Esaie 41:8 - Ma Zhiklè

⁸ Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 41:8 ပူးပေါင်းရင်းမြစ်များ

I Chroniques 16:13

Kinè verzi Israel, ɓèl na, kinè wudahi Jacob, ndohi nengaʼa man a par ta!

II Chroniques 20:7

Ka, Zhi-klè nga, man ka dzam ta ndohi auda te kokwar haha a ma ndohi Israel, a ka va ta a skwi ndohi te verzi Abraham a mèdèp.

Psaumes 105:6

Kinè wudahi Abraham, ɓèl nengaʼa, kinè wudahi Jacob, ndo nengaʼa man a nʼngotskoɗauda.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Psaumes 136:21

A mva ta kokwar tengaʼa a skwi nʼndi gai; aman pombi nengaʼa a nzi a mèdèp.

Psaumes 136:22

A skwi nʼndi gai a Israel, ɓèl na; aman pombi nengaʼa a nzi a mèdèp.

Psaumes 33:12

Mwuffè a sam ndohi kokwar, man Ndo nzi pèc pècèk Zhiklè tengaʼa. Mwuffè a sam ndohi herkeda, man Ndo nzi pèc pècèk a nge ta a ndohi na.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 29:22

Gar haha Ndo nzi pèc pècèk, Zhiklè ndohi Jacob, man a nsumko Abraham a deɓa, a gaɗa: Te deɓaʼa Jacob a da ngècè hori a di azɓai, a ngwodama na di kuftor-hoʼa azɓai.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 42:19

Mandazli a wa, ɓèl ga ka ɓi ɗè? Ndaɓazlam man i zlündo ara ndo sak ga, wa? Mandazli, ara nengaʼa man Zhiklè nkezlaʼa, wa? Ndaɓazlam ara ɓèl Ndo nzi pèc pècèk, wa?

Esaie 43:1

Anai Ndo nzi pèc pècèk, nengaʼa man a fe ka, nengaʼa man a nge ka, a gaɗa ka, Israel: Ka gu zlau ɓai! I sumka ka a deɓa ma; i baha ka a nzlembaɗ ngaya, ka a ga.

Esaie 43:10

Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 44:21

Huro, Jacob, huro, Israel, ka ɓèl ga! I ge ka, ka ɓèl ga! Israel, i da pca ka a gèɗ ɓai!

Esaie 45:4

I baha ka a nzlembaɗ ngaya a géɗ Jacob, ɓèl ga, a géɗ Jérusalem, man i ngotskoɗauda. I va ka nzlembaɗ mbiaʼa, man ka senyè di ɓai.

Esaie 48:12

Ndohi gi Jacob, a Israel, man i ngotskoɗauda, va-tsena ma ga! Iyè, i zhè! I ndo nshèlèkuraʼa, a ndo nʼndikèma skwai.

Esaie 49:3

A ngaɗayè: Ka Israel, ɓèl ga, i ngreda nʼnjèl ga te ka.

Esaie 51:2

Va-pu di a Abraham, bab kinè, a Sara man a nyeka kinè. Man i baha na, na staɗgenè. A i pshè na ma, a mana a vata.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Jérémie 33:24

Ka tsena ma ndohi haha ɓi dè, man ta gaɗa: Verzi ndohi cèw haha man Ndo nzi pèc pècèk a nʼngatska ta auda, a nkwol ta! Aranta ta derde ndohi ga, ara man ta ndohi herkeda asakaɓai a sam ta.

Lèv. 25:42

Te man ta ɓèlèlihi ga, man i helka ta auda te kokwar Egypte. Ka pra ta ma a ɓèlèlihi ɓai!

Mal. 1:2

Te va nasa i woy kinè, Ndo nzi pèc pècèk a gaɗa. A kin jhèɗèʼa: Ka woy nga te mè? Esau kramam Jacob ka ɓi ɗè? Ndo nzi pèc pècèk a gaɗa. Ko ar haha i woy Jacob,

Matthew 3:9

Kin hur ɓai, a kin gaɗa, Abraham bab nga! Aman i gaɗa kinè: Zhiklè a slaha a nyoko na wuda a Abraham te kwahi haha.

Galates 3:19

Ta vau ma kita a géɗ mè? Ta vau a géɗ man a ngrédè malai, ha ndo te verziaʼa, man mpèsl ri a nengaʼa, a shkè ma. Zhiklè a nzlündo ma kita aranta a ri golahi Zhiklè, a mbezda na a ri a ndo.

Deutéronome 10:15

Aman Ndo nzi pèc pècèk a ngwodko ndav a sam babhi kinè genè, a woy ta, a mparka ta ndohi te verzi tengaʼa auda – nasa kinè – te ndev ndohi herkeda tèlèba, ara man kin ngotso a patsna.

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Jacques 2:23

Ar haha a gu ara ɗèlèwèr Zhiklè man a gaɗa: Abraham a nco Zhiklè a ndav, a Zhiklè a nfu a ndo nzuraʼa a géɗ ncè-a-ndav nengaʼa. A sam ngiɗè ta baha na mandal Zhiklè.