dra, va-fu zlembaɗ! Ndo nzi pèc pècèk a mbahayè, man i tʼhwaɗ mam ga dai, a mbahayè a nzlembaɗ ga, man i ye di ɓai.

Esaie 51:1

Va-tsenaʼa, kinè man kin zeɓi ngi-zuraʼa, kinè man kin hèsh Ndo nzi pèc pècèk. Va-pu di a za, te nengaʼa ta paslka kinè; a vèvèɗ kwa, te nengaʼa ta ndzavka kinè auda.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Esaie 55:3

Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.

Matthew 20:16

Gar haha ndikèma ndohai ta da ndi a ndohi nshèlèkurhiaʼa. A ndohi nshèlèkurhiaʼa ta da gi a ndikèma ndohai.

Romans 1:6

Kinè te Rome ba, te va tengaʼa. Yèsu Kristi a baha kinè,

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

1 Corinthians 1:24

Aman a sam tengaʼa, man Zhiklè a mbaha ta auda te vaʼa, ndohi Juif a ndohi man Juif ka ɓai, cèw ba, a tengaʼa Kristi wuɗi Zhiklè a maya Zhiklè.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 1:11

man a gaɗa: Skwi man ka rkaʼa, windeda ɗèlèwèr, zlinda a sam mpi ndohi Zhiklè tsaraɗ: A Ephèse, a Smyrne, a Pergame, a Thyatire, a Sardes, a Philadelphie, a Laodicée.

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.

Apocalypse 2:8

Winda na tsuvom mpi ndohi Zhiklè te kokwar Smyrne: Nengaʼa man ndo nshè-lèkuraʼa, ndo nʼndikèma skwai, man te va nasa mʼmetsa, anai a zhè a nshèffè zaʼa, a goɗa ar haha:

Apocalypse 22:13

Iyè, Alpha a Oméga, ndo nshèlèkuraʼa a ndo nʼndikèma skwai, nhinkaɗ skwai a nʼndikèma skwai.