Esaie 45:24 - Ma Zhiklè

²⁴ Nʼngul skwai a wuɗai sèi te Ndo nzi pèc pècèk. Tèlèba man ta gu ndav a géɗ nengaʼa, ta da shkè a sam na, a ta gi horai.

Esaie 45:24 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 110:2

Ndo nzi pèc pècèk a da gedè gaɗa bi ngaya nʼnzalaʼa te Sion. Gau bi te ndev ndohi mayamhi ngaya!

Psaumes 71:16

I slefi skwi mbiaʼa man Bai, Ndo nzi pèc pècèk a gau; ngi-zura ngaya staɗgenè man i woy a i nzalaʼa.

Psaumes 72:9

Ndohi ngi shèwa sèi ta kèlèhai a deɓ sak nengaʼa, a ndohi mayam nengaʼa sèi ta bhöm mberfenèk.

Psaumes 89:17

man ta wuffè a géɗ nzlembaɗ ngaya pèc pècèk, a ta sli dimèsh a géɗ ngi-zuraʼa ngaya.

Esaie 26:4

Va-pu ndav kinè pèc pècèk a Zhiklè! Aman Ndo nzi pèc pècèk, nengaʼa sam ngedeng-gedengaʼa a mèdèp.

Esaie 41:11

Na haha ta tèlèba man ta gu ndav a gèɗ ngaya, ta da ngècè hori a dai, gèɗ ta ndzakaɓa. Tengaʼa man ta gu ndzoan a ka, ta gedas ta a ta zi ta.

Esaie 44:8

Kin gudzu ɓai, kin gu zlau ɓai! I senda kinè, i ngreda kinè nʼnzi a zhè ka ɓi ɗè? Kinè ndohi malwuɗihi ga! Zhiklè ngiɗè a zhè a tsagi ga ɗè? Sam ngedeng-gedengaʼa ngiɗè a zhi ɗè? I sun ngiɗè ɓai.

Esaie 45:25

Ndohi te verzi Israel tèlèba ta da gi a ngul ndo-hai, a ta wuffè a géɗ Ndo nzi pèc pècèk.

Esaie 54:17

Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Esaie 55:5

Na haha, ka baha ta ndohi herkeda man ka sen ta ɓai. A ndohi man ta sen ka ɓai, ta hi a sam ngaya, a géɗ man Ndo nzi pèc pècèk, Zhiklè ngaya, Zhiklè Israel nkezlaʼa a nslebarde ka.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 60:9

Ndohi man ta shèwèlè a géɗ iyam ta ɓicko va a sam ga gokwèn, wuromhi Tarsis a ma, a ta helka ta wudahi ngaya a sam nʼdraʼa. Ta shkè a guro a skwi mèshèlè tenga te rai, aman ta slébèrdè nzlembaɗ Ndo nzi pèc pècèk, Zhiklè ngaya, Zhiklè nkezlaʼa, a vna; aman nengaʼa a nzal ka.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:11

Ara man herkeda a nftsko skwi na, ara man gi lak a nftsko lak na, lèmèlèmè Bi Zhiklè a da ftsko ngi-zuraʼa a sam di ndohi herkeda tèlèba, a ta slébèrdèʼa.

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Habakuk 3:19

Ndo nzi pèc pècèk, Bi Zhiklè, nengaʼa wuɗi ga, a ntaslyè te sak, aman i hi ara mènèɗ, a fiyè a sam man a géɗèʼa.

Zacharie 10:12

Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

Zacharie 12:5

Te deɓaʼa ndohi te verzi Juda ta gèɗè a va ta: Ndohi Jérusalem ta ngècè wuɗai te ri Ndo nzi pèc pècèk, Zhiklè tengaʼa.

Zacharie 8:23

Zhiklè bi mbiaʼa a gaɗa: A pats nasa ndohi kula te verzi ndohi man daʼai ta tsaɗ, ta da gshè va a maslaka ndo Juif staɗ, a ta gaɗa: Nga woy a nga dè a verzi kinè! Nga suna, Zhiklè a zhè a nda kinè.

Luke 13:17

Aman a ngoɗ ma haha, ndohi tèlèba man ta sassaya ndav ta a sam na, ta gu horai. A ndohi rèdèdèʼa ta wuffè a géɗ skwi mbiaʼa tèlèba man Yèsu a gau.

Luke 19:27

Aman ndohi mayamhi ga, man ta woy iyè a bi tengaʼa ɓai, va-helka ta, va-zlama ta daʼai a sam di ga!

Jean 12:32

A iyè, man ta zlatse-dyè a géɗ herkeda, i woy man i vitka ta ndohi tèlèba a sam ga.

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Philippiens 4:13

I slaha skwi tèlèba a nda nengaʼa, man a vay wuɗai.

Colossiens 1:11

kin nzala, a wuɗai, ara wuɗi nʼnjèl nengaʼa tèlèba, aman kin dè a ma ma te nzhèr skwi a dai, a mwuffe.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

Apocalypse 11:18

Ndohi herkeda ta gu ndav. Aman ndzoan ngaya a mshkè ma. Pats kita ndohi mʼmetsaʼa, pats man ta va ta ɓèlèlihi ngaya skwi ntul ta, ndohi nhadka ma ba, a ndohi Zhiklè ba, a tengahiaʼa mar ta gu zlau nzlembaɗ ngaya, ndohi nkèshèa a ndohi mbiaʼa, mshkè ma. A ndohi man ta gedassa herkeda, ta gedas ta.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.