Esaie 41:17 - Ma Zhiklè

¹⁷ Aman mbelawahai a ndohi ntawas-saʼa ta woy iyam a ta ngècè azɓai, mi iyam a gworama ta nèʼèn te ma, iyè Ndo nzi pèc pècèk, i cinè kuɗ tengaʼa a i jèke ta a gèɗ ta azɓai.

Esaie 41:17 ပူးပေါင်းရင်းမြစ်များ

Genèse 28:15

Anai i zhè a sam ngaya, a i ɓer ka a sam tèlèba man ka dè a pa, a i minde ka a deɓa a kokwar haha. I woy a i jèke ka azɓai, ha a i ga tèlèba man i pasla ka rai.

I Rois 17:8

A Ndo nzi pèc pècèk a ngaɗa na Elie:

II Chroniques 6:17

Anai, Ndo nzi pèc pècèk, Zhiklè Israel, gau ara man ka gaɗa na David, ɓèl ngaya, bab nga.

Psaumes 22:15

Iyè ara iyam man mbaɗa tʼhai. Va-taslhi ga ta verzl ta. Tukwal a te ndav ɓai.

Psaumes 34:6

Va-pu di a nengaʼa, a hela kinè te di dzayaʼa, a kin ngècè hori a di azɓai.

Psaumes 37:25

Te va nasa i gola, antanta i babgi ma, a i rka man Ndo nzi pèc pècèk a njèkeɗa ndo nzuraʼa ɓai, a wudahi nengaʼa ta hèsh skwi nʼndi azɓai.

Psaumes 42:2

Ara mènèɗ man a shèkèt na a iyam, lèmèlèmè ndav ga a shèkèt na a gèɗ ngaya, Zhiklè!

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 74:21

Mbelaw ndo da shkè a deɓa a hori a di ɓai! Ndo ntawassaʼa a mbelaw ndo sèi ta slébèrdè nzlembaɗ ngaya!

Psaumes 94:14

Aman Ndo nzi pèc pècèk a da kwol ta ndohi nengaʼa azɓai, a da jèkeda skwi nʼndi gi nengaʼa azɓai.

Exode 17:3

Aman iyam a ndza ta ndohi te pa, ta gu ndav a Moise, a ta gada na: Ka helka nga auda te kokwar Egypte èhèmè, aman nga a wudahi nga a skwihi nga nga bèzl nga a mi iyam?

Exode 17:6

Na haha i woy a i zlècè a pa a ma ngaya. Te pa ka tsi za, a iyam a hakaɗauda, a ndohi a ta siaʼa. A Moise a ngu arsa a sam di ndohi nhalaʼa te Israel.

Esaie 30:19

Kinè ndohi Sion, man kin nzi te Jérusalem, kin da kuɗi a ma ma asaɓai. Kin da si Zhiklè te va, aman kin da kuɗi a sam na; ncin na, a cèʼa.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Esaie 43:20

Skwi dak ta da sle-bardyè, nvalaval a zhèrèu. Aman i kèl iyam tʼhèshèkèɗ, a woyam a tsohi-tsoh, a i va ta iyam nsai a ndohi man i par ta,

Esaie 44:3

I da géj iyam a herkeda ngwo-raʼa, a iyam a hi a sam ngworaʼa. I da bèd Mèzhèɓ ga a gèɗ wudahi ngaya, a i pshè ta ma ndohi verzi ngaya,

Esaie 48:21

Nengaʼa a nde ta a civèɗ hèshèkèɗ, iyam a ndza ta ɓai. A ncizla za, a iyam a hakaɗauda.

Esaie 49:10

Mi a bazl ta azɓai, iyam a dza ta azɓai, pats a te ta azɓai; aman ndo man ta sia te va, a de ta, a lè ta a sam nlèlè iyam.

Esaie 55:1

Kin tèlèba, man iyam a dza kinè, vo-washkè a sam iyam! Kinè ba, man suli kinè azɓai, vo-washkè! Kin ngècè ambalai, a nshum ka ɓai, barassa a wa!

Esaie 58:11

Ndo nzi pèc pècèk, man a cè ka ma a mèdèp, a ngeza ka skwi a hwaɗ tʼhèshèkèɗ, a va ka wuɗi a va. Ka gi ara gi lak man ta ɓèl iyam a pa zuraʼa, ara nlèlè iyam man iyam a shè te pa azɓai.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Esaie 65:13

Gar haha Ndo nzi pèc pècèk Zhiklè a gaɗa: Na haha, ɓèlèlihi ga ta da ndi skwai. A kinè, mi a keɗe kinè. Na haha, ɓèlèlihi ga ta da si skwai. A kinè, iyam a dza kinè. Na haha, ɓèlèlihi ga ta wuffè. A kinè, kin gshè gèɗ.

Esaie 65:24

Ga ta bahayè, i woya a i mbeɗa ta a ma. Ta gèɗè dai, i tsena ma.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Jérémie 31:25

Aman ndav ndohi tèlèba i ga latsatsaʼa, a ndav tèlèba man nʼngeza, i pa ta a pa a ndav.

Lamentations de Jérémie 4:4

Kra man a cidè wa, ɗèzhè a kala ta hwaɗ, wudahi nkèshèʼa ta jhèɗè skwi nʼndai, ndo a va ta azɓai.

Ezéchiel 47:8

A ngaɗayè: Iyam haha a hi auda te civèɗ mvèng pats, a hi a hèshèkèɗ, a hi a va iyam mbiaʼa, man boma te pa; a iyam a ngwode na a iyam njènaʼa.

Matthew 5:3

Mwuffè a sam tengaʼa man ndohi ngiɗè ta sla ta ndohi ntawassaʼa te maya.

Matthew 5:6

Mwuffè a sam ndohi man ngi-zuraʼa a zle ta, ara skwi nʼndai, ara iyam nsai; aman sèi ta da ngézhèʼa.

Luke 16:24

A mbaha na, a ngaɗa: Abraham, Bab ga, i da se ka te va, zlündo Lazare, a nècko iyam a kra ri nengaʼa, a nècèy a nèʼèn ga, a ntaslayè! I si matakwan a vata te ndev vogwa haha.

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

Apocalypse 21:6

A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.