Esaie 41:25 - Ma Zhiklè

²⁵ I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Esaie 41:25 ပူးပေါင်းရင်းမြစ်များ

II Samuel 22:43

I kerzh ta ara mberfenèk herkeda, i gats ta a pa ara wujèɗ.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 21:2

Skwi mwuɗitpa man a da gi a ma a nrkay a dai: Ndo metsar a gi metsar, ndo ngédèshè skwai a gédèshè skwai. Ndohi Elam, vo-washkè dai! Ndohi Médie, va-ɗaha va! — I da ndevda na nlèyè na.

Esaie 41:2

Mbaha na nengaʼa man pèc pècèk ba ngula genè, te verzi gai, wa? Man a tsede ta ndohi herkeda a hi a ma na, a nkoldokoɗi ndohi auda te bi, wa? Tsakwal nengaʼa a ganzaf taa pa, lèkèɗ nengaʼa a venda ta gèɗ ara lokotor man kozlar a heldama.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Esaie 45:1

Ndo nzi pèc pècèk a ngaɗa na Cyrus, ndo man a bada na mbar a gèɗ: Ka man i gs ka te ri mandai, a i bazl ta ndohi herkeda a ma ngaya. I pra skwi deɓ bihai, a i winè ntamagi mpizlèa a ma ngaya.

Esaie 45:13

I baha na Cyrus a ma nzuraʼa, a i tila na civèɗ tèlèba. Nengaʼa a da ɗaɗaya kokwar ga, a da pre ta ndohi ɓèlè ga auda, a suli ka ɓai, a skwi mpil gèɗ ka ɓai, Zhiklè bi mbiaʼa a gaɗa.

Jérémie 1:14

Ndo nzi pèc pècèk a ngaɗayè: Matakwan a kalka ta a gèɗ a ndohi kokwar tèlèba te civèɗ man a géɗèʼa.

Jérémie 50:3

Aman ndohi herkeda te man a géɗèʼa ta shkè a ta gi var a Babylone, ta da gédèshè kokwar na, ndo a nzi a pa azɓai, ko ndo, ko skwi dak, tèlèba ta hu ta, to do ta.

Michée 7:10

Mayam ga da rkaʼa, da ngots hori a dai, nengaʼa man a gaɗayè: Ndo nzi pèc pècèk, Zhiklè ngaya, tema? Di ga a da wuffè a géɗ nengaʼa, man ta mbatsaha a sak ara koskosi a civèɗ.

Zacharie 10:5

A ta gi var a ta batsaha ta ngul ndohai a sam var ara koskosai. Aman Ndo nzi pèc pècèk a zhè a nda tengaʼa, a ndohi a deɓ plèsh ta vindè gèɗ a ta dzakaɓ ta.

Apocalypse 16:12

A gol Zhiklè mamokwaʼa a mbada kokwi na a géɗ Euphrate, woyam mbiaʼa. A iyam nengaʼa a nshe na, aman civèɗ ntila, man a bihi te man a mvèng pats.