Esaie 42:1 - Ma Zhiklè

¹ Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 42:1 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 72:4

Bai a da helka ta mbelaw ndohai auda te kita, a da takaha ta ndohi ntawassaʼa, a mbatsaha ta ndo nʼnga ta matakwan.

Psaumes 89:4

Ka gaɗa: Nga derzla ma nga a ndo ga man i ngots-koɗauda, i mbaɗa na David, ɓèl ga:

Esaie 2:4

Nengaʼa a da gi kita ndohi herkeda tèlèba, a bèzlè kita a gèɗ ndohi man verzi ta tsaɗ tsaɗ. Ta da hil tsakwal ta, a ta viɗè a devar; a ta da hil su-lom ta, a ta da viɗè a gwodza. Ndohi herkeɗa ngiɗè ta da slambaɗa ta a va ndohi herkeda ngiɗè asaɓai, a ta slebi var te deɓaʼa asaɓai.

Esaie 32:16

Te deɓaʼa kita nzuraʼa a nzi tʼhèshèkèɗ, ngi-zuraʼa a nzi te gi dau.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 41:9

Ka man i cka ka te verzi herkeda, man i baha ka te man a tsagi herkeda, a i gada ka: Ka ɓèl ga. I ngatska ka auda, i kwol ka ɓai.

Esaie 42:2

Nengaʼa a bèhè a nhèzlèwè azɓai, ndo a cinè daʼai nengaʼa a dal kokwar azɓai.

Esaie 43:10

Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 50:10

Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Esaie 59:21

Aman iyè, nga derzla ma nga aranta a tengaʼa, Ndo nzi pèc pècèk a gada: Mèzhèɓ ga man a nzi a géɗ ngaya, a ma ga man i va ka a ma, da kazla auda te ma ngaya ɓai a mèdèp, ko te ma wud wudahi ngaya, a hinè antanta a ndè a ma ma a mèdèp, Ndo nzi pèc pècèk a gaɗa.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Aggée 2:23

A pats nasa — Zhiklè bi mbiaʼa a gaɗa — ka gi a ndo malwuɗi ga; aman ka, man i ngatska ka auda, Zhiklè bi mbiaʼa a gaɗa.

Zacharie 3:8

Josué, ndo mvi skwi a Zhiklè mbiaʼa, fu zlembaɗ! Kinè a gwoli man a tsagi ngaya, kinè ndohi malwuɗihai. Na haha, i woya a i cko ɓèl ga, ‘skwi man a fcè’.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Luke 3:22

Mèzhèɓ Zhiklè nkezlaʼa a mshkèhai a géɗ nengaʼa, ara nkuɗhom. A ta tsena ngèɗè staɗ te zhiklè te géɗèʼa, man a gaɗa: Ka kra ga man i woy ka a ndav ga. Ndav ga a wuffè kumba a géɗ ngaya.

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

Luke 4:19

a ndohi mandazlai, aman a ta rka dai, a ndohi man ta lèyè, matakwan tengaʼa klèng ma, a i njè mvi-Bi man amba.

Luke 9:35

A zlau a ndza ta te va vanai. A ta tsena ngèɗè staɗ te va vanai, man a gaɗa: Nengaʼa kra ga man i ngotskoɗauda. Va-tsun ma na!

Jean 16:32

Na haha patsa a di a shkè, ani a zhè ma, aman ta venda kinè gèɗ staɗ staɗ tèlèba, a kin jèkyè a géɗ ga. Aman iyè a géɗ ga ka ɓai. Nga a Bab ga.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Jean 6:27

Kin gu mizlinè a géɗ skwi nʼndi man a di agédèsh na ɓai, aman a géɗ skwi man a va kinè nshèffè a mèdèp, nengaʼa man kra-ndo a di a va kinè, kra-ndo man Zhiklè, Bab na, a tsoko na va,

Actes 10:38

kin suna, ara man Zhiklè a va na wuɗai a Yèsu ndo Nazareth haha, te Mèzhèɓ Zhiklè nkezlaʼa. A nengaʼa a nsawala, a ngu man amba, a mʼmbel ta ndohi tèlèba man bi madzagi a ga ta, te man Bi Zhiklè a zhè a nda nengaʼa.

Actes 11:18

Aman ta tsenaʼa, ta nza tètè, a ta slubordo Zhiklè, a ta gaɗa: Gar haha Zhiklè a gi aman ndohi te verzi ta tsaɗ tsaɗ ta ngwèdè ndav ta, a ta ngècè nshèffè.

Actes 28:28

Anai i ngreda kinè, aman skwi mʼmbel ndo Zhiklè haha, ta zlündo a sam ndohi nte deɓa; a tengaʼa ta da cinèʼa.

Actes 9:15

Bi Zhiklè a ngaɗa na: Do, aman nengaʼa ndo mizlinè ga man i ngotskoɗauda, aman a dè nzlembaɗ ga a sam ndohi herkeda, a sam bihai, a sam ndohi Israel.

Ephésiens 1:4

Aman te Yèsu, a mpar nga mpèrè, man herkeda nʼnge di ɓai, aman nga gi a ndohi nkezlaʼa, mali nga azɓai a sam di na, te mwoy-ndo nengaʼa,

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Philippiens 2:7

aman a ndeda va na a ɓèlè. A ngu lèmèlèmè ara ndo, a nʼnza ara ndo.

Colossiens 1:13

A mpreka nga auda te ri wuɗi ruva, a mpe nga a kokwar-Bi kra nengaʼa, man a woya a ndav na,

1 Peter 2:4

Va-herda na va, ara a sam kwa nshèffè man ndohi ta kwolaʼa, man Zhiklè a nco a skwi mbelaʼa a sam di na.

1 Peter 2:6

Gar haha ta Windo te ɗèlèwèr Zhiklè: Na haha i tilda kwa mbelaʼa a Sion. Ndo man a cè nengaʼa a ndav, a ngècè hori a di azɓai.