Esaie 32:11 - Ma Zhiklè

¹¹ Kinè man kin hér gèɗ zlau azɓai, va-gudzau! Zukom dalahai, va-gu zlau! Va-suda na maslaka auda a va, va-nza adai, sèi skwi deɓa genè!

Esaie 32:11 ပူးပေါင်းရင်းမြစ်များ

Psaumes 123:4

Ndav nga a ngeza kotèkotè a sam ndohi ngre gèɗ man ta ngwossaha nga, a sam ndohi nfi va man ta derɗ nga.

Exode 33:4

Aman ndohi ta tsena ma ndzoan haha, a mbeɗama ta ndav, ndo a vi skwi wi a va azɓai.

Esaie 15:3

Ta a civèɗ a maslaka sam kuda a va, a géɗ gai, a dal kokwar, tèlèba ta kuɗai, kuɗa a gu pana di pana dai.

Esaie 2:19

Va-hau a gi za, va-ngheda va kinè a vèvèɗ, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèm-bèɗè, a gudzeda herkeda.

Esaie 2:21

A ta da hi ta a slerɗi kwa, a slrats kwa, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèmbèɗè, a gudzeda herkeda.

Esaie 20:4

Lèmèlèmè bi Assyrie a da dzam ta ndohi ɓèlè Egypte a ndohi ɓèlè Ethiopie, golahi a babgihai, adai, skwa a te sak ɓai, maslaka az a verzi ɓai.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Esaie 3:24

Modo a da zhkè te di man a ɓurdi; zhèwèd ambalai te di man a skwi deɓa; gèɗ nshèʼa te di man a gèɗ ntsaffaʼa; bho te di man a maslaka mbelaʼa; wuɗah te di man a mbambi man a dai.

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Esaie 47:8

Gar haha tsena ma haha, dem man a wèl va, man a nzi a géɗ sam nʼnzi ɓai, a her skwi ngiɗè azɓai, man a gada: Iyè, genè, ndo ngiɗè azɓai! I ndi a ngwoz mazi azɓai, i nzi a deli azɓai.

Jérémie 4:8

A géɗ nengaʼa, va-feda maslaka sam kuɗa a va, va-gu wobau, va-kudau! Ndo nzi pèc pècèk a gi ndav kumba a géɗ ndohi Israel, a nkeɗa gèɗè a hi ɓai.

Jérémie 49:3

Hesbon, ngoy va, te man Ai ngedas na. Dalahi Rabbath, va-kuɗau, va-feda maslaka sam kuɗa a va, va-gu wobau, va-gots tʼhwaɗ zlazlar, a géɗ man Malcom a dè ɓèlè, a nda ndohi mvi skwi a Zhiklè, a wud bihi nengaʼa.

Jérémie 6:26

Dem ndohi ga, feda maslaka sam kuɗa a va, a ka manahi a va mèrwèc. Gu wobau ara man ka kuɗi kra ngaya ngu-raʼa staɗgenè. Tsu lalau! A nasa nasa ndo ngedassa ndo a kala nga va.

Osée 2:3

Va-baha ta kramamhi kinè: Ammi, ndohi ga! a demamhi kinè: Ruchama, tengaʼa man ta si ndo te va.

Joel 1:8

Gau wobau ara dem man a kuɗi baki gol na, a maslaka sam kuɗa a va.

Amos 4:12

A géɗ nengaʼa i woy a i ga ka skwi haha, Israel. A géɗ man i da ga ka skwi haha, tila ndav ngaya, Israel, a kin da zli gèɗ a Zhiklè ngaya!

Sophonie 2:15

Nasa kokwar man a wuffè te va nasa, man a nza taraʼa, man a goɗ te ndav na: Iyè, ngar iyè azɓai. Nʼnde na hèshèkèɗ ma, sam man skwi dak a mènè a pa! Ndo man a bizhè a pa, ta pèrè a pa, ta tsi dali ngwèshè.

Deutéronome 28:48

ka da gi mizlinè mayamhi ngaya, man Ndo nzi pèc pècèk a da zlinde ta a sam ngaya, te va mai, a iyam a dza ka, a ka adai, a ka tèkwèn skwi tèlèba. A da va ka züdo nkelawa a daʼai ngaya, ha a ngedas ka.

Jacques 5:5

Kin wol va a géɗ herkeda, a kin ngots mwuffè kinè, a hwaɗ kinè nʼngeza a pats mbèzl marai.