Esaie 30:6 - Ma Zhiklè

⁶ Ma a géɗ skwi dakhai te Négeb: Ta da bizhè a ndev kokwar man zlau a nlèyè te pa, man marizhèlè a ngwoz na ta kuɗi te pa, man ndemhal a ntümsho te pa; a ta da skwi ta a deɓ kɗèh a skwi mèshèlè tengaʼa a deɓ zlugumai a sam ndohi man ta takaha ta azɓai,

Esaie 30:6 ပူးပေါင်းရင်းမြစ်များ

Genèse 12:9

Te deɓaʼa Abram a ndo a ma ma, ha a ndikè a kokwar Négeb.

I Rois 10:2

A mshkè a kokwar Jérusalem, a ndohi a verzi kumba, a zlugumihi man ta zuɓ burdi, a guro, a vata, a kwa mbelaʼa. A ndikakaɗa, a sam Salomon, a ndzhoɗo skwi tèlèba man a hulkoɗi a ndè jhèɗèʼa.

II Chroniques 16:2

Asa a nhul verzhègenè a guro te gi skwi mèshèlè Zhiklè, te gi bai, a nzlinda a sam Ben-Hadad, bi Syrie, man a nza te Damas, a mʼmenda na:

II Chroniques 9:1

Bi te Séba, ngwozaʼa, a ntsena nʼnjèl Salomon, a mshkè aman a jkeda a ma njkedè. A shkè a ndohi a verzi kumba, a zlugumihai, man ta zuɓko ɓurdi a guro a vata a kwa mbelaʼa. Aman a mshkè a sam Salomon, a ndzhoɗo ma tèlèba man a hurkoɗi a dè jhèɗèʼa.

Job 39:11

A bizhè a za, a ngècè sam mandi na, a jèjèr sam mɓayaʼa tèlèba.

Exode 1:14

Ta gudèma ta gèɗ kotèkotè a mizlinè mwuɗitpa. Ta gèc wujèɗ a ta rèm wujèɗ ara kwa. Ta gi mizlinè te dak, mizlinè tèlèba man ta ngazl ta a pa.

Esaie 14:29

Ndohi Philistie, kin wuffa ɓai, te man gada man ta tse kinè a vna, mpasla; aman hutor ndemhal man ta ngelaʼa, a nʼngwoda va na a kwak. Kra nengaʼa a gi skwi ngiɗè man ara kedam, man a hi a zhiklè.

Esaie 15:7

Gar haha njèkèɗi skwi tengaʼa, a skwi man ta ɓüro, ta tèwéɗè a wud woyam.

Esaie 19:4

A i woya a i va ta ndohi Egypte a ri a bi man mwuɗitpa, bi man a ga ta shèwa, a da kwor ta, Bi Zhiklè bi mbiaʼa a gaɗa.

Esaie 35:9

Ma-rizhèlè a te pa ɓai, skwi dak a bizhè a pa azɓai, kin zli gèɗ a skwi dak te pa azɓai. Sèi ndohi man Zhiklè a sumka ta a deɓa, ta bizhè a pa,

Esaie 5:30

A pats nasa skwi a hèzlèwè a géɗ tengaʼa ara njürv iyam. Aman ndo a pi di a herkeda, a rka ruva genè, a pa na zlau a gèɗ, lèk lèk a hér gèɗ, ruva a zede skwi nhél sam.

Esaie 57:9

Ko do a sam Mèlèk a ka faɗa na mbar a ɓurdi a va; ka zlinde ta ndohi sak ngaya dra, a hai a sam mʼmetsai.

Esaie 8:22

aman a pi di a gèɗ herkeda, na haha, zlau a ruva, sam toɗoɗokoʼa, matakwan genè, ta za te va ruva.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 2:6

Ndo nzi pèc pècèk tema? ta dzhaɗa te deɓaʼa ɓai. Nengaʼa man a nhelka nga auda te kokwar Egypte, a nde nga tʼhèshèkèɗ, te tazli hèshèkèɗ, te kwazlazlam, tʼherkeda ngworaʼa, man di a rkè a pa azɓai, a herkeɗa man ndo a mbeza a pa ɓai, man ndo a nzi a pa azɓai.

Osée 12:1

Ndohi Ephraim ta cèkèlma a tsagi ga tèlèba, a ndohi Israel ta ngwodyè. Aman Juda, nengaʼa a sam Zhiklè dai, a gshè va a Zhiklè nkezlaʼa dai.

Osée 12:2

Ephraim a gshè va a kozlar, a hi a verzi kozlar civèɗ mvèng pats. Ta cèkèlma a ta gi metsar a ma ma. Ta derzla ma ta a ndohi Assyrie a ta da mbar a Egypte.

Michée 6:14

Ka ndi skwai, a ngeza ka a hwaɗ azɓai, mi a keɗ ka genè. Ka da feda skwi a hai, ka slaha ka nghédè azɓai. Skwi man ka mbeldaha, i da heldama te var.

Zacharie 6:6

Plèshi mʼmadza ta dè a civèɗ kokwar man a géɗèʼa. Plèshi nslekaɗaʼa ta dè a civèɗ mvèng pats; plèshi ndurtsotsoʼa ta dè a civèɗ man a dukwaɗ,

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Nombres 21:8

A Ndo nzi pèc pècèk a ngaɗa na Moise: Vüɗo mtümsho, a ka Zlatseda a gada; ko wawa man zhüzhok a mjo, a mpi di a nengaʼa, a nzi a nshèffè.

Matthew 12:42

A bai man ngwozaʼa te tsagai a da slèmbèɗè a sam kita a nda ndohi haha, a nengaʼa a da fa ta mali a gèɗ; aman nengaʼa a mshkè te verzi herkeda, aman a cinè ma maya Salomon. Na haha, ndo a zhè man a fena Salomon.

Deutéronome 17:16

A woy da ngots plèshi kumba ɓai, da shum plèsh te Egypte ɓai, da zlinde ta ndohi a deɓa a kokwar Egypte ɓai! Aman Ndo nzi pèc pècèk a ngaɗa kinè: Kin da shkè a deɓa a civèɗ haha ɓai!

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Deutéronome 8:15

Nengaʼa man a de ka tʼhèshèkèɗ mbiaʼa mwuɗitpa, te ndev zhüzhok man dèrè te ma, a varadza; man iyam az a pa ɓai, a hodko iyam auda te va za nshfaʼa;