Esaie 31:1 - Ma Zhiklè

¹ Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 31:1 ပူးပေါင်းရင်းမြစ်များ

Genèse 47:17

A ta hulko skwi ta a sam Joseph, a ta prè a dau: plèshi, rèwè tambakihai, rèwè zlèhai a kɗèhihai. A nengaʼa a ntakaha ta a vi sa, a ta prèʼa a skwi nʼndai, ara nshum skwi ta.

II Chroniques 16:7

Te ndev nasa, Hanani, ndo nsun skwai, a mshkè a sam Asa, bi Juda, a ngaɗa na: A géɗ man ka pu ndav a bi Syrie, a ka pu ndav a Ndo nzi pèc pècèk, Zhiklè ngaya bai, ndohi var bi Syrie ta wuc ta auda te ri ngaya.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

Job 39:11

A bizhè a za, a ngècè sam mandi na, a jèjèr sam mɓayaʼa tèlèba.

Psaumes 20:7

Antanta i suna, Ndo nzi pèc pècèk a mbel ndo man a mbaɗa na mbar a gèɗ, a mbedka na a pa a sam nengaʼa nkezlaʼa te zhiklè, a takaha a skwi man a gau a wuɗi ri mandi nengaʼa.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 2:7

Te kokwar tengaʼa verzhègenè a guro a zhè a vata, skwi mèshèlè tengaʼa a ndev ɓai. Plèshi kumba te kokwar ta, a kiki var a ngrè azɓai.

Esaie 20:5

A ta da gi zlau, a ta da gi horai a géɗ kokwar Ethiopie, man ta pi di a pa, a géɗ kokwar Egypte, man ta fi va a vna.

Esaie 22:11

Te ndev zlazlar, kin ndè iyam a sam man a hayda va a pa halaʼa. Aman kin pi di a ndo nʼngau azɓai, a kin rka nengaʼa ɓai man a ntilda skwi na a hi arsa daga nʼnzi a zhè.

Esaie 30:16

a kin gada: Aʼai! Ngawoy anga hi a deɓ plèsh! Gar haha ndohi mparaha kinè ta hi a verzi kinè.

Esaie 36:6

Na haha, ka gshè va a pandar ngurɓaʼa, ka gshè va a Egypte, man ko wawa man a thè va a vna, a tizhè riaʼa, a tsi gèɗ auda. Pharaon, bi Egypte, a gu arsa a sam ndohi tèlèba man ta gso va a vna.

Esaie 36:9

Ka woy a ka dzama ntabaw ɓèl bi ngaya, ko staɗgenè ɗè? Ka gshè va a Egypte a géɗ kiki var a ndohi plèsh nengaʼa ɗè?

Esaie 43:15

Iyè, Ndo nzi pèc pècèk, Zhiklè kinè nkezlaʼa, iyè man i gu Israel, iyè bi kinè.

Esaie 5:12

Ta mènè a va skwi nʼndai, a ta sli dimèsh a ganzavar a tèzlèzlèu a ganga a shingelèk; aman skwi man Ndo nzi pèc pècèk a giaʼa, ta hera ɓai, ta rka skwi man ri nengaʼa a gia ɓai.

Esaie 57:9

Ko do a sam Mèlèk a ka faɗa na mbar a ɓurdi a va; ka zlinde ta ndohi sak ngaya dra, a hai a sam mʼmetsai.

Esaie 64:7

Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 17:5

Gar haha Ndo nzi pèc pècèk a gaɗa: Ndo man a gshè va a ndohai, ndo man a fu ndo te di Zhiklè na, a pi di a Ndo nzi pèc pècèk azɓai, da phomda;

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 37:7

Ndo nzi pèc pècèk, Zhiklè Israel, a goɗ ar haha: Va-da gaɗa na bi Juda, man a nzlündko ndo a ndzhadyè: Na haha ndohi var Pharaon man ta shkè, ta woy a ta takaha kinè, ta men ta a deɓa a Egypte, kokwar ta.

Jérémie 42:14

Aʼai, a kin cinè ma Ndo nzi pèc pècèk, Zhiklè kinè, azɓai, sèi nga dè a kokwar Egypte, te pa var asaɓai, tolom var asaɓai, mi asaɓai, nga da nzi a pa!

Ezéchiel 17:15

Aman bai a nslambaɗa na va, a nzlinde ta ndohi sak a kokwar Egypte, a jhèɗè plèsh, a ndohi kumba te ri ta. A da gi amba dè? Ndo man a da gi skwi aranta, a da mbél na dè? A mpra ndérzlè-ma; a da wuc na genè ɗè?

Ezéchiel 29:16

Israel a da gshè va a Egypte asaɓai. Aman a woy a humdè va a vna, mali na haha a sam Zhiklè a da haka na a gèɗ. A ta da suna, i Ndo nzi pèc pècèk.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Osée 11:5

Sèi ta minè a deɓa a kokwar Egypte asaɓai. Aman ndo Assyrie a da gi bi ta, a géɗ man ta woy a ta menkada deɓa a sam ga ɓai.

Osée 11:9

I woy a i gi ndav a i gi a ndzoan azɓai, i woy a i gedassa Ephraim te deɓaʼa azɓai, te man i Zhiklè, ndo ka ɓai;

Osée 14:3

Assyrie da takaha nga ɓai, nga da nzi a deɓ plèsh azɓai, a nga da baha na skwi man ri nga a ngau: Zhiklè nga, azɓai. Ka man kra dikai a se ka te va.

Osée 7:7

Vogwa te pa, ara vogwa te rèwèc, a ta ndeda ndohi kita tengaʼa a ma. Bihi tengaʼa tèlèba klèng ma, ko staɗ azɓai man a bèhè a sam ga.

Habakuk 1:12

Ndo nzi pèc pècèk, Zhiklè ga nkezlaʼa, ka daga zlè-zlèzlèa ka ɓi ɗè? Nga da metsi azɓai. Ka zlindeka ta ndohi haha a ka ga nga kita a gèɗ, ka zede nga. Tengaʼa ara ndohi sak ngaya, aman ta ngez nga.

Habakuk 3:3

Bi Zhiklè a shkè te Théman. Zhiklè nkezlaʼa a shkè te za Paran. Giɗfekihai ta ndha a wuɗi-bi nengaʼa. Nʼnjèlè nengaʼa a ndha herkeda.

Zacharie 10:5

A ta gi var a ta batsaha ta ngul ndohai a sam var ara koskosai. Aman Ndo nzi pèc pècèk a zhè a nda tengaʼa, a ndohi a deɓ plèsh ta vindè gèɗ a ta dzakaɓ ta.

Deutéronome 17:16

A woy da ngots plèshi kumba ɓai, da shum plèsh te Egypte ɓai, da zlinde ta ndohi a deɓa a kokwar Egypte ɓai! Aman Ndo nzi pèc pècèk a ngaɗa kinè: Kin da shkè a deɓa a civèɗ haha ɓai!

Deutéronome 20:1

Aman ka da gi var a nda ndohi mayamhi ngaya, a ka da rka plèshihi a kiki var a ndohi kumba a fena man a ngaya, ka da gu zlau ɓai! Aman Ndo nzi pèc pècèk, Zhiklè ngaya, man a cka ka auda te kokwar Egypte, a zhè a nda ka.