Esaie 37:23 - Ma Zhiklè

²³ Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 37:23 ပူးပေါင်းရင်းမြစ်များ

Ezéchiel 39:7

I da ngreda nzlembaɗ ga nkezlaʼa te ndev Israel, ndohi ga. I va ta civèɗ a ta dérɗè nzlembaɗ ga te deɓaʼa asaɓai; ndohi herkeda ta da suna, iyè Ndo nzi pèc pècèk, Zhiklè Israel nkezlaʼa.

2 Thessalonians 2:4

Nengaʼa mayam, man a fi va a géɗ skwi Zhiklè tèlèba, a géɗ ntsi ri Zhiklè ba, a nzi a hai te gi Zhiklè, a da fi va na a Zhiklè.

Daniel 7:25

A da ga na ma a va Zhiklè te géɗèʼa kumba, a da ga ta matakwan a ndohi Zhiklè nkezlaʼa, a woya a humbèɗè patshai, a humbèɗè ma kita. Zhiklè a da pe ta a ri nengaʼa nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa.

Ezéchiel 28:9

Te deɓaʼa, a sam di ndohi nkeɗe ka, ka da gaɗa: I Zhiklè za dè? Ka ndo, ka Zhiklè ka bai. Ka te ri ndohi man ta keɗe ka.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 17:7

A pats nasa ndo a da pi di a Zhiklè nʼngau, a war Zhiklè Israel nkezlaʼa.

Ezéchiel 28:2

Ka ndo, gaɗa na kra bi Tyr: Bi Zhiklè a gaɗa: Ka fi va, a ka gaɗa: Iyè Zhiklè, iyè a géɗ sam nʼnzi bi Zhiklè te ndev iyam mbiaʼa! Aman ka ndo; ka zhiklè ka bai. Ka lèmdè va ngaya a Zhiklè.

Esaie 43:14

Ndo nzi pèc pècèk, man a mbel kinè, Zhiklè Israel nkezlaʼa, a goɗ aranta: I zlindè ndohi var a kokwar Babylone, a ndohi tenga tèlèba ta hi ta auda a sam ta, a i ngwoda mwuffè ndohi Chaldée a wobau, a gèɗ kinè.

Esaie 43:3

Aman iyè, Ndo nzi pèc pècèk, i Zhiklè ngaya. Iyè, Zhiklè Israel nkezlaʼa, man i mbel ka. I vi Egypte a skwi mpil gèɗ ngaya. I vi Ethiopie a Saba te di man a ngaya.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 10:20

A pats nasa njèkèɗi ndohi Israel, a njèkèɗi ndohi Jacob man ta wuc ta, a ta nzi a nshèffè, ta thè va a nengaʼa man a bazl ta azɓai, aman ta da thè va a Ndo nzi pèc pècèk a vava, Zhiklè Israel nkezlaʼa.

Esaie 2:11

Ndohi nfi va ta da kèldè gèd ta a hai, ngurhi man ta grè gèd ta da mèndè gèɗ a hai. Ndo nzi pèc pècèk staɗgenè man nʼnzalaʼa a pats nasa.

Proverbes 30:13

Verzi ndohi nfi va, man ta gurshè dai.

Psaumes 74:23

Nhèzlèwè ndohi mayamhi ngaya, a nrubi ndohi man ta ga ka shèwa a ma ma, da pca ka a gèɗ bai!

Psaumes 74:18

Hur skwi sa, Ndo nzi pèc pècèk; aman ndo mayam a liv ka, aman ndohi nrzlaʼa ta derɗe nzlembaɗ ngaya.

Psaumes 73:9

Ngèɗè tengaʼa a dè a géɗèʼa, ngèɗè tengaʼa a ndèshede va a géɗ herkeda.

Psaumes 44:16

Pèc pècèk i tsena ara man ta derɗyè, hori a keɗyè,

II Chroniques 32:17

A bai a nzlündo ɗèlèwèr man a derɗè Ndo nzi pèc pècèk, Zhiklè Israel, a vna, a ngaɗa: Zhiklèhi ndohi kokwar ngiɗè azɓai man ta mbel ta ndohi ta te ri ga, ko Zhiklè Ezé-chias a da mbel ta ndohi na te ri ga azɓai.

II Rois 19:22

Ka ngwossa wa, ka derde wa, ka gada ma nfi va a wa, ka paka di nfi va a wa? A Zhiklè Israel nkezlaʼa!

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 9:17

Ko antanta ka grè gèɗ ngaya, a ka va ta civèɗ a ndohi ga azɓai.

Exode 5:2

A Pharaon a mʼmbeɗa ta a ma: Ndo nzi pèc pècèk a wa, aman a i cinè ma nengaʼa, a i va ta civèɗ a ndohi Israel? I sun Ndo nzi pèc pècèk bai. Ndohi Israel ba, i va ta civèɗ azbai.

Esaie 5:15

Ndohi mbibihiaʼa ta da mèndè gèɗ a hai, a ndohi nkèshkèshèhiaʼa ta da gi huyokokoʼa holholaʼa.

Esaie 5:21

Wobau a géɗ ndohi man ta gaɗa: nga ndohi maya, a ta fa va ta a ndohi maya.

Esaie 10:12

Aman Bi Zhiklè a da ndeva mizlinè nengaʼa te za Sion, te kokwar Jérusalem tèlèba ma, a pats nasa a da ga na kita a gèɗ a bi Assyrie, a géɗ nfi va a njégèr va nengaʼa tèlèba.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Jérémie 48:42

Moab klèng, kokwar ndo ka ɓai, a géɗ man a nslambaɗa na va a Ndo nzi pèc pècèk.

Daniel 8:11

A ngraʼa, a ndikè a sam bi skwihi te zhiklè, a ta va na skwi asaɓai ara man ta va na pèc pècèk a nciɗ sam a nciɗ sam. Sam nengaʼa nkezlaʼa ta ksardaussa.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

Psaumes 74:10

Bi Zhiklè, ndo shèwa ngaya a da jèkè nlivè nga a ngèmè? Ndo mayam da durdo nzlembaɗ ngaya a mèdèp dè?

Ezéchiel 35:13

Kin slambaɗkay a va, kin goɗ ma ambaɓiaʼa a géɗ ga. I tsena mbelembela ba!