Esaie 42:5 - Ma Zhiklè

⁵ Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Esaie 42:5 ပူးပေါင်းရင်းမြစ်များ

Genèse 1:1

Te nhinkaɗ na, Bi Zhiklè a ngau giɗfèk a herkeda.

Genèse 2:7

A Ndo nzi pèc pècèk Zhiklè a ngu ndo a mberfenèk herkeda, a nftè na nshèffè a htsan. Aranta, ndo a zhè a nshèffè ma.

Job 12:10

Nshèffè ndohi tèlèba te ri na, mèzhèɓ ndohi tèlèba te ri na.

Job 27:3

A vava man i shèffè dai, a nshèffè a zhè te iyè dai,

Job 33:4

Mèzhèɓ Zhiklè a ngyè, Mèzhèɓ Zhiklè Bi-wuɗai a mvay nshèffè.

Job 34:14

Aman Zhiklè a cè Mèzhèɓ na a deɓa, a cè nshèffè na auda,

Psaumes 136:6

Nengaʼa man a ga na herkeda a géɗ a iyam; aman pombi nengaʼa a nzi a mèdèp.

Psaumes 33:6

Ma Ndo nzi pèc pècèk a ngau giɗfè-kihai, nshèffè te ma nengaʼa a ngau skwi tèlè te pa.

Psaumes 96:5

Aman Zhiklè ndohi nte deɓa, vri amɓalai; sèi Ndo nzi pèc pècèk a ngau giɗfèk.

Esaie 37:16

Ndo nzi pèc pècèk, Zhiklè bi mbiaʼa, Zhiklè Israel, man ka nzi a géɗ sam nʼnzi ɓai a géɗ cherubimhai. Ka staɗ ka Zhiklè a géɗ kokwar-bihi tʼherkeda tèlèba. Ka gu giɗfèk a herkeda.

Esaie 40:12

Nliv iyam a hwaɗ ri wa? Nliv giɗfèk a zur pandar wa? Nliv wyak tʼherkeda a ngu guvda a ri wa? Nliv zahi a kilo nkelawa, a ngègèɗhai a kilo man a zhidè va, wa?

Esaie 40:22

Nengaʼa man a nzi a géɗ sam nʼnzi bi a géɗ herkeda ndalpangaʼa, a ndohi a géɗ herkeda ta ara dzarai, nengaʼa man a pi giɗfèk ara balak, a winèʼa ara man a wuzhè gi maslaka a nzi a pa.

Esaie 40:26

Va-cid gèɗ a zhiklè, a kin da rkaʼa: Ngau skwi ar haha wa? Nde ta skwihi kumba man ta dè a haha wa? Mbaha ta staɗ staɗ a nzlembaɗ na, a gi a wuɗi nengaʼa mbiaʼa, aman ko staɗ a pceda deɓa ɓai, wa?

Esaie 40:28

Kin sun ɓi ɗè? Kin tsena ɓi ɗè? Ndo nzi pèc pècèk, Zhiklè a mèdèp, nengaʼa man a gu verzi herkeda tèlèba. A ngézhè azɓai, ntulè a keɗaʼa azɓai, maya nengaʼa a hi ara iyam te woyam.

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 45:12

I gau herkeda, i gau ndohi man a géɗ herkeda, ri ga a wuzhè giɗfèk, a i gaɗa ta golahi ga.

Esaie 45:18

Aman Ndo nzi pèc pècèk, man a ngu giɗfèk, nengaʼa staɗgenè Zhiklè, man a ngau, a ndizla herkeda, a mpau; a gu a géɗ hèshèkèɗ ka ɓai, a gu a géɗ man ndo a nzi a pa. Iyè Bi Zhiklè, ngiɗè azɓai.

Esaie 48:13

Ri ga a ngau herkeda, ri mandi ga a mwuzhè giɗfèk, a i baha ta, tèlèba ta zhè ma.

Esaie 57:16

I woya a i gi ndav a mèdèp azɓai, i verslè a mèdèp azɓai, man ɓai a fena wuɗi ndohi man i ge ta, a mèzhèɓ tengaʼa a mbats na.

Jérémie 10:12

Zhiklè a ngau herkeda a wuɗi nengaʼa, a ngeda pa a maya na, a ngu giɗfèk a géɗ man a sun ngiaʼa.

Jérémie 27:5

Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Jérémie 32:17

Wa! Bi Zhiklè, Ndo nzi pèc pècèk, ka ka gau giɗfèk a herkeda a wuɗi ngaya mbiaʼa, a ri ngaya man wuɗi na zhè. Skwi man ka slaha ɓi ba, azɓai.

Jérémie 38:16

Bai Sédécias a mʼmbaɗa na Jérémie a metsar, a ngaɗa na: Ara man Ndo nzi pèc pècèk a zhè, man a mva nga nshèffè, i da keɗ ka azɓai, i da fe ka a ri a ndohi man ta woy a ta zeda nshèffè ngaya azɓai.

Ezéchiel 18:4

Na haha nshèffè ndohi tèlèba a ga: nshèffè bab kra, a nshèffè kra, ta a ga. Ndo man a gi malai, sèi a metsi na.

Daniel 5:23

ka goɗ aman ta hulko ka kokwi te gi nengaʼa, a kinè a ndohi ngaya mbibihiaʼa a ngwozi ngaya a ngwozi kalak ngaya, kin si zom a vna. Ka slubordo zhiklèhi verzhègenè a guro a zi pats a züdo a wof a kwa, man ta rka di ɓai, man ta tsena zlembaɗ ɓai, man ta sun maya ɓai. Aman Bi Zhiklè man nshèffê ngaya te ri nengaʼa, man civèɗ ngaya tèlèba nte ri nengaʼa, ka slebarda bai.

Amos 9:6

Nengaʼa man a mpeda balak na a giɗfèk, a sak gi na a géɗ herkeda, nengaʼa man a baha na iyam te woyam, a hakaɗauda a géɗ herkeda, nzlembaɗ na Ndo nzi pèc pècèk!

Zacharie 12:1

Ma Ndo nzi pèc pècèk a géɗ Israel. Ndo nzi pèc pècèk, man a wuzhè giɗfèk, a gu herkeda, a vi mèzhèɓ a ndav ndo, a goɗ ar haha:

Actes 17:24

Bi Zhiklè man a gu herkeda a skwi tèlèba te pa, nengaʼa Bi giɗfèk a herkeda, a nzi te gi mʼmbèh skwi azɓai, man ri ndo a ngau.

Actes 17:25

Ri ndo a wara na di azɓai, ko skwi mèmè; aman nengaʼa a vi nshèffè a mèzhèɓ a ndo tèlè, a skwi tèlè.

Hébreux 1:2

Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.