Esaie 43:5 - Ma Zhiklè

⁵ Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 43:5 ပူးပေါင်းရင်းမြစ်များ

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Psaumes 107:3

tengaʼa man a ɓicka ta a deɓa tʼherkeda te civèɗ mvèng pats, te civèɗ nkèl pats, te man a tsagi a tsagai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 41:9

Ka man i cka ka te verzi herkeda, man i baha ka te man a tsagi herkeda, a i gada ka: Ka ɓèl ga. I ngatska ka auda, i kwol ka ɓai.

Esaie 43:1

Anai Ndo nzi pèc pècèk, nengaʼa man a fe ka, nengaʼa man a nge ka, a gaɗa ka, Israel: Ka gu zlau ɓai! I sumka ka a deɓa ma; i baha ka a nzlembaɗ ngaya, ka a ga.

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:18

Ngul dai, rka! Ta tèlèba ta ɓica va, ta dè a sam ngaya ara man i zhè á nshèffe a vava, Ndo nzi pèc pècèk a gada. Ta tèlèba ta ndi a skwi wi ngaya, a ka tila va ngaya a vna ara medemai.

Esaie 54:3

ka zlèzlèmè te civèɗ ri mandai, ka zlèzlèmè te civèɗ ri gula, a ndohi te verzi ngaya ta da ndi kokwar-bihai, a ta nzi te kokwar man dikai.

Esaie 54:7

I jèke ka nʼnzi kètè; aman i da cka ka a deɓa, ka siyè te va kumba.

Esaie 61:9

Ndohi nte deɓa ta da sun verzi ndohi sa, a ndohi herkeda ta sun wudahi tertgaʼa. Ta tèlèba man ta rka ta, ta gaɗa: verzi ndohi man Ndo nzi pèc pècèk a mpshè ta ma.

Esaie 8:10

Va-herda ma a hai — a di a gédèsh na. Va-basla gèɗ kinè — a da gi arsa azɓai, te man Zhiklè a zhè a nda nga.

Jérémie 23:7

Gar haha pats ngiɗè a di a shkè, Ndo nzi pèc pècèk a gaɗa, a ta gèɗè azɓai; Zhi-klè a zhè a nshèffè, nengaʼa man a nhelka ta ndohi Israel auda te kokwar Egypte.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Jérémie 42:11

Kin gu zlau bi Babylone ɓai, nengaʼa man kin gi zlauaʼa; kin gu zlau nengaʼa ɓai, Ndo nzi pèc pècèk a gaɗa. Aman i zhè a nda kinè, aman i mbel kinè, aman i preka kinè auda te ri na.

Jérémie 51:46

Ndav kinè da gudzu ɓai, kin gu zlau ɓai, a géɗ ma man kin tsena te kokwar, ma man kin tsena a vi na, a vi ngiɗè ba: skwi mwuɗitpa a zhè te kokwar, bi mwuɗitpa a mena na gèɗ a bi mwuɗitpa ngiɗè.

Joel 3:7

Na haha i da bahka ta a deɓa a sam man kin pre ta a pa, a i ngwoda kinè skwi man kin gu a haha a gèɗ.

Michée 2:12

Jacob, i da ɓic kinè tèlèba; i da ɓic ta njèkèɗi ndohi Israel; i da ɓic ta a sam staɗ ara tambakihi a kuɗom, ara rèwè tambak te zlazlar; ndohi rèdèdèʼa man ta hèzlèwè kumba.

Zacharie 8:7

Zhiklè bi mbiaʼa a ngaɗa: Na haha, i woy a i mbel ta ndohi ga, a hünko te civèɗ mvèng pats, a ndè a civèɗ nkèl pats.

Luke 13:29

A di ndohi ta shkè te man a verzi gai, te géɗèʼa, te tsagi te tsagai, a ta ndi skwi te kokwar Bi Zhiklè.

Jean 10:16

A i ngots tambakhi ngiɗè, ta tʼhwaɗ zlazlar haha di ɓai. Tengaʼa sèi i lèka ta a haha, a ta tsena daʼai ga, a ta gi a rèwè staɗ, a ndo mɓer ta staɗgenè.

Deutéronome 30:3

te deɓaʼa Ndo nzi pèc pècèk, Zhiklè ngaya, a da helka ta ɓèlèlihi a deɓa, ka da sia te va, a da ɓic kinè a deɓa te ndev ndohi herkeda man Ndo nzi pèc pècèk, Zhiklè kinè, a nksar kinè a pa.