Esaie 43:10 - Ma Zhiklè

¹⁰ Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 43:10 ပူးပေါင်းရင်းမြစ်များ

Psaumes 102:27

Ta da ndiv ta; aman ka, ka nza. Tengaʼa tèlèba ta hal ta ara maslaka. Ka da ngwèd ta ara maslaka, a ta zi ta.

Exode 8:6

A ngaɗa: Angoslèm! A Moise a ngaɗa: Ara man ka woyaʼa. A ka da suna, skwi ngiɗè ngar Ndo nzi pèc pècèk, Zhiklè nga, azɓai.

Esaie 41:20

Tèlèba ta da rkaʼa, a ta suna, ta her gèɗ, a ta co a ndav: skwi haha a shkè te ri Ndo nzi pèc pècèk; Zhiklè Israel nkezlaʼa a ngau.

Esaie 41:4

Ngu arsa wa? Ngu wa? Iyè Ndo nzi pèc pècèk, man i hüno verzi verzi ndohai tʼhinkaɗ na. Iyè nshèlèkuraʼa, i te va ndohi ndikèma ndohai lèmèlèmè.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 43:12

Iyè man i ngreda ta, i ge ta, i njè ta skwi mbel ndo. Zhiklè ngiɗè tsaɗ a te ndev kinè ɓai. Kinè malwuɗihi ga, Ndo nzi pèc pècèk a gaɗa, iyè Zhiklè.

Esaie 45:5

Iyè, Ndo nzi pèc pècèk, ngiɗè azɓai. Zhiklè ngiɗè a tsagi ga azɓai. I mana ka skwi deɓ ngaya, man ka senyè di ɓai.

Esaie 45:6

A ndohi tèlèba te civèɗ mvèng pats, ha civèɗ nkèl pats, ta suna, Ndo nzi pèc pècèk, iyè, ngiɗè azɓai, sèi iyè. Ndo nzi pèc pècèk iyè, ngiɗè azɓai.

Esaie 48:12

Ndohi gi Jacob, a Israel, man i ngotskoɗauda, va-tsena ma ga! Iyè, i zhè! I ndo nshèlèkuraʼa, a ndo nʼndikèma skwai.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 55:4

Na haha, i vau a ndo malwuɗai a sam ndohai, a ɓai, aman a ncè ta ma ndohi tèlèba.

Aggée 2:23

A pats nasa — Zhiklè bi mbiaʼa a gaɗa — ka gi a ndo malwuɗi ga; aman ka, man i ngatska ka auda, Zhiklè bi mbiaʼa a gaɗa.

Jean 15:27

Aman kinè ba, kin ndi a ndohi malwuɗihai, a géɗ man kin nza a sam ga te nhinkaɗ na.

Jean 20:31

Aman skwi malwuɗihi haha ta Windo, aman kin cè a ndav, Yèsu, nengaʼa Kristi, kra Zhiklè. A géɗ ncè-a-ndav kinè kin da ngècè nshèffè a nzlembaɗ na.

Actes 1:8

Aman Mèzhèɓ Zhiklè nkezlaʼa a shkè-hai a gèɗ kinè, kin da ngècè wuɗai, a kin ndi a ndohi malwuɗihi ga te kokwar Jérusalem, te kokwar Judée tèlèba, te kokwar Samarie, ha ndè a verzi herkeda.

1 Corinthians 15:15

Aman nga gi malwuɗi Zhiklè, ara man a slambaɗda Kristi te mʼmetsai, ndèkèm a nslambaɗda ɓai, a ndohi mʼmetsaʼa ta slambaɗkaɗauda ɓai, ar ta da ngats nga a ndohi malwuɗihi ncè-kèlma a géɗ Zhiklè.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

Deutéronome 4:35

Kin rka a di kinè, aman kin suna, Ndo nzi pèc pècèk, nengaʼa Bi Zhiklè stadgenè, ngidè azɓai.

Deutéronome 4:39

Gar haha a patsna kin suna, a kin hérè te ndav kinè; Ndo nzi pèc pècèk, nengaʼa Bi Zhiklè te giɗfèk, a géɗ herkeda ba, ngidè azɓai.

Philippiens 2:7

aman a ndeda va na a ɓèlè. A ngu lèmèlèmè ara ndo, a nʼnza ara ndo.

Colossiens 1:7

Kin sundo arsa a sam Epaphras, man nga woya a ndav nga, man nga mbi a mizlinè a vna. Nengaʼa ndo mizlinè Kristi nlèɓèslèʼa a sam nga,

Apocalypse 1:2

A Jean a nju ma Bi Zhiklè, a ngu malwuɗi Yèsu Kristi, a skwi tèlèba man a rkaʼa.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 3:14

Winda na tsuvom mpi ndohi Zhiklè te kokwar Laodicée: Nengaʼa man zlembaɗ na Amen, ndo malwuɗi nlèɓèslèa a nzuraʼa, nhinkaɗ skwi man Zhiklè a gau, a goɗ ar haha: