Esaie 40:31 - Ma Zhiklè

³¹ aman ndohi man ta pi di a verzi Zhiklè, ta ngècè wuɗi mɓuaʼa. Ta slèmbèɗè a kelpasl ar mangayak, ta hai a ta ngézhè azɓai, ta dè a ntulè a keɗ ta azɓai.

Esaie 40:31 ပူးပေါင်းရင်းမြစ်များ

Job 17:9

Ndo nzuraʼa a nzi taraʼa a civèɗ na. Ndo man ri mpanaʼa a ngècè wuɗi a ma ma.

Psaumes 103:5

Nengaʼa a walde ka te nshèffè ngaya tèlèba, a mende ka auda gola ara vezai.

Psaumes 123:2

Lèmèlèmè ara ɓèlèlihi ta peda di a ri babgi ta, lèmèlèmè dem ɓèlè a peda di a mam hucèd na, lèmèlèmè nga pi di a Ndo nzi pèc pècèk, Zhiklè nga, ha nga sia te va.

Psaumes 138:3

A pats man i baha ka, ka mbeɗkay a ma, ka va na wuɗi a ndav ga.

Psaumes 20:9

Tengaʼa ta hurv ta a ta kèlèhai. Nga, nga slambaɗa a nga zlatsa.

Psaumes 25:21

Skwi man mali a te pa ɓai, skwi ntsarayaʼa, da ɓeray ndav ga, aman i zhèr ka, Ndo nzi pèc pècèk.

Psaumes 25:3

I suna, ndo man a zhèr ka, a ngècè hori a di azɓai, ko staɗ. Ndohi nʼngwèdè ndo ambalai, tengaʼa da ngots hori a dai!

Psaumes 25:5

Ngrayè aman i dè te ma ngaya nzuraʼa, slebdayè! Aman ka, Zhiklè man ka mbelyè.

Psaumes 37:34

Zhor Ndo nzi pèc pècèk, gso civèɗ nengaʼa, a nengaʼa a da nzal ka, a ka kwèr herkeda. Ka da rka ara man ndohi ambaɓihiaʼa ta gédèsh ta.

Psaumes 40:1

Man a David. Psaume.

Psaumes 84:7

Aman ta dè a sam man iyam az a pa ɓai, nlèlè iyam a da zhè, a mpshè ma te iyam nzlekai a zhè.

Psaumes 84:8

Ta dè a ma ma a ta ngècè wuɗi a va, ha ta ndikè a sam Zhiklè te Sion.

Psaumes 92:1

Psaume. Dimèsh pats nshèk va Zhiklè.

Psaumes 92:13

Ndo nzuraʼa a grè ara wof gangar, a juvè a zhiklè ara wof tsna te Liban.

Exode 19:4

Kin rka a di kinè, skwi man i gau a sam ndohi Egypte, ara man i helka kinè a géɗ kelpasl ara mangayak, a i helka kinè a sam ga.

Proverbes 30:19

Civèɗ mangayak te giɗfèk, civèɗ zhüzhok te gi za, civèɗ wurom a géɗ iyam mbiaʼa, civèɗ gola nte ndav bidalai.

Cantique des Cantiques 8:5

Nshkè te civèɗ hèshèkèɗ, a nda thè va a kra ndo na, wa? I piɗèkwud ka te verzi mbrom. A pa mam ngaya a nɗüsh va, nengaʼa man a ye ka.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 30:15

Gar haha Ndo nzi pèc pècèk, Zhiklè Israel nkezlaʼa, a goɗ aranta: Aman kin menkaɗa deɓa a kin nza, kin da mbél kinè. Aman kin nzi tètèʼa, a kin pi ndav a Zhiklè, kin ngècè wuɗai; aman kin woya ɓai,

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 41:1

Kinè herkeda nte ndev iyam, kinè ndohi herkeda, va-nza tètè a kin tsena ma ga! Va-herdekay va a kin godo. Ngo-do kita cèw!

Esaie 64:4

Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Jérémie 48:15

Moab ngedas na, vodzok a shkè auda te kokwarhi na, golahi nengaʼa ndaɓaraʼa ta zlama ta daʼai ma. Nasa ma bai, man nzlembaɗ na Zhiklè bi mbiaʼa.

Zacharie 10:12

Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.

Luke 18:1

A ngaɗa ta a ngèlègèɗ-ma: Amba aman kin tsi ri pèc pècèk, a kin ngez ɓai!

Romans 8:25

Aman nga zhèr skwi te ndav, man nga rka a di di ɓai, nga nza a nga zhèrè genè.

2 Corinthians 4:1

Gar haha a géɗ man nga ngots mizline aranta, a nga si Zhiklè te va, nga ngézhè azɓai.

2 Corinthians 4:16

Gar haha nga ngézhè azɓai; aman ko va nga a gédèsh na, ndav nga a gi a mɓuaʼa pèc pècèk.

Galates 6:9

Ngo-gokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.

Deutéronome 32:11

A wuzhè kelpasl na ara vezai man a zhèwèlè a gèɗ gi na, a woya a slèmbèdè wud na, a pe ta a deɓ kelpasl na.

Deutéronome 33:25

Da ɓara kokwar nengaʼa a züdo a ver-zhègenè, wuɗi nengaʼa da zhè a pats nshèffè nengaʼa tèlèba.

1 Thessalonians 1:10

a kin zhèr kra nengaʼa te zhiklè, nengaʼa man a slambaɗda te ndev ndohi mʼmetsaʼa; Yèsu, man a mbel nga a sam ndzoan man a di a shkè.

Hébreux 12:1

Gar haha nga ba, aman ndohi malwuɗihi kumba aranta ta tèuda nga a pa, ara dzarai, ngo-jokokoy skwi tèlèba man a nzala nga, a mali man a gse nga hi pèc pècèk. Ngo-monokoy ndav, ngo-hokoy a ma!

Hébreux 12:3

Va-hur nengaʼa man a nco ndèvèɗ ma a sam ndohi malihai a gèɗ na, ntulè da keɗ kinè ɓai, kin ngez ɓai!

Josué 14:11

A patsna ba, wuɗi ga a zhè lèmèlèmè ara man a pats man Moise a zlindyè; wuɗi ga a zhè a i gi var ara nzlèzlèa, a i dè a i shkè a deɓa.

Apocalypse 12:14

A ta va na kelpasl Vezi mbiaʼa cèw a ngwoz, aman a slaha a nhi na a hèshèkèɗ, a sam nʼnzi na. Te pa ta va na skwi nʼndi mvi staɗ, a mvi ngiɗè cèw a rètaʼa, dra a sam zhüzhok.

Apocalypse 2:3

Ka zhèr skwi a dai, a ka zhüɓ skwi nʼnzalaʼa a géɗ nzlembaɗ ga, a ngeza ka ɓai.

Apocalypse 4:7

Skwi nshèlèkuraʼa nara marizhèlè, skwi macecèwaʼa nara kra zlè, mamakaraʼa di ara ndo, mafaɗaʼa nara Vezi man a hai.

Juges 16:28

A Samson a ntsu ri a Ndo nzi pèc pècèk, a ngaɗa: Bai. Ndo nzi pèc pècèk, heryè, vay wuɗi a va staɗ zaʼa, Zhiklè ga, a i pela di ga cèw a sam ndohi Philistie.