Esaie 30:22 - Ma Zhiklè

²² Te deɓaʼa kin da rka skwi mbèh skwi verzhègenè, a mblom mbèʼa te pa a guro, ara skwi nlizhèʼa, a kin da wushedaussa ara skwi man a ndara kinè, a kin gaɗa: Vo-do aussa!

Esaie 30:22 ပူးပေါင်းရင်းမြစ်များ

II Chroniques 31:1

Aman skwi haha tèlèba klèng ma, ndohi Israel tèlèba man ta zhè a pa, to do a deɓa a kokwarhi Juda, a ta bazla skwi mʼmbèh skwai, ta mbeɗa mblom, a ta gedasse sam mʼmbèh skwi a géɗ za, a sam mʼmbèh skwi tèlèba te Juda, te Benjamin, te Ephraim, te Manassé. Te deɓaʼa ndohi Israel tèlèba ta men ta a deɓa a kokwar ta, staɗ staɗ tèlèba a sam skwi na.

Esaie 27:9

Mali Jacob mpela a vna, mali nengaʼa mpraʼa arante: a da kerɗa kwa mblom ara dadangwos; kwa nzlatseda azɓai, ta slèmbèɗdè vri azɓai.

Esaie 31:7

A pats nasa ndo staɗ staɗ tèlèba a da kwèl skwi mbèh skwi nengaʼa, nʼngaʼa a verzhège-nè, a guro, man kin gau a ri kinè, man kin gau mali a vna.

Esaie 40:19

Ngwozla man a sun nrèm vrai, a rèmèʼa, a ngwozla nviɗè guro a mbèda guro a deɓaʼa, a pa na cirèɓ verzhègenè a va.

Esaie 46:6

Tengaʼa man guro a verzhègenè te shiɗèf te gai, ta dè a sam ngwozla mviɗè guro a da viɗè zhiklè a guro; a ta kèlèhi a deɓ sak nengaʼa, a ta tsi ri a nengaʼa.

Lamentations de Jérémie 1:17

Sion a ntorko ri na, ndo mbidèʼa azɓai. Ndo nzi pèc pècèk a mbaha ta mayamhi na a géɗ Jacob. Jérusalem a ngu a skwi man a ndèr a ndo.

Ezéchiel 14:6

Gar haha gaɗa ta ndohi Israel: Bi Zhiklè a goɗ ar haha: Va-ngwoda ta deɓa a vrihi kinè! Va-jèkeda skwi hori kinè tè-lèba!

Ezéchiel 18:6

a ndi vri a géɗ za azɓai, a pi di a mʼmbèh skwi azɓai, a lama na ngwoz nslamagi na azɓai, a mènè a ngwoz azɓai man hwaɗ a va,

Ezéchiel 36:31

Te deɓaʼa kin da hér civèɗ kinè man ambaɓai, a skwi man ambaɓiaʼa man kin gau a ndara kinè, a géɗ mali kinè a skwi hori man kin gau.

Ezéchiel 7:19

Ta da wusheda Suli ta a civèɗ, guro tengaʼa a da ndi na a zai. Suli ta, a guro ta, a slalia a mbel ta azɓai a pats ndzoan Ndo nzi pèc pècèk. Ta slalia ta ngeza ntétékè tengaʼa bai, ta slalia ta ngeza hwaɗ tengaʼa bai. Skwi haha a slafadama ta sak, a ta kalahi a malai.

Ezéchiel 7:20

Guro, amba a dai, ta gi skwi nfi va a vna, ta gi skwi mbèh skwi a vna. Gar haha i ngwèɗèʼa, a sam ta, a skwi man a ndara ta.

Osée 14:8

Ephraim, a da gi a skwi mbèh skwi te deɓaʼa mè? Iyè i mbeɗa na a ma, a i ɓirèʼa, iyè man i ara wof hawan man a dai a yi wuda, ar nyi ngaya.

Lèv. 13:52

Sèi ta fa na vogwa a maslaka matsa, ko maslaka gwots tambak, ko maslaka gogumai, ko skwi hutèɗ, man skwi ngedassaʼa a zhè a pa. Aman skwi sa hutsoɗ man ambaɓai, sèi ta fa na vogwa.

Zacharie 13:2

A da gi a pats nasa, a i gedassa nzlembaɗ vrihai te kokwar, a ta hér ta asaɓai. Ndohi nhadka ma, a mèzhèɓ ambaɓiaʼa ba, i dzam ta te kokwar, Zhiklè bi mbiaʼa a gaɗa.

Matthew 4:10

Aman Yèsu a ngaɗa na: Kazla ngay auda a tsagi ga, Sadan! Aman ta Windo te ɗèlèwèr Zhiklè: Sèi ka slébèrdè Bi Zhiklè ngaya staɗ genè, a ka gi mizlinè nengaʼa staɗ genè.

Deutéronome 7:25

Sèi kin fa na vogwa a skwi mbèh skwi tengaʼa, kin gu ntétékè guro a verzhègenè tengaʼa ɓai, kin co ɓai, man ɓai a da slafadama kinè sak; te man skwi horai a sam Ndo nzi pèc pècèk, Zhiklè kinè.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.