Esaie 42:10 - Ma Zhiklè

¹⁰ Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 42:10 ပူးပေါင်းရင်းမြစ်များ

I Chroniques 16:32

Iyam mbiaʼa da huɓata da tsu ganga, a skwi nte pa tèlèba. Dak da wuffa, a skwi nte pa tèlèba.

Psaumes 150:6

Skwi mèmè man a shèffè, da shüd gèɗ a Ndo nzi pèc pècèk! Alléluia!

Psaumes 33:3

Va-sla na dimèsh mɓuaʼa, vo-kol ganga nkèlè!

Psaumes 40:3

A nckay auda te vèvèɗ ngédèshè, te draɓ, a mpay sak ga a pra, a mbatseday sak ga a hi zuraʼa,

Psaumes 65:5

Mwuffè a sam ndo man ka ngotskoɗauda a ka cèʼa, aman a da nzi te gala ngaya. Nga woy a nga ngècè mpshè ma te gi ngaya, a sam ngaya nkezlaʼa, a nga ngézhè a vna.

Psaumes 72:10

Bihi Tarsis, a bihi tʼherkeda te ndev iyam, sèi ta vi skwi mbalai. Bihi Séba a Saba sèi ta hulko skwai a ta va na.

Psaumes 96:11

Giɗfèk da gu langlangaʼa, herkeda da wuffa a gèɗ nengaʼa, iyam mbiaʼa da hubata, da tsu ganga, a skwi nte pa tèlèba!

Psaumes 97:1

Ndo nzi pèc pècèk, bai! Herkeda da wuffa, herkeda man nte ndev iyam da wuffa!

Exode 15:1

A pats nasa Moise a ndohi Israel ta slu dimèsh a sam Ndo nzi pèc pècèk, aranta: I woy a i sli dimèsh a Ndo nzi pèc pècèk, aman nʼnjèl nengaʼa mbiaʼa. A nkalda plèsh a ndo man a deɓaʼa a va iyam mbiaʼa.

Exode 20:11

Aman te mʼmèn mokwa, Ndo nzi pèc pècèk a ngu giɗfèk a herkeda, a iyam mbiaʼa, a skwi tèlè te pa, a nsok va pats matsaraɗaʼa. Gar haha Ndo nzi pèc pècèk a mpshè na ma pats nshèk va, a nkezlaʼa, a nslébèrdèʼa.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 12:5

Va-slu dimèsh nslébèrdè Ndo nzi pèc pècèk! Aman nengaʼa a ngau nrkedi mbiaʼa. Herkeda tèlèba da suna!

Esaie 42:4

Nengaʼa a kéɗè gèɗ a hi azɓai, a pèslèʼa azɓai, ha a mpu saba ma nzuraʼa tʼherkeda tèlèba; a ndohi tʼherkeda te ndev iyam ta zhèr ma nengaʼa.

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 60:6

Zlugumihi rè-dèdèʼa ta haya a sam ngaya, zlugumihi te Madian, te Epha. Ndohi Saba ta da shkè a guro a ɓurdi a ta njè skwi mbiaʼa man Ndo nzi pèc pècèk a gau.

Esaie 60:9

Ndohi man ta shèwèlè a géɗ iyam ta ɓicko va a sam ga gokwèn, wuromhi Tarsis a ma, a ta helka ta wudahi ngaya a sam nʼdraʼa. Ta shkè a guro a skwi mèshèlè tenga te rai, aman ta slébèrdè nzlembaɗ Ndo nzi pèc pècèk, Zhiklè ngaya, Zhiklè nkezlaʼa, a vna; aman nengaʼa a nzal ka.

Esaie 62:11

Na haha, Ndo nzi pèc pècèk a gèɗè, a ta cinè te verzi herkeda: Va-gaɗa na kokwar Sion: Na haha, ndo mʼmbel ngaya a shkè a skwi man a pil ka a vna a nda nengaʼa, a skwi ntul nengaʼa a ma na.

Esaie 65:14

Na haha, ɓèlèlihi ga ta da sli dimèsh a mwuffè te ndav. Kinè, ndav a dza kinè a kin kuɗai, kin dish va, mèzhèɓ az a ndav kinè ɓai.

Sophonie 2:11

Ndo nzi pèc pècèk a da gi skwi mwuɗitpa a sam tengaʼa, a da zede zhiklèhi mbèh skwi tengaʼa tèlèba tʼherkeda, a ndohi herkeda a ma woyam tèlèba ta da gurɓèhai a sam nengaʼa, staɗ staɗ tèlèba a sam nʼnzi na.

Apocalypse 14:3

A ta slu dimèsh mɓuaʼa a sam nʼnzi bai, a sam skwihi faɗ a nshèffè, a sam ndohi nhalaʼa, ndo ngiɗè a slaha a nslebi dimèsh ɓai, sèi ndohi 144.000 man ta sumka ta a deɓa tʼherkeda.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,