Esaie 45:1 - Ma Zhiklè

¹ Ndo nzi pèc pècèk a ngaɗa na Cyrus, ndo man a bada na mbar a gèɗ: Ka man i gs ka te ri mandai, a i bazl ta ndohi herkeda a ma ngaya. I pra skwi deɓ bihai, a i winè ntamagi mpizlèa a ma ngaya.

Esaie 45:1 ပူးပေါင်းရင်းမြစ်များ

I Rois 19:15

A Ndo nzi pèc pècèk a ngaɗa na: Do! Men ngaya a deɓa a civèɗ a ka beza a ndev hèshèkèd ndè Damas. Ko do a pa a ka bada na mbar a gèɗ a Hazaél, a ka feda a bi Syrie.

Esdras 1:1

Cyrus, bi Perse. Te nhin ngi bi nengaʼa, Ndo nzi pèc pècèk a mpoko na gèɗ auda, a mboho te kokwar-bi tèlèba, a ngaɗa ta, a ɗèlèwèr ba. Aranta a gu ara man Ndo nzi pèc pècèk a goɗ te ma Jérémie.

Esdras 1:2

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Job 12:21

A pa ta hori a di a ndohi mbibihiaʼa, a prama na skwi man a dzawa va a vna a ndo wuɗai.

Psaumes 73:23

Aman anai i nzi a sam ngaya pèc pècèk, ka gsyè te ri mandai.

Esaie 13:2

Va-zlatseda lamba a géɗ za kurn-dazlndazlaʼa. Vo-boho a wuɗai! Va-kutèka ta rai, a ta bizhè a pa, a ntamagi ndohi mbibihiaʼa.

Esaie 13:3

Iyè, i baha ta ndohi man i pe taa mizlinè, a tagi kita. I bahata ngul ndohai, man ta wuffè a géɗ nʼnjèl-bi ga.

Esaie 41:13

Aman iyè, Ndo nzi pèc pècèk, Zhiklè ngaya, man i gs ka te ri mandi ngaya, a i gaɗa ka: Ka gu zlau ɓai, i takaha ka.

Esaie 41:2

Mbaha na nengaʼa man pèc pècèk ba ngula genè, te verzi gai, wa? Man a tsede ta ndohi herkeda a hi a ma na, a nkoldokoɗi ndohi auda te bi, wa? Tsakwal nengaʼa a ganzaf taa pa, lèkèɗ nengaʼa a venda ta gèɗ ara lokotor man kozlar a heldama.

Esaie 41:25

I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Esaie 45:5

Iyè, Ndo nzi pèc pècèk, ngiɗè azɓai. Zhiklè ngiɗè a tsagi ga azɓai. I mana ka skwi deɓ ngaya, man ka senyè di ɓai.

Esaie 48:15

Iyè, i godo, i baha na, i gada na da shkè, a i takaha a civèɗ na.

Jérémie 27:6

Anai i va na herkeda tèlèba a ri a Nebucadnetsar, bi Babylone, ɓèl ga, a skwi ndzham ba; i pa na a ri a nengaʼa.

Jérémie 43:10

Gada ta: Zhiklè bi mbiaʼa, Zhiklè Israel, a goɗ ar haha: Na haha i da bahka na Nebucadnetsar, bi Babylone, ɓèl ga, a da til sam nʼnzi bi na a géɗ kwa man kin rda a vèvèɗ haha, a da wuzhè maslaka man a nzi a pa, a pa.

Jérémie 50:3

Aman ndohi herkeda te man a géɗèʼa ta shkè a ta gi var a Babylone, ta da gédèshè kokwar na, ndo a nzi a pa azɓai, ko ndo, ko skwi dak, tèlèba ta hu ta, to do ta.

Jérémie 50:35

Tsakwal a va ndohi Chaldée! Ndo nzi pèc pècèk a gaɗa. A va ndohi Babylone, a wud bihi na, a ndohi maya nengaʼa!

Jérémie 51:11

Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.

Jérémie 51:30

Ndohi var te Babylone ta jèkeda var, ta nza te gi ndakmaʼa. Wuɗi ta a ndev na, ta ara ngwozai. Vogwa a nʼndeda gihi ta a ma, skwi mɓèr gi mpasla.

Jérémie 51:58

Zhiklè bi mbiaʼa a gaɗa: Zlazlar Babylone mbiaʼa ta da mbeɗ ta hai. Ntamagi nengaʼa mbiaʼa, vogwa a da ndiaʼa.

Ezéchiel 29:20

I da va na kokwar Egypte a skwi man a ngècèʼa a géɗ mizlinè na, Bi Zhiklè a gaɗa.

Daniel 5:6

A bai a ngu zlau henzalalaʼa, a hér gèɗ zlau, vatasl deɓ nengaʼa a nverzl na, a nruɓa na vatasl a va kurɓ kurɓaʼa.

Daniel 7:5

Skwi dak ngiɗè a mshkè, macecèwaʼa, lèmèlèmè ara kokoya, civèɗ va nengaʼa ngiɗè tʼhai, civèɗ va nengaʼa ngiɗè nzlatsa. Zlèʼèn mbibihia makar te ma, ta shkè auda te ndev zlèʼèn ngiɗè.

Daniel 8:3

I rkaʼa ara man iyè a ma woyam Ulai. I pu dai a i ngul dai, a i rka drok, zuraʼa a ma woyam. Drom drok cèw, drom ngur-gurèʼa, ngiɗè a fena ngiɗè. Nengaʼa man a fena ngiɗè a greka te deɓaʼa.

Daniel 8:4

I rka drok a kèl gèɗ te civèɗ nkèl pats, te civèɗ man a tsagi a tsagai. Ko skwi dak mèmè a slaha a nzlècè a sam na ɓai. Ndo a mbelè auda te ri wuɗi nengaʼa azɓai. A gu ara man a woyaʼa, a nʼnga a mbiaʼa.

Nahum 2:6

Bi Ninive a fi gèɗ a ndohi nengaʼa mbibihiaʼa, aman sak tengaʼa ndzavaɗ na a ta wushahai. Ta hi a sam zlazlar kokwar, ta til va a hai.

Nahum 3:13

Ndohi var te ndev ngaya ta ara ngwohai. Vogwa a nʼndeda skwi mɓèr ntamagi ngaya a ma, ntamagi kokwar ngaya mwinè twèng a sam mayamhi ngaya.