Esaie 39:3 - Ma Zhiklè

³ Esaie, ndo nhadka ma, a mshkè a sam Ezéchias, a ngaɗa na: Ndohi haha ta gaɗ kè? Ta shkè a sam ngaya, ta shkè tema? Ezéchias a mʼmbeɗa na a ma: Ta shkè a sam ga te kokwar dra; ta shkè te kokwar Babylone.

Esaie 39:3 ပူးပေါင်းရင်းမြစ်များ

II Samuel 12:1

Ndo nzi pèc pècèk a nzlündo Nathan, ndo nhadka ma a sam David. Aman a mshkè a gi a sam na, a ngaɗa na: Ndohi ngiɗè cèw ta zhè te kokwar staɗ. Ngidè ndo mèshèlè, ngiɗè ndo ntawassaʼa.

II Chroniques 16:7

Te ndev nasa, Hanani, ndo nsun skwai, a mshkè a sam Asa, bi Juda, a ngaɗa na: A géɗ man ka pu ndav a bi Syrie, a ka pu ndav a Ndo nzi pèc pècèk, Zhiklè ngaya bai, ndohi var bi Syrie ta wuc ta auda te ri ngaya.

II Chroniques 19:2

Jéhu, kra Hanani, ndo nhadka ma, a ndo a sam na. A ngaɗa na Josaphat: Sèi nga takaha ndo ambaɓiaʼa dè? Ndohi man ta gi shèwa a Ndo nzi pèc pècèk, ka woy ta genè dè? A géɗ nengaʼa Ndo nzi pèc pècèk a gi ndav a géɗ ngaya.

II Chroniques 25:15

Te deɓaʼa Ndo nzi pèc pècèk a ngu ndav kumba a géɗ Amatsia, a nzlündo ndo nhadka ma a sam na, a ngaɗa na: Ka hulko zhiklèhi ndohi haha èhèmè, aman ta slaha ta mbel ta ndohi ta te ri ngaya ɓai?

Esaie 38:1

A pats sa, Ezéchias mbelakaɓai holholaʼa, a woya a ndivdè va. Esaie, kra Amots, ndo nhadka ma, a ndo a sam nengaʼa, a ngaɗa: Ndo nzi pèc pècèk a goɗ aranta: Njè ta ma a ndohi gi ngaya; ka da metsi ngaya, ka mbelè azɓai.

Esaie 38:5

Do a ka gaɗa na Ezéchias: Ndo nzi pèc pècèk, Zhiklè David, bab ngaya, a goɗ aranta: I tsena ntsi ri ngaya, i rka kuɗa a di ngaya, a i woya a i herdeka nshèffè ngaya a ma a gi mvi 15.

Esaie 39:4

Nengaʼa a ngaɗa na: Ta rka te gi ngaya mè? Ezéchias a mʼmbeɗa na a ma: Ta rka skwi tèlèba te gi ga. Skwi ngiɗè azɓai te gi mèshèlè ga, man i ngra ta ɓai.

Jérémie 4:16

Va-gaɗa ta ndohi herkeda ma haha, va-njè ta ndohi Jérusalem! Ndohi nʼnza na a ma kokwar Jérusalem ta shkè te kokwar ngiɗè dra, ta bèhè a géɗ kokwarhi Juda.

Jérémie 5:15

I bahka ta ndohi ngiɗè dra, a ta da kala kinè a va, kinè ndohi Israel, Ndo nzi pèc pècèk a gaɗa. Ndohi nhalahiaʼa, ndohi man zlèzlèa ta zhè, ndohi man ka sun ma tengaʼa ɓai, ka tsena daʼai tengaʼa ɓai,

Jérémie 8:19

Fu zlembaɗ, kuɗ ndohi ga a cinè dra! Ndo nzi pèc pècèk nte Sion ka ɓi dè, bi na nte pa ka ɓi dè? Ta pokoy gèɗ ndav auda a mʼmbèh skwi tengaʼa èhèmè? A mʼmbèh skwi te kokwar ngiɗè man a takaha ta azɓai?

Deutéronome 28:49

Ndo nzi pèc pècèk a da zlinde ta ndohi herkeda ngiɗè te verzi herkeda dra, man ta shkè a géɗ ngaya ara mangayak; ndohi herkeda man ka sun daʼai tengaʼa ɓai,

Josué 9:6

A to do a sam Josué, a Guilgal, a sam man ta mana a pa, a ta gaɗa ta ndohi Israel: Nga shkè te kokwar dra; ngo-durzlokoy ma a nda kinè!

Josué 9:9

A ta gaɗa na: Nga shhkè te kokwar dra, nga ɓèlèlihi ngaya, a nga shkè a nzlembaɗ Ndo nzi pèc pècèk, Zhiklè ngaya. Nga tsena labar ma nengaʼa a skwi tèlèba man a ngu te kokwar Egypte,