Esaie 43:6 - Ma Zhiklè

⁶ I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 43:6 ပူးပေါင်းရင်းမြစ်များ

Psaumes 107:3

tengaʼa man a ɓicka ta a deɓa tʼherkeda te civèɗ mvèng pats, te civèɗ nkèl pats, te man a tsagi a tsagai.

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 18:7

A pats nasa ndohi ngur-gurhiaʼa ntevaʼa, ndohi man ko ahngwa ahngwa ta gi zlau tengaʼa, ndohi nkurslaslaʼa nsalsalaʼa, man woyam tsaɗ tsaɗ a bèzlè kokwar ta, ta da cko na skwi mbalai a Zhiklè bi mbiaʼa, a za Sion, a sam man ta bèhè nzlembaɗ Zhiklè bi mbiaʼa.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:22

Zhiklè Ndo nzi pèc pècèk a goɗ ar haha: I kutèka ta ri a ndohi nte deɓa, i zlècèdè skwi man ndohi herkeda ta senyè te pa; wud ngurhi ngaya ta paka ta a ndav; dalahi ngaya ta manka ta a ba.

Esaie 54:3

ka zlèzlèmè te civèɗ ri mandai, ka zlèzlèmè te civèɗ ri gula, a ndohi te verzi ngaya ta da ndi kokwar-bihai, a ta nzi te kokwar man dikai.

Esaie 60:4

Ceda gèɗ a zhiklè, ngul dai! Ta tèlèba ta ɓicko va, ta shkè a sam ngaya. Wudahi ngaya ta shkè dra, ta zuɓko dalahi te ba.

Esaie 60:9

Ndohi man ta shèwèlè a géɗ iyam ta ɓicko va a sam ga gokwèn, wuromhi Tarsis a ma, a ta helka ta wudahi ngaya a sam nʼdraʼa. Ta shkè a guro a skwi mèshèlè tenga te rai, aman ta slébèrdè nzlembaɗ Ndo nzi pèc pècèk, Zhiklè ngaya, Zhiklè nkezlaʼa, a vna; aman nengaʼa a nzal ka.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 37:21

Te deɓaʼa ka da gaɗa ta: Bi Zhiklè a gaɗa: Na haha i da helka ta ndohi Israel auda te va ndohi herkeda man ta nzakaɗ a va tengaʼa, a i da ɓicka ta te tsagi tèlèba, a i de ta a deɓa a kokwar ta.

Joel 3:7

Na haha i da bahka ta a deɓa a sam man kin pre ta a pa, a i ngwoda kinè skwi man kin gu a haha a gèɗ.

Zacharie 6:6

Plèshi mʼmadza ta dè a civèɗ kokwar man a géɗèʼa. Plèshi nslekaɗaʼa ta dè a civèɗ mvèng pats; plèshi ndurtsotsoʼa ta dè a civèɗ man a dukwaɗ,

Deutéronome 30:4

Ko ta dzam ka a verzi herkeda ngidè dra, Ndo nzi pèc pècèk, Zhiklè ngaya, a da ɓic ka te pa, a da woy ka te pa.