Esaie 40:24 - Ma Zhiklè

²⁴ Ta ge ta a patsna; ta zlekau a patsna, ta tsau zluzlor tʼherkeda. Aman a ftè ta, ta gwor ta, ndombozlor a hel ta a ma ara koskosai.

Esaie 40:24 ပူးပေါင်းရင်းမြစ်များ

II Samuel 22:16

Aman Ndo nzi pèc pècèk a gi ndzoan, a vèdè htsan, tʼhwaɗ iyam mbiaʼa di a rkè a pa, verzi herkeda a rkè.

II Rois 10:11

A Jéhu a mbazl ta tèlèba, njèkèdi ndohi gi Achab tèlèba, te Jizreel, mbibihiaʼa tengaʼa tèlèba, a gwoli ta, a ndohi mvi skwi a Zhiklè ta, ko staɗ a mwuc na ɓai, a njèka ɓai.

Job 21:18

Sak ngama man a zede ta ndohi malihi a ndav, a ta gi ara kuza man kozlar a hilèʼa, ara topok dau man ndombozlor a cèʼa?

Job 4:9

Bi Zhiklè a da gedas ta. A ndzoan nengaʼa a hel ta ma ara ndombozlor.

Job 8:17

ko tʼhwaɗ kwa, ko te slrats kwa.

Psaumes 58:9

Ara nzerɗaɗau man a hi te va nzerɓakai, ara skwi man ta mön mʼmènè, nshèffè a te pa ɓai.

Psaumes 83:13

te man ta gaɗa: Ngo-dumokoya, ngo-cokoy kokwar Bi Zhiklè!

Proverbes 1:27

Zlau a tseda kinè gèɗ ara kozlar iyam, a skwi ngedas kinè a kalde kinè a hai ara ndombozlor, a matakwan a zlau mʼmetsai a ga kinè.

Esaie 11:4

A da gi kita ndohi ntawassaʼa zuraʼa. Aman ndohi mbelawa ta dè kita, a ga ta kita a di na a di na. Ma nengaʼa nara gada ntsi ndo shèwa. Nshèffè man a shkè auda te ma nengaʼa a bazl ta ndohi ambaɓihiaʼa.

Esaie 17:11

A pats man ka ngiaʼa, ka grèʼa; a prèk man ka ngiaʼa, a wurzhè ma, aman ka ɓicè skwi azɓai, te ri matakwan man madzaf nengaʼa azɓai.

Esaie 17:13

Nhèzlèwè ndohi herkeda mbiaʼa, a cinè ara iyam mbiaʼa man a hai. Ta hèzlèwè ara iyam mbiaʼa. Aman Zhiklè a guv ta, a dzar ta ara kozlar man a hil koskosai a géɗ za, ara ndombozlor man a tsi lokotor.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 37:7

Na haha i woya a i da na mèzhèɓ ngiɗè, a cè ma nengaʼa, a minè a deɓa a kokwar na. Te pa i da kéɗèʼa a tsakwal.

Esaie 40:7

Kuza a gwèr na, nwurzhè a wush na, man Mèzhèb Zhiklè a ftè a pa.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 41:2

Mbaha na nengaʼa man pèc pècèk ba ngula genè, te verzi gai, wa? Man a tsede ta ndohi herkeda a hi a ma na, a nkoldokoɗi ndohi auda te bi, wa? Tsakwal nengaʼa a ganzaf taa pa, lèkèɗ nengaʼa a venda ta gèɗ ara lokotor man kozlar a heldama.

Jérémie 22:30

Ndo nzi pèc pècèk a goɗ ar haha: Va-windo nzlembaɗ ndo haha, wuɗi na azɓai, a wèl va azɓai, skwi a shkè auda te verzi nengaʼa azɓai, a da nzi a géɗ sam nʼnzi bi David azɓai, a gi bi te Juda asaɓai.

Jérémie 23:19

Na haha ndombozlor Ndo nzi pèc pècèk: Ndzoan nengaʼa a nslambaɗa, a vitèma ta gèɗ a ndohi ambaɓihiaʼa.

Osée 13:15

Epraim, ko a wèl va te va kramamhi na, kozlar te civèɗ mvèng pats a slèmbèɗè, Ndo nzi pèc pècèk a saffka te civèɗ hèshèkèɗ, a ngwora thal iyam na, a gi a nlèlè iyam a she na, a nengaʼa a ceda skwi mèshèlè nengaʼa tèlèba a ma.

Osée 13:3

Gar haha sèi ta ndi lèmèlèmè ara vani prèk, ara minmèn man a wush na, ara topok dau man kozlar a cedama a ma hedak,

Nahum 1:14

A géɗ ngaya Ndo nzi pèc pècèk a mvau ma nkwèr haha: Nzlembaɗ ngaya da ze na, verzi ngaya asaɓai. I da hulkoɗi zhiklèhi ngaya, a vrihi a mblomhi tèlèba auda te gi zhiklè mbèh skwi ngaya. I tila ka gi dzavi ngaya a hi ma, te man ka ambaɓai.

Aggée 1:9

Kin zhor skwi kumba, a kin ngots kèshkata. A skwi man kin ckoɗa ngwai, i ksardaussa, èhèmè? Zhiklè bi mbiaʼa a gaɗa: a géɗ man gi ga mʼmbeɗ na, a kinè, staɗ staɗ tèlèba ta wuffè te gi ta.

Zacharie 7:14

A i ksar ta te ndev ndohi herkeda man ta sun ɓai, a herkeda a nʼnde na hèshèkèɗ te deɓ tengaʼa, ndo a shèwèlè te pa azɓai. Ta ngwoda herkeda mbelaʼa aranta a hèshèkèɗ.

Zacharie 9:14

Tsam-tsam te deɓaʼa Ndo nzi pèc pècèk a di a gudko ta va a dai, a sulom nengaʼa ara ntsi iyam. Bi Zhiklè a da tsi tolom, a hakaɗi ara kozlar te verzi gai.