Esaie 41:14 - Ma Zhiklè

¹⁴ Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 41:14 ပူးပေါင်းရင်းမြစ်များ

Job 19:25

Iyè i suna, ndo nʼnzakay a deɓa a zhè a nshèffè, nengaʼa ndi-kè-ma ndo a géɗ herkeda.

Job 25:6

Holholaʼa ndo, man ara zerɗaɗau, kra ndo, man ara meturɗai.

Psaumes 19:14

Ɓür ɓèl ngaya a sam ndohi nfi va, a ta gi bi a gèɗ ga azɓai. Te deɓaʼa i nza, mali ga azɓai, ndav ga mpana te mali mbiaʼa.

Psaumes 22:6

Ta kuɗau a sam ngaya, a ka mbel ta. Ta pu ndav a ka, a ta ngatsa hori a di ɓai.

Psaumes 46:5

Kokwar Bi-Zhiklè a wuffè a géɗ woyam man a kezli gèɗ te pa, sam nʼnzi Zhiklè mbi-mbiaʼa nkezli-nkezlaʼa.

Psaumes 78:35

Ta huro: Bi Zhiklè, sam nga ngedeng-gedengaʼa. Zhiklè te géɗèʼa, ndo nsumka nga a deɓa.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 43:14

Ndo nzi pèc pècèk, man a mbel kinè, Zhiklè Israel nkezlaʼa, a goɗ aranta: I zlindè ndohi var a kokwar Babylone, a ndohi tenga tèlèba ta hi ta auda a sam ta, a i ngwoda mwuffè ndohi Chaldée a wobau, a gèɗ kinè.

Esaie 43:3

Aman iyè, Ndo nzi pèc pècèk, i Zhiklè ngaya. Iyè, Zhiklè Israel nkezlaʼa, man i mbel ka. I vi Egypte a skwi mpil gèɗ ngaya. I vi Ethiopie a Saba te di man a ngaya.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 47:4

Ndo mʼmbel nga a gaɗa: nzlembaɗ na Zhiklè bi mbiaʼa, Zhiklè Israel nkezlaʼa.

Esaie 48:17

Ndo nzi pèc pècèk, ndo mʼmbel ka, Zhiklè Israel nkezlaʼa, a goɗ ar haha: Iyè, Ndo nzi pèc pècèk, i Zhiklè ngaya, man i slebda ka skwi man amba, man i lamda ka a civèɗ man i woy a ka dè a pa.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 49:7

Ndo nzi pèc pècèk, man a mbel Israel, Zhiklè Israel nkezlaʼa, a ngaɗa na ɓèl ndohi shèwa, man ndohi ta kwolaʼa, man a mpra ta zlau a va a ndohi herkeda: Bihi mbibihiaʼa ta da rkaʼa, a ta slambaɗa; bihi nkèshèʼa ta da gurɓèhai a sam Ndo nzi pèc pècèk man nlèɓèslèʼa, a sam Zhiklè Israel nkezlaʼa, man a nʼngatska ka auda.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Esaie 54:8

Ndav ga a nslambaɗa a ndzoan, a i ngheda va ga a ka, nʼnzi kètè; aman a pombi ga a mèdèp ka siyè te va, Ndo nzi pèc pècèk, man a mbel ka, a gaɗa.

Esaie 59:20

Ndo mʼmbel Sion, ndo mʼmbel ndohi te gi Jacob, man ta menkaɗa deɓa te mali tengaʼa, a shkè, Ndo nzi pèc pècèk a gaɗa.

Esaie 60:16

Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Jérémie 46:27

Aman ka, ka gu zlau ɓai, Jacob, ɓèl ga, ka gudzu ɓai, Israel. Na haha i mbel ka, ko ka dra; a ndohi te verzi ngaya, te kokwar man kinè te pa te ɓèlè. Jacob a di a shkè deɓa, a nzi a gumai, skwa a da ga na azɓai, ndo a da pra na zlau a va azɓai.

Jérémie 50:34

Aman ndo nsumka ta a deɓa, wuɗi na zhè, nzlembaɗ na Zhiklè bi mbiaʼa, a sun nʼnza ta a deɓa, aman a vi gumi a herkeda, a pra ta zlau a va ndohi Babylone.

Lamentations de Jérémie 3:57

Aman i baha ka, ka zhè ndul ndul, ka gada: Ka gu zlau ɓai!

Daniel 10:12

Te deɓaʼa a ngadayè: Daniel, ka gu zlau ɓai, te nhin pats nshèlèkuraʼa man ndav ngaya a woy a nsun verziaʼa, a ka manda gèɗ a hi a sam Zhiklè ngaya, Zhiklè a ntsena ma ngaya, a i shkè a gèɗ nengaʼa.

Osée 11:9

I woy a i gi ndav a i gi a ndzoan azɓai, i woy a i gedassa Ephraim te deɓaʼa azɓai, te man i Zhiklè, ndo ka ɓai;

Matthew 7:14

A ntamagi nlühaʼa, a civèɗ nlühaʼa, man a daʼa a nshèffè; ndohi man ta ngècèʼa matskata genè.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Romans 9:27

Esaie a bèhè a géɗ Israel: Ko wudahi Israel ta mènè ara wyak a ma woyam mbiaʼa, sèi njèkèɗiaʼa kèshkata ta da mbél ta.

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Deutéronome 7:7

A géɗ man kinè a vata ka ɓai man Ndo nzi pèc pècèk a woy kinè; kinè ndohi nkèshèa te ndev ndohi ngidè tèlèba, kin fena ndohi ngidè azɓai;

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Josué 17:18

Aman sam dak te man a za a ngaya, man wof nhaya a pa. Ɗotso wof—ncèkè ngaya. A ka da dzam ta ndohi Canaan, ko man kiki var ta a zhè, ko man wuɗi ta a zhè.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,