Esaie 44:3 - Ma Zhiklè

³ I da géj iyam a herkeda ngwo-raʼa, a iyam a hi a sam ngworaʼa. I da bèd Mèzhèɓ ga a gèɗ wudahi ngaya, a i pshè ta ma ndohi verzi ngaya,

Esaie 44:3 ပူးပေါင်းရင်းမြစ်များ

Job 5:25

Ka da suna, ndohi te verzi ngaya ta mènè a vata, wudahi ngaya ta gi ara pombok.

Psaumes 107:35

aman nengaʼa a nʼngwode hèshèkèɗ a sam man iyam a pa, sam man iyam az a pa ɓai a nlèlè iyam.

Psaumes 63:1

Psaume David, aman a zhè tʼhèshèkèɗ Juda.

Proverbes 1:23

Vo-co man i ngatsa kinè maya! Na haha i woy a i bèdè mèzhèɓ ga a gèɗ kinè, a i woy a i ngra kinè ma ga.

Esaie 27:3

Iyè Ndo nzi pèc pècèk, i ɓerèʼa, i ɓala na iyam, i ɓala na iyam, i wara na dai a pats a vaɗ, skwi ngiɗè da ga na ɓai.

Esaie 32:15

ha pats man mèzhèɓ a shkèhi te géɗèʼa a géɗ nga. Te deɓaʼa tazli hèshèkèɗ nʼngwoda a gi dau, a gi dau nʼngwoda na a gi lak.

Esaie 32:2

Staɗ staɗ tèlèba ta ara sam nlèaʼa te ri ndombozlor, ara bodom te ri iyam, ara woyam a sam ngworaʼa, ara za mbiaʼa man a pa na mèzhèɓ a di a herkeda ngworaʼa harkangkangaʼa.

Esaie 41:17

Aman mbelawahai a ndohi ntawas-saʼa ta woy iyam a ta ngècè azɓai, mi iyam a gworama ta nèʼèn te ma, iyè Ndo nzi pèc pècèk, i cinè kuɗ tengaʼa a i jèke ta a gèɗ ta azɓai.

Esaie 48:19

Ar ndohi te verzi ngaya ta gi ara wyak, wud hwaɗ ngaya ta kumba ara wyak. Ar nzlembaɗ tengaʼa a zi a gédèshè a sam ga azɓai.

Esaie 48:21

Nengaʼa a nde ta a civèɗ hèshèkèɗ, iyam a ndza ta ɓai. A ncizla za, a iyam a hakaɗauda.

Esaie 49:10

Mi a bazl ta azɓai, iyam a dza ta azɓai, pats a te ta azɓai; aman ndo man ta sia te va, a de ta, a lè ta a sam nlèlè iyam.

Esaie 55:1

Kin tèlèba, man iyam a dza kinè, vo-washkè a sam iyam! Kinè ba, man suli kinè azɓai, vo-washkè! Kin ngècè ambalai, a nshum ka ɓai, barassa a wa!

Esaie 59:21

Aman iyè, nga derzla ma nga aranta a tengaʼa, Ndo nzi pèc pècèk a gada: Mèzhèɓ ga man a nzi a géɗ ngaya, a ma ga man i va ka a ma, da kazla auda te ma ngaya ɓai a mèdèp, ko te ma wud wudahi ngaya, a hinè antanta a ndè a ma ma a mèdèp, Ndo nzi pèc pècèk a gaɗa.

Esaie 61:9

Ndohi nte deɓa ta da sun verzi ndohi sa, a ndohi herkeda ta sun wudahi tertgaʼa. Ta tèlèba man ta rka ta, ta gaɗa: verzi ndohi man Ndo nzi pèc pècèk a mpshè ta ma.

Esaie 65:23

Ta ngézhè ambali azɓai. Ta yi wudahi man ta metsi tsam-tsam azɓai. Aman tengaʼa verzi ndohi man Ndo nzi pèc pècèk a mpshè ta ma, a wudahi ta ta nzi a nda tengaʼa.

Ezéchiel 34:26

I woy a i va ta iyam mblèkwai, iyam nzlekai, a iyam via tiɗè samaʼa. Iyam man a pshè ta ma.

Ezéchiel 36:27

I da va kinè mèzhèɓ ga a ndav kinè, a i gi aman kin jèjèr ma nkwèr ga a ma kita ga zuraʼa.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Ezéchiel 47:8

A ngaɗayè: Iyam haha a hi auda te civèɗ mvèng pats, a hi a hèshèkèɗ, a hi a va iyam mbiaʼa, man boma te pa; a iyam a ngwode na a iyam njènaʼa.

Osée 10:12

Va-zlekau ngizuraʼa, va-ɓüco skwi te mwoy-ndo! Va-slebau skwi mɓuaʼa! Tidè sama ma, aman kin woy Ndo nzi pèc pècèk, a nengaʼa a shkè, a va kinè ngi-zuraʼa ara iyam.

Joel 2:27

A kin da suna, i zhè te ndev ndohi Israel, iyè Ndo nzi pèc pècèk, Zhiklè kinè, nengaʼa staɗgenè. A ndohi ga ta da ngècè hori a di azɓai a mèdèp.

Joel 2:28

Te deɓaʼa a da gi aman i bèdè Mè-zhèɓ ga a géɗ ndohi tèlèba, a wudahi kinè a dalahi kinè sèi ta hodko ma Zhiklè; ndohi kinè nhalaʼa ta ngècè nshunè, a golahi kinè sèi ta rka skwi man a ma.

Joel 3:1

Te deɓaʼa a vi sa, te ndev nasa, i da helka ta ndohi Juda a ndohi Jérusalem a deɓa te ɓèlè,

Joel 3:18

A pats nasa a gi aman barassa a hakaɗi te za, a wa te ngègèɗhai. Iyam a hi te woyam Juda tèlèba. Nlèlè iyam a hakaɗauda te gi Ndo nzi pèc pècèk, a ruɓa dal Sittim.

Michée 5:7

Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara marizhèlè te ndev skwi dak, ara kra marizhèlè te va rèwè tambakihai. Aman a bizhè a pa, a nkeɗaʼa, a ncizl ta, ndo a slaha a nkoldokona auda te ri nengaʼa ɓai.

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Matthew 12:43

Aman mèzhèɓ ambaɓiaʼa a ndo auda te ndo, a dè nshèwèlè a ɓala, a woya a nshèk va, aman a ngècè nshèk va azɓai.

Actes 10:45

A ndohi Juif man ta co a ndav, man ta shkè a nda Pierre, ta rzl ta, aman ko ndohi man verzi ta tsaɗ ha ta ngots Mèzhèɓ Zhiklè nkezlaʼa.

Actes 2:17

Zhiklè a gaɗa: A pats ndikèma skwai i woya man a i bèdè Mèzhèɓ ga a géɗ ndohi tèlèba, a wudahi kinè a dalahi kinè ta da hèdè ma Zhiklè; golahi kinè ta da rka skwi man a ma, a ndohi kinè nhalaʼa ta ngècè nshu-nè.

Actes 2:33

Antanta ri mandi Zhiklè a nzalaʼa, a nʼngots Mèzhèɓ Zhiklè nkezlaʼa, man Bab Zhiklè a mpasla na rai, a foko nga skwi haha man kin rkaʼa, a kin tsenaʼa.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Apocalypse 21:6

A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.