Esaie 31:3 - Ma Zhiklè

³ Aman ndohi Egypte, ndohi genè, Zhiklè ka ɓai. Plèshihi tengaʼa, zluèd genè, mèzhèɓ ka ɓai. Aman Ndo nzi pèc pècèk a geda ri nengaʼa, ndo ntakaha ndo, a ndo man nengaʼa a takaha, ta wush ta hi cèw cèw ba, a ta gedas ta a sam staɗ.

Esaie 31:3 ပူးပေါင်းရင်းမြစ်များ

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Psaumes 118:8

Dara man nga gshè va a Ndo nzi pèc pècèk, a géɗ man nga gshè va a ndo.

Psaumes 33:17

Aman ka fi gèɗ a wuɗi plèsh, ko wuɗi nengaʼa mbiaʼa, a slaha a mbél ndo azɓai.

Psaumes 9:20

Ndo nzi pèc pècèk, slambaɗa, ndo da fa ka va a gèɗ ɓai, a ndohi nte deɓa da ngots kita a sam ngaya!

Esaie 10:3

Kin woy a kin gi mè a pats kita man a di a shkè? Iyam mʼmonko va! Kin woya a kin hi a ma? Nda takaha kinè wa?

Esaie 20:4

Lèmèlèmè bi Assyrie a da dzam ta ndohi ɓèlè Egypte a ndohi ɓèlè Ethiopie, golahi a babgihai, adai, skwa a te sak ɓai, maslaka az a verzi ɓai.

Esaie 20:6

A ndohi a ma iyam haha ta da gèɗè a pats nasa: Na haha ndohi man nga pu di a tengaʼa, man nga hu a sam ta, aman a ta takaha nga a ta mbel nga te ri bi Assyrie: ta aran-ta ma ɗè? Nga da mbel nga a maya mè?

Esaie 30:16

a kin gada: Aʼai! Ngawoy anga hi a deɓ plèsh! Gar haha ndohi mparaha kinè ta hi a verzi kinè.

Esaie 30:5

Aman ndohi ta takaha ta azɓai, ta da ta a va azɓai, ta ngècè skwi a sam ta azɓai, sei hori a di genè, hori a keɗ ta a vèvèɗ.

Esaie 30:7

a sam ndohi Egypte. Aman skwi Egypte, man ta hur a da takaha nga, skwi ambalai, skwi ntakaha ta ka ɓai. Gar haha i baha na: Rahab, man ta tseda na ma a pa.

Esaie 36:6

Na haha, ka gshè va a pandar ngurɓaʼa, ka gshè va a Egypte, man ko wawa man a thè va a vna, a tizhè riaʼa, a tsi gèɗ auda. Pharaon, bi Egypte, a gu arsa a sam ndohi tèlèba man ta gso va a vna.

Esaie 36:9

Ka woy a ka dzama ntabaw ɓèl bi ngaya, ko staɗgenè ɗè? Ka gshè va a Egypte a géɗ kiki var a ndohi plèsh nengaʼa ɗè?

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 17:5

Gar haha Ndo nzi pèc pècèk a gaɗa: Ndo man a gshè va a ndohai, ndo man a fu ndo te di Zhiklè na, a pi di a Ndo nzi pèc pècèk azɓai, da phomda;

Ezéchiel 28:2

Ka ndo, gaɗa na kra bi Tyr: Bi Zhiklè a gaɗa: Ka fi va, a ka gaɗa: Iyè Zhiklè, iyè a géɗ sam nʼnzi bi Zhiklè te ndev iyam mbiaʼa! Aman ka ndo; ka zhiklè ka bai. Ka lèmdè va ngaya a Zhiklè.

Ezéchiel 28:9

Te deɓaʼa, a sam di ndohi nkeɗe ka, ka da gaɗa: I Zhiklè za dè? Ka ndo, ka Zhiklè ka bai. Ka te ri ndohi man ta keɗe ka.

Amos 2:15

Ndo lèkèɗ a zlècèdè lèkèɗ azɓai, ndo mwoslaʼa a hi na aman a mbél na azɓai, ndo plèsh a slaha a mbela nshèffè na ɓai;

Matthew 15:14

Va-jèke ta, tengaʼa ndohi ncè ta ma mandazlihai, man ta rka di ɓai. Aman mandazlai a fidè ma mandazli ngiɗè, cèw, ba ta da wushè a vèvèɗ.