Esaie 33:2 - Ma Zhiklè

² Ndo nzi pèc pècèk, nga da se ka te va! Nga pi ndav nga a ka. A nciɗ sam a nciɗ sam, takaha nga! Mbel nga te matakwan!

Esaie 33:2 ပူးပေါင်းရင်းမြစ်များ

Psaumes 123:2

Lèmèlèmè ara ɓèlèlihi ta peda di a ri babgi ta, lèmèlèmè dem ɓèlè a peda di a mam hucèd na, lèmèlèmè nga pi di a Ndo nzi pèc pècèk, Zhiklè nga, ha nga sia te va.

Psaumes 143:8

Vay pombi ngaya a prèk langa; aman i pi ndav a ka. Ngray civèɗ man ka woy a i dè a pa; aman i va ka nshèffè ga a ri a ka.

Psaumes 25:3

I suna, ndo man a zhèr ka, a ngècè hori a di azɓai, ko staɗ. Ndohi nʼngwèdè ndo ambalai, tengaʼa da ngots hori a dai!

Psaumes 27:1

Man a David. Ndo nzi pèc pècèk, skwi nhél sam askwi mbelyè. I gi zlau ngè? Ndo nzi pèc pècèk, wuɗi nshèffè ga. I gudzi te ri ngè?

Psaumes 33:22

Ndo nzi pèc pècèk, pombi ngaya da zhè a géɗ nga, ara man nga zhèrè te ri ngaya.

Psaumes 37:39

Skwi ntakaha ta ndohi nzuraʼa a shkè te ri Ndo nzi pèc pècèk. Nengaʼa sam tengaʼa nlèaʼa a pals matakwan.

Psaumes 46:1

Dimèsh ndohi Koré.

Psaumes 46:5

Kokwar Bi-Zhiklè a wuffè a géɗ woyam man a kezli gèɗ te pa, sam nʼnzi Zhiklè mbi-mbiaʼa nkezli-nkezlaʼa.

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 60:11

Nda dyè a sam gi ndakma wa? Nda feday ma a kokwar Edom wa?

Psaumes 62:1

Njè ma David.

Psaumes 62:5

Ta vhè ma, ta woy a ta zukdahai a sam nʼnzi na; ncèkèlma ambaha ta. Ta pshè ka ma a ma, te ndav ta tʼhwaɗaʼa ta phomde ka.

Psaumes 62:8

Skwi mbelyè, a nʼnjèl ga, sèi a sam Bi Zhiklè. Sam ga ngedeng-gedengaʼa man a vay wuɗai, sam ga nlèaʼa, a sam Bi Zhiklè.

Psaumes 90:15

Pa nga mwuffè a ma zaʼa, te di pats man ka manda nga gèɗ a hai, ngur mvi lèmèlèmè ara man nga su matakwan.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Exode 14:27

A Moise a ngudo ri a géɗ iyam mbiaʼa, te nciɗ sam, iyam a mʼmenkaɗ na a pa, a hai, a ndohi Egypte ta menkaɗa deɓa a civèɗ iyam, a Ndo nzi pèc pècèk a ndzam ta ndohi Egypte a va iyam.

Esaie 17:10

Aman Zhiklè, man a mbel ka, mpca ka a gèɗ. Za man ka slaha ka nghédè va a pa, ka hera ɓai. Gar haha ka gi gi lak a zhiklè mbèh skwi ngaya, a ka geda wof zhiklè mbèh skwi ngiɗè a pa.

Esaie 25:4

Te va nasa ka sam nlèaʼa man a ndohi man wuɗi ta azɓai; sam man mbelaw ndohai ta nghédè va te nlèyè ta; sam man ta nzi a hwaɗaʼa a pats man iyam a gai; sam mèzhèɓ man pats kumba: Aman ndohi ta vèɗ htsan, nara iyam man a vèckaɗa a viaʼa,

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 26:16

Ndo nzi pèc pècèk, te va matakwan ta woy ka. Aman ndzoan ngaya a nʼngats ta, ta kuɗai.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 37:3

Ta gaɗa na: Ezéchias a goɗ arsa: A patsna, pats matakwan, a ndzoan, pats man ta derɗe nga. Pats nyi wudahi ma, wuɗi man ta jkaʼa azɓai.

Esaie 40:10

Na haha, Bi Zhiklè a shkè a wuɗai, a gi ɓai a ri nengaʼa man wuɗi na zhè. Na haha skwi ntul na a zhè a ma na.

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 59:16

A nrkaʼa, ndo man a kèlè a pa azɓai, ko staɗ. A Zhiklè a ntila a ri na, a ngi-zura nengaʼa.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Jérémie 14:8

Ka man ndohi Israel ta zhèr ka. Ka man ka mbel ta a pats matakwan. Ka ara ndo mbrok te kokwar, ara ndo nshèwèlè man a dè a gi sèi a vad èhèmè;

Lamentations de Jérémie 3:23

A nciɗ sam a nciɗ sam nga sia te va zaʼa, nlèɓèslè nengaʼa mbiaʼa.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.