Esaie 43:11 - Ma Zhiklè

¹¹ Iyè, i Ndo nzi pèc pècèk, ndo mʼmbél ndo ngiɗè azɓai, sèi iyè.

Esaie 43:11 ပူးပေါင်းရင်းမြစ်များ

Psaumes 3:8

Ndo nzi pèc pècèk, slambaɗa! Zhiklè ga, takahayè! Ka tsama ta bazlazlam a mayamhi ga tèlèba, a ka prosloma ta zlèʼèn auda te ma a ndohi ambaɓihiaʼa.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 19:20

A nengaʼa a gi a skwi mal-wuɗai, a ngrédè skwi Ndo nzi pèc pècèk auda te kokwar Egypte. Aman ta kuɗi a sam Zhiklè a géɗ ndohi nʼnga ta mata-kwan, nengaʼa a da zlindeka ta ndo nta-kaha ta. Nengaʼa a da pre ta auda.

Esaie 42:8

Iyè, Ndo nzi pèc pècèk, nzlembaɗ ga Ndo nzi pèc pècèk. I vi nʼnjèl ga a ndo ngiɗè azɓai, i vi nslébèrdè ga a skwi mbèh skwi azɓai.

Esaie 43:3

Aman iyè, Ndo nzi pèc pècèk, i Zhiklè ngaya. Iyè, Zhiklè Israel nkezlaʼa, man i mbel ka. I vi Egypte a skwi mpil gèɗ ngaya. I vi Ethiopie a Saba te di man a ngaya.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 44:8

Kin gudzu ɓai, kin gu zlau ɓai! I senda kinè, i ngreda kinè nʼnzi a zhè ka ɓi ɗè? Kinè ndohi malwuɗihi ga! Zhiklè ngiɗè a zhè a tsagi ga ɗè? Sam ngedeng-gedengaʼa ngiɗè a zhi ɗè? I sun ngiɗè ɓai.

Esaie 60:16

Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Osée 1:7

Aman ndohi gi Juda ta da siyè te va, a iyè Ndo nzi pèc pècèk, Zhiklè tengaʼa, i da mbel ta. I da mbel ta a lèkèɗ a tsakwal a plèsh a ndohi plèsh ka ɓai.

Osée 13:4

ara vodzok man a bezkaɗa nvakavar. Iyè Ndo nzi pèc pècèk, Zhiklè ngaya, daga man ka te Egypte, ka sun Zhiklè ngiɗè bai, sèi iyè, ndo mʼmbel ndo ngiɗè a tsagi ga azɓai.

Jonas 2:10

Aman iyè i woy a i va ka skwai a i shida ka gèɗ; skwi man i gaɗa ka hai, i giaʼa. Skwi mʼmbél ndo, nte ri Ndo nzi pèc pècèk.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Luke 1:47

Mèzhèɓ ga a wuffè te Bi Zhiklè, Bi mʼmbelyè!

Luke 2:11

Aman a patsna ta ya kinè te kokwar David ndo mʼmbel ndo, nengaʼa Kristi, Bai.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Deutéronome 6:4

Israel, tsenaʼa! Ndo nzi pèc pècèk, Zhiklè nga, Ndo nzi pèc pècèk staɗgenè.

Titus 2:10

ta ngwèdè ri azɓai, aman ta lèɓèslè a sam tèlèba, aman ta slébèrdè ma Zhiklè Bi mʼmbel nga te skwi tèlèba.

Titus 2:13

a wuffedè ndav nga, a nga zhèr pats man Bi mʼmbel nga Yèsu Kristi a ngudko va a di a nʼnjèl Zhiklè mbiaʼa.

2 Peter 3:18

Va-gra a ma ma te pombai, te nshin Bi nga a Ndo mʼmbel nga Yèsu Kristi. Nʼnjèlè a nengaʼa antanta, a ma ma, a mèdèp! Amen!

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.

Jude 1:25

a Zhiklè staɗgenè man a mbel nga te Yèsu Kristi, Bi nga, nʼnjèlè nslébèrdè, wuɗai a wuɗi-bai, te nhinkaɗ na, antanta, a ndè a ma ma a mèdèp. Amen.

Apocalypse 1:11

man a gaɗa: Skwi man ka rkaʼa, windeda ɗèlèwèr, zlinda a sam mpi ndohi Zhiklè tsaraɗ: A Ephèse, a Smyrne, a Pergame, a Thyatire, a Sardes, a Philadelphie, a Laodicée.