Esaie 41:2 - Ma Zhiklè

² Mbaha na nengaʼa man pèc pècèk ba ngula genè, te verzi gai, wa? Man a tsede ta ndohi herkeda a hi a ma na, a nkoldokoɗi ndohi auda te bi, wa? Tsakwal nengaʼa a ganzaf taa pa, lèkèɗ nengaʼa a venda ta gèɗ ara lokotor man kozlar a heldama.

Esaie 41:2 ပူးပေါင်းရင်းမြစ်များ

Genèse 11:31

Térach a nhul Abram, kra na, a Lot, kra Haran, kra kra na, a Sarai, ngwoz kra na, ngwoz Abram, kra na, a nde ta auda te kokwar Ur te Chaldée, aman ta de a kokwar Canaan. A ta shkè Charan, a ta nza te pa.

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

II Samuel 22:43

I kerzh ta ara mberfenèk herkeda, i gats ta a pa ara wujèɗ.

II Rois 13:7

Njèkèɗi ndohi nda a sak 10.000 genè. A bi Syrie a nzede ta, a mbatsaha ta a sak ara koskosai.

II Chroniques 36:23

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mpay kokwar-bihi tèlèba tʼherkeda, a njèy ma a gèɗ, aman i rama na gai te kokwar Jérusalem, te Juda. Te ndev kinè wa, man kinè ndohi nengaʼa? Ndo nzi pèc pècèk, Zhiklè na, da zhè a sam ta, do do.

Esdras 1:2

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Esaie 40:24

Ta ge ta a patsna; ta zlekau a patsna, ta tsau zluzlor tʼherkeda. Aman a ftè ta, ta gwor ta, ndombozlor a hel ta a ma ara koskosai.

Esaie 41:25

I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Esaie 41:3

Nengaʼa a dzam ta, sak nengaʼa nsal na, a cinè a géɗ herkeda azɓai.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 45:1

Ndo nzi pèc pècèk a ngaɗa na Cyrus, ndo man a bada na mbar a gèɗ: Ka man i gs ka te ri mandai, a i bazl ta ndohi herkeda a ma ngaya. I pra skwi deɓ bihai, a i winè ntamagi mpizlèa a ma ngaya.

Esaie 45:13

I baha na Cyrus a ma nzuraʼa, a i tila na civèɗ tèlèba. Nengaʼa a da ɗaɗaya kokwar ga, a da pre ta ndohi ɓèlè ga auda, a suli ka ɓai, a skwi mpil gèɗ ka ɓai, Zhiklè bi mbiaʼa a gaɗa.

Esaie 46:11

I baha na ndo man ara mangayak te verzi gai, a i gi skwi a vna ara man i huro. Aman i goɗo, a shkè; i huro, a i gi arsa.

Esaie 48:15

Iyè, i godo, i baha na, i gada na da shkè, a i takaha a civèɗ na.

Lamentations de Jérémie 1:15

Ngul ndohi tèlèba a sam ga, Ndo nzi pèc pècèk a nkwol ta, a mboho, aman ta vhè ma, a ta gédèshè golahi ga. Bi Zhiklè a nhanzaslda bidali, dem Juda, a klok.

Hébreux 7:1

Melchisédek haha, nengaʼa bi Salem, ndo mvi skwi a Zhiklè, Bi Zhiklè a géɗ bi tèlè. Aman Abraham a mshkè a deɓa a ngwai te ngi var a nda bihai, a mdo aman ta zli gèɗ a vna, a mpshè na ma.

Apocalypse 16:12

A gol Zhiklè mamokwaʼa a mbada kokwi na a géɗ Euphrate, woyam mbiaʼa. A iyam nengaʼa a nshe na, aman civèɗ ntila, man a bihi te man a mvèng pats.

Apocalypse 7:2

A i rka gol Zhiklè ngiɗè a mshkè a sam mvèng pats, nengaʼa a nʼngots skwi mpizlè ntkotsaʼa a Zhiklè man a zhè a nshèffe, a ngoɗ a ngèɗè mbiaʼa a sam golahi Zhiklè faɗ man ta ngots wuɗai, aman ta gedassa herkeda a iyam mbiaʼa,