Esaie 45:18 - Ma Zhiklè

¹⁸ Aman Ndo nzi pèc pècèk, man a ngu giɗfèk, nengaʼa staɗgenè Zhiklè, man a ngau, a ndizla herkeda, a mpau; a gu a géɗ hèshèkèɗ ka ɓai, a gu a géɗ man ndo a nzi a pa. Iyè Bi Zhiklè, ngiɗè azɓai.

Esaie 45:18 ပူးပေါင်းရင်းမြစ်များ

Genèse 1:1

Te nhinkaɗ na, Bi Zhiklè a ngau giɗfèk a herkeda.

Genèse 1:2

Herkeda ntil ɓai, kurndazlndazlaʼa. Ruva a nʼnza a géɗ drav iyam, a Mèzhèɓ Zhiklè a zhè a géɗ iyam.

Genèse 1:26

A Bi Zhiklè a ngaɗa: Ngo-gokoy ndo, ara mèzhèɓ va nga, a ta gi bi a géɗ klèfihi te iyam mbiaʼa, a géɗ ɗiakihi tʼhwaɗ giɗfèk, a géɗ skwi ndzhamhai, a géɗ skwi dakhai, a géɗ skwi man ta hi a géɗ herkeda!

Genèse 1:28

A Bi Zhiklè a mpshè ta ma, a ngaɗa ta: Va-yu wuda, va-mana, va-ndha herkeɗa, va-kwor herkeda, va-gu bi a géɗ klèfihi te iyam mbiaʼa, a géɗ ɗiakihi tʼhwaɗ giɗfèk, a géɗ skwi ndzhamhai, a géɗ skwi man a hi tèlèba a géɗ herkeda!

Genèse 9:1

A Bi Zhiklè a mpshè na ma a Noé a wudahi nengaʼa, a ngaɗa ta: Va-yu wuda, a kin mana a vata, va-ndha herkeda!

Psaumes 115:16

Giɗfèk, skwi Ndo nzi pèc pècèk; aman herkeda, a va ta a ri a wud ndohai.

Proverbes 30:4

Nʼndo Zhiklè wa? Mshke a deɓa te zhiklè wa? Ngshè kozlar a ri wa? Ka sun dè? Mpu verzi herkeda wa? Nzlembaɗ na wa?

Esaie 42:5

Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 45:12

I gau herkeda, i gau ndohi man a géɗ herkeda, ri ga a wuzhè giɗfèk, a i gaɗa ta golahi ga.

Esaie 48:13

Ri ga a ngau herkeda, ri mandi ga a mwuzhè giɗfèk, a i baha ta, tèlèba ta zhè ma.

Esaie 51:13

Ndo nzi pèc pècèk man a nge ka, man a mwuzhè giɗfèk, a ngu herkeda, a pca ka a gèɗ, kè! Ka gu gudza gudzaʼa a sam shèwa ma-yamhi ngaya pèc pècèk, man a woya a ngedas ka; Shèwa mayamhi ngaya ani na tema?

Jérémie 10:12

Zhiklè a ngau herkeda a wuɗi nengaʼa, a ngeda pa a maya na, a ngu giɗfèk a géɗ man a sun ngiaʼa.

Jérémie 51:15

Zhiklè a ngau herkeda a wuɗi na, a mpau herkeda a maya na, a mwuzhè giɗfek a nshin maya na.