Esaie 30:3 - Ma Zhiklè

³ Aman ri Pharaon man kin nzi tʼhwaɗaʼa a da pa kinè hori a dai, a mèzhèɓ Egypte man kin nzi a verziaʼa a da ga kinè matakwan.

Esaie 30:3 ပူးပေါင်းရင်းမြစ်များ

II Rois 18:21

Na haha, ka gshè va a pandar ngurɓaʼa. Ka gshè va a Egypte, aman ko wawa man a thè va a vna, a tizhè riaʼa, a tsi gèɗ auda. Pharaon, bi Egypte, a gu arsa a sam ndohi tèlèba man ta gso va a vna.

Psaumes 108:12

Man ka Bi Zhiklè kla, ka man ka kwol nga, ka Bi Zhiklè man anai ka dè var a verzi nga asaɓai.

Proverbes 25:19

Aman ka gshè va a ndo ambaɓiaʼa a pats matakwan, nara zlèʼèn man gojèrè a ndiaʼa, nara sak mpaslaʼa.

Esaie 20:5

A ta da gi zlau, a ta da gi horai a géɗ kokwar Ethiopie, man ta pi di a pa, a géɗ kokwar Egypte, man ta fi va a vna.

Esaie 20:6

A ndohi a ma iyam haha ta da gèɗè a pats nasa: Na haha ndohi man nga pu di a tengaʼa, man nga hu a sam ta, aman a ta takaha nga a ta mbel nga te ri bi Assyrie: ta aran-ta ma ɗè? Nga da mbel nga a maya mè?

Esaie 36:6

Na haha, ka gshè va a pandar ngurɓaʼa, ka gshè va a Egypte, man ko wawa man a thè va a vna, a tizhè riaʼa, a tsi gèɗ auda. Pharaon, bi Egypte, a gu arsa a sam ndohi tèlèba man ta gso va a vna.

Jérémie 2:36

Ko do dra, a ka jèkeda civèɗ ga, èhèmè? Ko Egypte a da pa ka hori a dai, lèmèlèmè ara Assyrie a ngau.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 42:22

Anai, va-suna! Kin da bèzl kinè a tsakwal, a mai, a gidiɓèr, te kokwar man kin woya a kin dè a pa, a kin nzi a pa.

Jérémie 46:25

Gar haha Zhiklè bi mbiaʼa, Zhiklè Israel, a gaɗa: Na haha i gi kita a géɗ Amon te No, a géɗ Pharaon, a géɗ Egypte, a géɗ zhiklèhi nengaʼa, a géɗ bihi nengaʼa, Pharaon a ndohi man ta gshè ndav ta a vna.

Ezéchiel 29:7

Aman ta gs ka, ka gurɓ ngaya, a ka bazlama ta rai. Aman ta thè va a ka, ka pasl ngaya a ta verzi ta te godor.

Osée 10:6

Marai, ta da da na bi mbiaʼa te Assyrie a skwi ɓèlè. Ephraim a ngècè hori a dai. Skwi man Israel a nhur a da giaʼa, a dzakaɓama na gèɗ.

Romans 10:11

Ndo man a cè a ndav na, a ngècè hori a di azɓai.

Romans 5:5

Nzhèrè te ndav a pa nga hori a di azɓai, te man mwoy-ndo Zhiklè a zhè te ndav nga te Mèzhèɓ nengaʼa nkezlaʼa man a mva nga.