Esaie 41:10 - Ma Zhiklè

¹⁰ Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:10 ပူးပေါင်းရင်းမြစ်များ

Genèse 15:1

Te deɓaʼa Ndo nzi pèc pècèk a ngaɗa na Abram te nshunè: Abram, ka gu zlau bai, i gambar ngaya. Skwi ntul ngaya mbiaʼa a zhè a ma.

Genèse 26:24

A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 31:5

a ngaɗa ta: Di Laban, bab kinè, a sam ga az ara mpats ngiɗè ɓai. Aman Bi Zhiklè bab ga a zhè a sam ga.

Genèse 49:24

Aman lèkèɗ nengaʼa mʼmanaʼa, a ri nengaʼa wuɗi te pa, a géɗ man Zhiklè Jacob a mva na wuɗai a nzlembaɗ ndo mɓer Israel,

II Samuel 22:19

Ta kalay a va a pats matakwan ga; aman Ndo nzi pèc pècèk a nzalyè,

I Chroniques 12:18

A Mèzhèɓ a mshkè a gèɗ Amasai, staɗ te va bihi sojè, a ngaɗa: Gumi a sam ngaya, David, kra Isai! Gumi a sam ngaya! Gumi a sam ndohi ntakaha ka, te man Zhiklè ngaya a ntakaha kal Te deɓaʼa David a nhumda va a nda tengaʼa, a nge ta a ndohi ncè ta ma ndohi var.

II Chroniques 20:17

Kinè a ngi var haha ka ɓai. Vo-do, va-zlatsa, a kin da rka ara man Ndo nzi pèc pècèk a mpreka kinè auda. Juda a Jérusalem, kin gu zlau ɓai, kin gudzu ɓai, an-goslèm vo-do auda, va-gu var a nda ta. Ndo nzi pèc pècèk a zhè a nda kinè.

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Psaumes 144:11

Mbelyè te ri tsakwal mʼmetsai, ckay auda te ri ndohi man verzi ta tsaɗ, man ta cèkèl-ma a ta mbèɗè a ncèkèlma.

Psaumes 144:8

man ta cèkèlma, man ta mbèɗè a ncèkèlma.

Psaumes 145:14

Ndo nzi pèc pècèk, man ndohi man ta kèlèhai ta thè va a vna. A da zlatsede ta ndohi nhurvaʼa.

Psaumes 147:12

Jerusalem, slubordo Ndo nzi pèc pècèk! Sion, slu dimèsh nshid gèɗ a Zhiklè ngaya!

Psaumes 18:36

Ka vay gambar skwi mʼmbel ndo ngaya. Ri mandi ngaya a nzalyè. Pombi ngaya a gyè a ndo mbiaʼa.

Psaumes 27:1

Man a David. Ndo nzi pèc pècèk, skwi nhél sam askwi mbelyè. I gi zlau ngè? Ndo nzi pèc pècèk, wuɗi nshèffè ga. I gudzi te ri ngè?

Psaumes 29:11

Ndo nzi pèc pècèk da va na wuɗai a ndohi na; Ndo nzi pèc pècèk da pshè ta ma ndohi na a gumai.

Psaumes 33:12

Mwuffè a sam ndohi kokwar, man Ndo nzi pèc pècèk Zhiklè tengaʼa. Mwuffè a sam ndohi herkeda, man Ndo nzi pèc pècèk a nge ta a ndohi na.

Psaumes 37:17

Ri ndohi ambaɓihiaʼa ta pèsl ta, aman Ndo nzi pèc pècèk a nzala ta ri a ndohi nzuraʼa.

Psaumes 37:24

Ko man kwa a tsama na sak, a kèlèhi azɓai; Ndo nzi pèc pècèk a gshè ri na.

Psaumes 41:12

I da suna, a i gaɗa i ambaha ka a vava, aman ka va na civèɗ a ndo mayam ga a ngwossahay ɓai.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Psaumes 63:8

Aman ka gaʼa a ndo ntakahayè, i wuffè tʼhwaɗ kelpasl ngaya.

Psaumes 65:5

Mwuffè a sam ndo man ka ngotskoɗauda a ka cèʼa, aman a da nzi te gala ngaya. Nga woy a nga ngècè mpshè ma te gi ngaya, a sam ngaya nkezlaʼa, a nga ngézhè a vna.

Psaumes 99:4

Bai, wuɗi na zhè, kita ambaha. Ka, man ka vi ma kita. Ma kita a ngi-zuraʼa ka gu te Jacob.

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 35:4

Va-gaɗa ta ndohi man ndav ta mʼmbeɗ na: Va-sassaya di kinè, kin gu zlau ɓai! Na haha Zhiklè kinè! A shkè a mpil gèɗ ndohai, a jhèɗè skwi mpil gèɗ, nengaʼa a shkè a ntakaha kinè a ri na.

Esaie 37:6

Esaie a ngaɗa ta: Va-gaɗa na bi kinè: Ndo nzi pèc pècèk a goɗ arsa: ka gu zlau ma man ka tsena ɓai, man golahi bi ta derɗyè a vna.

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 50:9

Na haha Bi Zhiklè a takahayè. Nwoya a mphomdyè wa? Na haha ta husl ta ara maslaka man nfa-far a ndiaʼa.

Esaie 52:7

Sak nengaʼa mbikaɓai, man a njè ma mwuffè, ma gumai te za, a va ta ma mbelaʼa, a njè ta ma mʼmbel ndo, a gaɗa na Sion: Zhiklè ngaya, bai!

Esaie 60:19

Pats a gi a skwi nhél sam ngaya asaɓai; kia a hél sam ngaya asaɓai; aman Ndo nzi pèc pècèk, nengaʼa skwi nhél sam ngaya a mèdèp. Zhiklè ngaya, nengaʼa a nʼnjèl ngaya.

Lamentations de Jérémie 3:57

Aman i baha ka, ka zhè ndul ndul, ka gada: Ka gu zlau ɓai!

Daniel 10:12

Te deɓaʼa a ngadayè: Daniel, ka gu zlau ɓai, te nhin pats nshèlèkuraʼa man ndav ngaya a woy a nsun verziaʼa, a ka manda gèɗ a hi a sam Zhiklè ngaya, Zhiklè a ntsena ma ngaya, a i shkè a gèɗ nengaʼa.

Daniel 6:16

Te deɓaʼa bai a ngaɗa ta aman ta cko Daniel a ta kalda a gi marizhèlè. Bai a nhüno a ngaɗa na Daniel: Zhiklè ngaya man ka gi mizlinè nengaʼa pèc pècèk, da mbel ka a ri na!

Osée 1:9

Ndo nzi pèc pècèk a ngaɗa: Va na nzlembaɗ na Lo-Ammi (ndohi ga ka ɓai); aman kinè ndohi ga ka ɓai, a iyè i Zhiklè kinè ka ɓai.

Aggée 1:13

Te deɓaʼa Aggée, ndo sak Ndo nzi pèc pècèk, a mʼmenda ta ma Ndo nzi pèc pècèk a ndohai, a ngaɗa: I zhè a nda kinè, Ndo nzi pèc pècèk a gaɗa.

Aggée 2:5

Mèzhèɓ ga a nzi te ndev kinè, kin gu zlau ɓai!

Zacharie 10:12

Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Luke 1:13

Gol Zhiklè a ngaɗa na: Ka gu zlau ɓai, Zacharie; aman Zhiklè a ntsena ntsi ri ngaya. Elisabeth, ngwoz ngaya, a da ya ka kra nguraʼa, a ka da va na nzlembaɗ na Jean.

Luke 1:30

A gol Zhiklè a ngaɗa na: Ka gu zlau ɓai, Marie! Ka ngots pombai a sam Zhiklè!

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Deutéronome 20:1

Aman ka da gi var a nda ndohi mayamhi ngaya, a ka da rka plèshihi a kiki var a ndohi kumba a fena man a ngaya, ka da gu zlau ɓai! Aman Ndo nzi pèc pècèk, Zhiklè ngaya, man a cka ka auda te kokwar Egypte, a zhè a nda ka.

Philippiens 4:13

I slaha skwi tèlèba a nda nengaʼa, man a vay wuɗai.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Juges 6:16

Ndo nzi pèc pècèk a ngaɗa na: I da zhe a nda ka, a ka da bazl ta ndohi Madian tèlèba, ara man ka keɗa ndo stadgenè.