Esaie 45:6 - Ma Zhiklè

⁶ A ndohi tèlèba te civèɗ mvèng pats, ha civèɗ nkèl pats, ta suna, Ndo nzi pèc pècèk, iyè, ngiɗè azɓai, sèi iyè. Ndo nzi pèc pècèk iyè, ngiɗè azɓai.

Esaie 45:6 ပူးပေါင်းရင်းမြစ်များ

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 83:18

Sèi ta ngècè hori a dai a ta gi zlau a mè-dèp, gèɗ ta ndzakaɓa a ta gedas ta!

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 37:20

Anai, Ndo nzi pèc pècèk, Zhiklè nga, mbel nga te ri nengaʼa; a kokwar-bihi a géɗ herkeda tèlèba ta shinèʼa, ka staɗgenè Ndo nzi pèc pècèk, man ka Zhiklè.

Esaie 43:10

Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 45:5

Iyè, Ndo nzi pèc pècèk, ngiɗè azɓai. Zhiklè ngiɗè a tsagi ga azɓai. I mana ka skwi deɓ ngaya, man ka senyè di ɓai.

Esaie 47:8

Gar haha tsena ma haha, dem man a wèl va, man a nzi a géɗ sam nʼnzi ɓai, a her skwi ngiɗè azɓai, man a gada: Iyè, genè, ndo ngiɗè azɓai! I ndi a ngwoz mazi azɓai, i nzi a deli azɓai.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Ezéchiel 38:23

I da ngrédè va ga auda, i mbiaʼa, i kezla, a i da gudoko ta va a di a ndohi herkeda kumba a ta da suna, i Ndo nzi pèc pècèk.

Ezéchiel 39:21

A i da ngrédè nʼnjèl ga auda te ndev ndohi herkeda, a ndohi herkeda tèlèba ta da rka kita ga man i gau, a ri ga man i lama ta a vna.

Joel 2:27

A kin da suna, i zhè te ndev ndohi Israel, iyè Ndo nzi pèc pècèk, Zhiklè kinè, nengaʼa staɗgenè. A ndohi ga ta da ngècè hori a di azɓai a mèdèp.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.