Esaie 40:5 - Ma Zhiklè

⁵ Aranta nʼnjèl Zhiklè a gudko va a dai, a ndohi tèlèba ta rkaʼa. Ma Ndo nzi pèc pècèk a ngoɗa.

Esaie 40:5 ပူးပေါင်းရင်းမြစ်များ

I Rois 14:11

Ko wawa te ndev ndohi Jéroboam man a mets na te kokwar, kdadihai ta da ndiaʼa. Ko wawa man a da metsi na a dal kokwar, ɗiakihai tʼhwaɗ giɗfèk ta da ndiaʼa ara man Ndo nzi pèc pècèk a nhodko ma.

Psaumes 102:16

Te deɓaʼa ndohi herkeda ta da gi zlau nzlembaɗ Ndo nzi pèc pècèk, a bihi herkeda tèlèba ta gi huyokokoʼa a sam nʼnjèl ngaya.

Psaumes 102:17

Aman Ndo nzi pèc pècèk a da rèm Sion zaʼa, a da ngrédè va na te nʼnjèl na,

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Psaumes 96:6

Nslébèrdè a nʼnjèlè a sam di nengaʼa. Wuɗibai a nʼnjèl-bai a sam nengaʼa nkezlaʼa.

Psaumes 97:6

Giɗfèk a njè ngi-zura nengaʼa, a ndohi herkeda tèlèba ta rka nʼnjèl nengaʼa.

Exode 16:7

A prèk kin da rka nʼnjèl Ndo nzi pèc pècèk, aman nengaʼa a ntsena ara man kin ga na ma a va. Kin gi ndav a géɗ nga èhèmè?

Esaie 1:20

Aman kin woya ɓai, a kin kwolyè genè, ta da bazl kinè a tsakwal. Aman Ndo nzi pèc pècèk a ngoɗ te ma na.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 26:15

Ka gu a ndohi ta zlèzlèmè, Ndo nzi pèc pècèk! Ka gu a ndohi ta zlèzlèmè, ka ngreda nʼnjèl ngaya, a ka herdaha kuma kokwar a deɓa.

Esaie 34:16

Va-wuzho te ɗèlèwèr Zhiklè a kin jongo! Skwi man a zaha va na te vaʼa azɓai. Aman Ndo nzi pèc pècèk a ngoɗa, a Mèzhèɓ nengaʼa a mɓicaʼa.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 40:4

Nkulgodokihai ta ɗa-ɗal ta, za a ngègèɗhai tèlèba ta da mbeɗka ta a hai, a kwazlazlam a ndi a sam tsuɗusl-tsuɗuslaʼa a lèmdè na, a kurzla-zli kwahai ta nde ta hai.

Esaie 41:20

Tèlèba ta da rkaʼa, a ta suna, ta her gèɗ, a ta co a ndav: skwi haha a shkè te ri Ndo nzi pèc pècèk; Zhiklè Israel nkezlaʼa a ngau.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 58:14

te deɓaʼa ka ngècè mwuffè a sam Ndo nzi pèc pècèk. I da tevda ka a géɗèʼa, ara man ka tsi sabai, a i va ka skwi nʼndi gi Jacob, bab ngaya. Aman Ndo nzi pèc pècèk a goɗ te ma na.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 60:1

Slambaɗa, do a sam nhelaʼa! Aman skwi nhél sam ngaya a shkè, a nʼnjèl Ndo nzi pèc pècèk a vèngè a géɗ ngaya.

Esaie 66:16

Ndo nzi pèc pècèk a gi kita a sam ndohi haha tèlèba a vogwa, a tsakwal te rai, a ndohi man Zhiklè a bazl ta ta gi a vata.

Esaie 66:18

I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Esaie 66:23

A mvèng ki ngiɗè, a mvèng ki ngiɗè, a pats nshèk va ngiɗè, a pats nshèk va ngiɗè, ndohi tèlèba ta shkè a ta tsi rai a sam ga, Ndo nzi pèc pècèk a gaɗa.

Jérémie 32:27

Nana, iyè Ndo nzi pèc pècèk, i Zhiklè ndohi tèlèba. Skwi man i slaha ɓai, a zhi dè?

Jérémie 9:12

Ndo man maya na zhè wa, man a sun verzi skwi haha, a Ndo nzi pèc pècèk a ngaɗa na te ma na: herkeda ngedas na, nʼndeda hèshèkèɗ a ndo a bizhè a pa azɓai, a géɗ mè?

Joel 2:28

Te deɓaʼa a da gi aman i bèdè Mè-zhèɓ ga a géɗ ndohi tèlèba, a wudahi kinè a dalahi kinè sèi ta hodko ma Zhiklè; ndohi kinè nhalaʼa ta ngècè nshunè, a golahi kinè sèi ta rka skwi man a ma.

Michée 4:4

Staɗ staɗ tèlèba a nza te gi dau na, te verzi wof na, a skwi ngiɗè a pa ta zlau a gèɗ asaɓai, Ndo nzi pèc pècèk Zhiklè bi mbiaʼa a ngoɗ te ma na.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Zacharie 2:13

Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Luke 3:6

a ndohi tèlèba ta da rka skwi mʼmbel ndo Zhiklè.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 12:41

Ma haha Esaie a goɗ a géɗ man a rka nʼnjèl nengaʼa, a ngoɗ a géɗèʼa.

Jean 17:2

Ka va na wuɗi-bai a géɗ ndohi tèlèba, a skwi tèlè man ka va na, a va ta ndohi ba, a nshèffè a mèdèp ba.

Actes 2:17

Zhiklè a gaɗa: A pats ndikèma skwai i woya man a i bèdè Mèzhèɓ ga a géɗ ndohi tèlèba, a wudahi kinè a dalahi kinè ta da hèdè ma Zhiklè; golahi kinè ta da rka skwi man a ma, a ndohi kinè nhalaʼa ta ngècè nshu-nè.

2 Corinthians 3:18

Anai skwa az a di nga ɓai, a nʼnjèl Bi Zhiklè a rkè, a ngwode nga ara mèzhèɓ va nengaʼa, a nʼnjèl nga a dè a ma ma a sam nengaʼa te Bi Zhiklè, nengaʼa Mèzhèɓ.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Apocalypse 21:23

Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.