Esaie 47:4 - Ma Zhiklè

⁴ Ndo mʼmbel nga a gaɗa: nzlembaɗ na Zhiklè bi mbiaʼa, Zhiklè Israel nkezlaʼa.

Esaie 47:4 ပူးပေါင်းရင်းမြစ်များ

Psaumes 19:14

Ɓür ɓèl ngaya a sam ndohi nfi va, a ta gi bi a gèɗ ga azɓai. Te deɓaʼa i nza, mali ga azɓai, ndav ga mpana te mali mbiaʼa.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 43:14

Ndo nzi pèc pècèk, man a mbel kinè, Zhiklè Israel nkezlaʼa, a goɗ aranta: I zlindè ndohi var a kokwar Babylone, a ndohi tenga tèlèba ta hi ta auda a sam ta, a i ngwoda mwuffè ndohi Chaldée a wobau, a gèɗ kinè.

Esaie 43:15

Iyè, Ndo nzi pèc pècèk, Zhiklè kinè nkezlaʼa, iyè man i gu Israel, iyè bi kinè.

Esaie 43:3

Aman iyè, Ndo nzi pèc pècèk, i Zhiklè ngaya. Iyè, Zhiklè Israel nkezlaʼa, man i mbel ka. I vi Egypte a skwi mpil gèɗ ngaya. I vi Ethiopie a Saba te di man a ngaya.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Jérémie 31:11

Aman Ndo nzi pèc pècèk a nsumko Jacob a deɓa, a mprokoɗauda te ri man wuɗi na zhè a fena nengaʼa.

Amos 4:13

Aman nengaʼa a ngu za, nengaʼa a ngu kozlar, nengaʼa a ngra na skwi man a hérèʼa a ndo, nengaʼa a ngu gu skwi nhél sam gu ruva, nengaʼa a dè a géɗ za tʼherkeda. Nzlembaɗ na Zhiklè bi mbiaʼa.