Esaie 31:6 - Ma Zhiklè

⁶ Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Esaie 31:6 ပူးပေါင်းရင်းမြစ်များ

II Chroniques 36:14

Bihi Juda a ndohi mvi skwi a Zhiklè ta gu malai a vaʼa a vaʼa, a ta dzodzor skwi man a ndèrè a ndo man ndohi nte deɓa ta giaʼa. Ta derɗa gi Zhiklè man Ndo nzi pèc pècèk a kezlaʼa te kokwar Jérusalem.

Job 22:23

Aman ka manda géɗ a hi a ka ngwodko ndav a sam Zhiklè Bi-wuɗai, aman ka dzomko skwi nzura ka ɓai auda te gi ngaya,

Esaie 1:2

Kin giɗfèkihai, vatsenaʼa! Herkeda, fu zlembaɗ! Aman Ndo nzi pèc pècèk a gèɗè: I gra wudahai, a ta ge ta a mbiaʼa, a ta kwolyè.

Esaie 29:15

Wobau a sam ndohai man ta ngheda skwi man ta woy a ta giaʼa a skwi man ta gia te ruva, a sam Zhiklè, a ta gaɗa: Nrka nga wa, nsenaha nga wa?

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 48:8

Ka tsena ɓai, ka sun ɓai, a nhaka ka a zlembaɗ ɓai, te man i suna, ka lèɓèslɓi pal ba. Ta baha ka ndo malai daga man ka tʼhwaɗ mam ngaya.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Jérémie 3:10

Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Jérémie 3:12

Do a ka boho ma haha a civèɗ ndè man a géɗèʼa: Israel, menkaɗa deɓa, Ndo nzi pèc pècèk a gaɗa. I woy a i pi di shèwa a ka ani asaɓai, aman ndo a siyè te va, Ndo nzi pèc pècèk a gaɗa. I gi ndav a mèdèp azɓai.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 5:23

Ndohi haha ta gi mèdègèɗ, ta kiɗèhɗè va, ta ngwodkay deɓa, ta kal ta.

Ezéchiel 18:31

Va-wusheda mali tèlèba man kin gau aussa a sam kinè! Va-woy ndav mɓuaʼa a mèzhèɓ mɓuaʼa. Kinè ndohi Israel, kin woy mʼmetsi èhèmè?

Ezéchiel 18:32

Aman i wuffè azɓai a géɗ ndo man a mets na, Bi Zhiklè a gaɗa. Aman va-ngwoda ndav kinè, a kin nzi a nshèf-fè!

Osée 9:9

Nʼndi hwaɗ tengaʼa a gedas ta tèlèba, lèmèlèmè ara man ta gu te Guibea. Ndo nzi pèc pècèk a hér maharam ta, a da gi kita a géɗ mali ta.

Zacharie 1:3

Gar haha gaɗa ta: Zhiklè bi mbiaʼa a goɗ ar haha: Va-menkaɗa deɓa a sam ga, a i woya a i dè a deɓa a sam kinè, Zhiklè bi mbiaʼa a gaɗa.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.