Esaie 4:2 - Ma Zhiklè

² A pats nasa, skwi Ndo nzi pèc pècèk a da fcè, angrédè nʼnjèl nengaʼaauda. Skwi man a shkè auda te pa, ndohi manta mbel ta te Israel ta da jégèr va a géɗèʼa, a ta jé-zlè va a vna.

Esaie 4:2 ပူးပေါင်းရင်းမြစ်များ

Psaumes 67:6

Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

Psaumes 72:16

Dau da ndev te kokwar ɓai! A géɗ za ba, skwi da gu a pa, lèmèlèmè ara man a gi te Liban! Kokwarhi mbibihiaʼa ta da dai lèmèlèmè ara kuza a gèɗ herkeda.

Exode 28:2

A ka ga na maslaka nkezlaʼa a Aaron, kramam ngaya, a nslébèrdè a nʼnjèlè.

Esaie 11:4

A da gi kita ndohi ntawassaʼa zuraʼa. Aman ndohi mbelawa ta dè kita, a ga ta kita a di na a di na. Ma nengaʼa nara gada ntsi ndo shèwa. Nshèffè man a shkè auda te ma nengaʼa a bazl ta ndohi ambaɓihiaʼa.

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 27:6

A pats man a di a shkè, Jacob a da tsi zluzlor, Israel a da fcè, a wurzhè, a nyi nengaʼa a ndha herkeda tèlèba.

Esaie 30:23

Zhiklè a da vi iyam nzlekai, a dau te gi dau a gi ngurlaklakaʼa, nhuɓalaʼa. Skwi kinè a da ndi mandai a pats nasa a dalbara mbiaʼa.

Esaie 45:8

Giɗfèkihai, va-tkwoɗi ngi-zuraʼa a hai, a vanai va-dzurvkaɗi ngizuraʼa a hai! Herkeda da winè ma na, a skwi mbel ndo da ftsa, a ngi-zuraʼa i da gra te pa! Iyè Ndo nzi pèc pècèk, i gau arsa.

Esaie 53:2

Ɓèl Ndo nzi pèc pècèk a gra a sam nga, ara skwi nftsaʼa, ara zluzlor tʼherkeda ngworaʼa. Mbambi az a di nengaʼa ɓai, nga pa di a pa ɓai. Nara ndo ka ɓai, ambaha nga ɓai.

Esaie 60:15

Te va nasa ta jèke ka a pa, ta gu shèwa a ka, ndo a dè a sam ngaya azɓai. Aman anai i woya a i nzal ka a mèdèp, a ndohi te verzi wud wudahi tèlèba ta wuffè.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 61:11

Ara man herkeda a nftsko skwi na, ara man gi lak a nftsko lak na, lèmèlèmè Bi Zhiklè a da ftsko ngi-zuraʼa a sam di ndohi herkeda tèlèba, a ta slébèrdèʼa.

Jérémie 23:5

Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Jérémie 33:15

A pats nasa, te ndev nasa, i da gi a ngi-zuraʼa a fcè te David, man a da gi kita zuraʼa, a ngi-zuraʼa te kokwar.

Jérémie 44:14

Ndo man a hi azɓai; ndo man a mʼmbelda va na ɓai te va njèkèdi ndohi Juda, te va ndohi man ta dè a kokwar Egypte, a ta nzi a pa. Ta dè deɓa a kokwar Juda, man ta woy a ta dè deɓa, azɓai. A vava ta da shkè a deɓa asaɓai; man ndohi man ta wuc ta kètè genè kla!

Jérémie 44:28

Ndohi man ta hu ta te ri tsakwal, ta da shkè ta a deɓa te kokwar Egypte, a ta shkè a kokwar Juda; njèkè ndohi kètè genè; A njèkèdi ndohi Juda man ta do a kokwar Egypte, aman ta nzi a pa, ta da shinèʼa: ma ngè man nzuraʼa: ma ga ɗè, ɗè ma tenga ɗè?

Ezéchiel 34:29

I woy a i tila ta gi lak man ta wèl va te pa, a ta da tiɗè a mi te kokwar asaɓai, a ndohi nte deɓa ta slalia ta derɗa ta asaɓai.

Ezéchiel 36:8

Aman kinè, zahi Israel, sèi kin tsi ara wof a kin yi skwi a Israel, ndohi ga. Aman ta da shkè ngwi ndul ndul ma.

Ezéchiel 7:16

Aman matrhiaʼa ta wuc ta a géɗ za, ta da zi ta tèlèba a géɗ mali ta.

Joel 2:32

Te deɓaʼa ko wawa man a tsi rai a nzlembaɗ Ndo nzi pèc pècèk, a mbéi na; aman skwi mʼmbél ndo a da zhè a géɗ za Sion, a da zhè te Jérusalem, ara man Ndo nzi pèc pècèk a mpasla ta rai, a zhè a sam ndohi man ta wuckaɗ ta, man Ndo nzi pèc pècèk a mbaha ta.

Joel 3:18

A pats nasa a gi aman barassa a hakaɗi te za, a wa te ngègèɗhai. Iyam a hi te woyam Juda tèlèba. Nlèlè iyam a hakaɗauda te gi Ndo nzi pèc pècèk, a ruɓa dal Sittim.

Abdias 1:17

Aman a géɗ za Sion, skwi mʼmbel ndo a zhè, skwi nkezlaʼa, a ndohi gi Jacob ta da minè a deɓa a kokwar ta.

Zacharie 3:8

Josué, ndo mvi skwi a Zhiklè mbiaʼa, fu zlembaɗ! Kinè a gwoli man a tsagi ngaya, kinè ndohi malwuɗihai. Na haha, i woya a i cko ɓèl ga, ‘skwi man a fcè’.

Zacharie 6:12

a ka gaɗa na: Zhiklè bi mbiaʼa a gaɗa: Na haha ndo man nzlembaɗ na ‘skwi a fcè’. Aman tʼhwaɗ sak na, skwi a fcè, a nengaʼa a da rèm gi Zhiklè.

Zacharie 9:17

Mwuffè a zhè, a gi amba! Dau a zom a zhè a pa. Golahi a dalahi ta ara kwahi mbelaʼa man ta si dai.

Mal. 3:17

Zhiklè bi mbiaʼa a gaɗa: Tengaʼa a ga ga; a pats kita ga, ta da siyè te va, ara man kra man a gi mizlinè a sam bab na a si bab na te va.

Matthew 24:22

Aman Zhiklè nda takossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a da tokossa patshi sa.

Luke 21:36

Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

2 Peter 1:16

Aman nga ngreda kinè wuɗi Bi nga Yèsu Kristi, mshkè nengaʼa, nga goɗ a tsaval ambali genè ka ɓai. Aman nga rka mbi nengaʼa a di nga.