Esaie 38:20 - Ma Zhiklè

²⁰ Ndo nzi pèc pècèk, mbel nga! A nga woya a nga tsi ganzavar a ma gi Zhiklè, Ndo nzi pèc pècèk, a pats nshèffè nga tèlèba.

Esaie 38:20 ပူးပေါင်းရင်းမြစ်များ

Psaumes 104:33

I woy a i sli dimèsh a Ndo nzi pèc pècèk a pats nshèffè ga tèlèba, i woy a i sla na dimèsh a Zhiklè ga, ha i metsi ga.

Psaumes 116:2

A nfu zlembaɗ a ma ga. I da tsi ri a nengaʼa, ha nshèffè ga a nʼndev na.

Psaumes 145:1

Dimèsh nshidgèɗ. Man a David. I woy a i nzal ka, Zhiklè, bi ga! A i slébèrdè nzlembaɗ ngaya a ma ma a mèdèp.

Psaumes 145:2

I woy a i slébèrdè ka pèc pècèk, a i shid gèɗ a nzlembaɗ ngaya a ma ma a mèdèp.

Psaumes 146:2

I woy a i slébèrdè Ndo nzi pèc pècèk, ha nshèffè ga a ndev na. I woy a i sli dimèsh a Zhiklè ga, aman i nzi a nshèffè dai.

Psaumes 150:4

Va-shüd gèɗ a nengaʼa a ganga, te ngècè! Va-shüd gèɗ a nengaʼa a ngo-lom a shingelèk!

Psaumes 33:1

Kin ndohi nzuraʼa, va-wuffa a géɗ Ndo nzi pèc pècèk! A ndohi man ta gi zlau Zhiklè, dimèsh nshid gèɗ ambaha ta.

Psaumes 33:2

Va-sheda na gèɗ a Ndo nzi pèc pècèk a ganzavar, vo-slubordo a deɓ ganzavar man mar a pa kula!

Psaumes 51:15

A i woy man a i senda ta civèɗ ngaya a ndohi malai, a ndohi mphömè ta ngwodko ndav ta a sam ngaya.

Psaumes 68:24

a ka pènè sak ngaya te va pombaz, a nèʼèn kdadihai ta nèkèɗè man a mayamhai.

Psaumes 68:25

Bi Zhiklè, ta rka ndè-ndè bi ngaya, ndè-ndè bi Zhiklè ga, bi ga, a sam nkezlaʼa.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Jonas 2:10

Aman iyè i woy a i va ka skwai a i shida ka gèɗ; skwi man i gaɗa ka hai, i giaʼa. Skwi mʼmbél ndo, nte ri Ndo nzi pèc pècèk.

Habakuk 3:19

Ndo nzi pèc pècèk, Bi Zhiklè, nengaʼa wuɗi ga, a ntaslyè te sak, aman i hi ara mènèɗ, a fiyè a sam man a géɗèʼa.