Esaie 43:4 - Ma Zhiklè

⁴ A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 43:4 ပူးပေါင်းရင်းမြစ်များ

Genèse 12:2

I woy a i ge ka a verzi ndohi kumba, a i da pshè ka ma, a i da gra nzlembaɗ ngaya, man a pshè ma ndohai.

Psaumes 112:9

A vrè, a vi skwi a ndohi ntawas-saʼa. Ngi-zura nengaʼa a nzi a mèdèp. Nzlembaɗ nengaʼa a njèlè a ma mà.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Esaie 49:5

Aman Ndo nzi pèc pècèk, man a ngiyè a ɓèl na, man i tʼhwaɗ mam ga dai, a woy aman i hulkoɗi ndohi Jacob a deɓa a sam na, a i ɓicka ta ndohi Israel a sam na. Ndo nzi pèc pècèk a nzalyè; Zhiklè ga, nengaʼa wuɗi ga.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 31:3

Ndo nzi pèc pècèk a ngudoko ta va a di dra. I woy ka a ndav a mèdèp; gar haha i va ka pombai a ma ma.

Osée 11:1

Aman Israel a mvau a vata di ɓai, i woya kumba, a i bahka na kra ga auda te kokwar Egypte.

Mal. 1:2

Te va nasa i woy kinè, Ndo nzi pèc pècèk a gaɗa. A kin jhèɗèʼa: Ka woy nga te mè? Esau kramam Jacob ka ɓi ɗè? Ndo nzi pèc pècèk a gaɗa. Ko ar haha i woy Jacob,

Mal. 3:17

Zhiklè bi mbiaʼa a gaɗa: Tengaʼa a ga ga; a pats kita ga, ta da siyè te va, ara man kra man a gi mizlinè a sam bab na a si bab na te va.

Jean 16:27

Aman Bab ga a ri na a woy kinè, a géɗ man kin woy iyè, a kin co a ndav kinè, i shkè te Bi Zhiklè.

Jean 17:23

Iyè te tengaʼa, ka te iyè, aman ta gi a nstaɗ, jèlèlèʼa; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

Jean 17:26

A i ngreda ta nzlembaɗ ngaya; a i ngréɗèʼa dai. Aman mwoy-ndo ngaya man ka woy iyè a vna, da zhè a sam ta, a iyè te tengaʼa.

Jean 5:44

Aman kin woy aman ndohi ta slebarde kinè, kin woya man a Zhiklè ka ɓai, ncè-a-ndav kinè mè?

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Deutéronome 26:18

A patsna Ndo nzi pèc pècèk a ngaɗa ka aman ka pasla na rai, aman ka da ndi a ndohi na, a skwi na, ara man a gaɗa ka. A ka da jèjèr ma nkwèr nengaʼa tèlèba.

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 3:9

Na haha i woy a i gi aman ndohi te gi njèngè ma Sadan, man ta gaɗa, nga ndohi Juif, a ta goɗ a ncèkèlma, a ta da shkè, a ta kèlèhai a deɓ sak ngaya, a ta suna ara man i woy ka.