Esaie 42:24 - Ma Zhiklè

²⁴ A mva na Jacob a ri a metsarhai; a Israel a ri a ndohi nhelama ta skwi, wa? Ndo nzi pèc pècèk ka ɓi ɗè, man ta gu mali a sam na, man kin woy a kin dè a civèɗ nengaʼa ɓai, kin tsena ma kita nengaʼa ɓai.

Esaie 42:24 ပူးပေါင်းရင်းမြစ်များ

II Chroniques 15:6

Ndohi herkeda ta gu var a ndohi herkeda ngiɗè, kokwar a kokwar ngiɗè, a géɗ man Zhiklè a mpa ta zlau a gèɗ a sam ngiɗè tsaɗ tsaɗ.

II Chroniques 36:17

Te deɓaʼa Ndo nzi pèc pècèk a nzlündo bi Chaldée, aman a da gi var a tengaʼa, a mbazl ta golahi te gi a sam tengaʼa nkezlaʼa, a tsakwal. Ko gola, ko demaʼa, ko babgai, ko ndohi mogonahai, a mpe ta a ri a nengaʼa.

Psaumes 81:12

Aman ndohi ga ta tsena ma ga bai, Israel a nfa gèɗ a ma ga bai.

Psaumes 81:13

A i jèke ta a ri a ndav tengaʼa nsassa-yaʼa, a ta dzodzor civèɗ ara man ndav ta a woyaʼa.

Esaie 30:15

Gar haha Ndo nzi pèc pècèk, Zhiklè Israel nkezlaʼa, a goɗ aranta: Aman kin menkaɗa deɓa a kin nza, kin da mbél kinè. Aman kin nzi tètèʼa, a kin pi ndav a Zhiklè, kin ngècè wuɗai; aman kin woya ɓai,

Esaie 42:23

Te ndev kinè wa, man a woya a fi zlembaɗ a ma haha; ndo nhérè wa? A ngi may a a skwi man a di a shkè wa?

Esaie 45:7

I gi skwi nhél sam, i gi ruva, i tsi gumai, i vi matakwan, iyè Ndo nzi pèc pècèk, man i gi skwi haha tèlèba.

Esaie 47:6

I gu ndav a géɗ ndohi ga; i rka nʼndi-gi ga ara skwi mphomaʼa, i pa ka a rai. Ta se ka te va ɓai; ko babgai, ka kelawa na wof a daʼai.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Esaie 63:10

Aman tengaʼa ta slambaɗa na va, ta ɗawarama na ndav a Mèzhèɓ Zhiklè nkezlaʼa. A nengaʼa a nde na mayam ta, a ngu var a tengaʼa a ri na.

Jérémie 44:10

Kin hur mali ɓai, ha patsna, kin ga zlau ɓai, kin dzadzara ma kita a ma nkwèr ga man i va kinè, a i va ta babhi kinè, ɓai.

Jérémie 5:15

I bahka ta ndohi ngiɗè dra, a ta da kala kinè a va, kinè ndohi Israel, Ndo nzi pèc pècèk a gaɗa. Ndohi nhalahiaʼa, ndohi man zlèzlèa ta zhè, ndohi man ka sun ma tengaʼa ɓai, ka tsena daʼai tengaʼa ɓai,

Lamentations de Jérémie 1:14

Mali ga man a dzawamay rai, nkelawa te daʼai ara wof, a cèmay wuɗai. Bi Zhiklè a mviyè a ri a ndohi man i slaha a i fen ta ɓai.

Lamentations de Jérémie 1:18

Ndo nzi pèc pècèk, nzuraʼa, Iyè, i gu mèdègèɗ a sam ma nengaʼa. Ndohi herkeda, va-tsenaʼa, kin tèlèba, va-rka skwi man a dzayè! Dalahi ga a golahi ga ta hel ta ma a ɓèlè.

Daniel 1:2

A Bi Zhiklè a mva na Jojakim, bi Juda, a ri a Nebucadnetsar, a kolongwi gi Zhiklè mba man a helda ma. A nengaʼa a ndaʼa a kokwar Shinear, a mpeda kolongwi a gi mèshèlè zhiklè na.

Amos 3:6

Ta tsi tolom te kokwar, a ndohi ta gudzi azɓi dè? Matakwan ngidè a zhè te kokwar, man Ndo nzi pèc pècèk a sun ɓi dè?

Matthew 22:7

A bai a ngu ndav, a nzlinde ta sojèhi nengaʼa, a ta bazl ta ndohi nkeɗe ndo matsa, a ta fa na vogwa a kokwar tengaʼa.

Deutéronome 28:49

Ndo nzi pèc pècèk a da zlinde ta ndohi herkeda ngiɗè te verzi herkeda dra, man ta shkè a géɗ ngaya ara mangayak; ndohi herkeda man ka sun daʼai tengaʼa ɓai,

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!

Juges 10:7

A Ndo nzi pèc pècèk a ngu ndav kumba a gèɗ Israel, a mpre ta ma a ri ndohi Philistie, a ri ndohi Ammon.

Juges 2:14

A ndza na a ndav a Ndo nzi pèc pècèk a vata a géɗ ndohi Israel, a mpe ta a ri a ndohi metsarhai, a ta helama ta skwi a metsar, a mpre ta ma a ri a mayamhi a tsagi tengaʼa, a ta slaha ta njèl va a sam mayamhi ta ɓai.

Juges 3:8

A Ndo nzi pèc pècèk a ngu ndav kumba a géɗ ndohi Israel, a mpre ta ma a ri Kushan-Risheathaim, bi Mésopotamie. A ndohi Israel ta gu ɓèlè a sam Kushan-Risheathaim, mvi 8.