Esaie 3:10 - Ma Zhiklè

¹⁰ Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Esaie 3:10 ပူးပေါင်းရင်းမြစ်များ

Genèse 18:25

Ka da gu arsa ɓai; aman ka keɗa ndo nzuraʼa a nda ndo mali bai, a ndikè-ma ndo nzuraʼa a ndikè-ma ndo malai da gu lèmèlèmè ɓai; ka gu arsa ɓai! Nengaʼa man a ga na kita a herkeda tèlèba, a ga na kita nzuraʼa azɓi dè?

Psaumes 58:11

Ndo nzuraʼa a da wuffè a géɗ tengaʼa man ta pil gèɗ, a da pen sak na te pombaz ndohi ambaɓihiaʼa.

Exode 1:20

A Zhiklè a ntakaha ta ngwozi nyi kra, a ndohi ta mana a vata, ta zhè kumba.

Proverbes 10:6

Mpshè ma a zhè a géɗ ndo nzuraʼa; aman ma wuɗai a shkè auda te ma ndohi ambaɓihiaʼa.

Proverbes 12:14

A géɗ ma man ndo a gèɗèʼa, a ngé-zhè a skwi man amba. Ko wawa a ngècè skwi ntul na te di skwi man ri nengaʼa a gau.

Proverbes 13:21

Matakwan a ndzaraha ta ndohi malihai; aman mwuffe, skwi ntul ndohi nzuraʼa.

Proverbes 18:21

Ndo man a pizlè ma na, a ngècè mʼmetsi a géɗ pats na.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Esaie 54:17

Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Jérémie 15:11

Ndo nzi pèc pècèk a gaɗa: A vava i pre ka auda, a ka da nzi amba amba. A vava i takaha ka te ri matakwan, a pats mwuɗitpa. Ka mandai ga.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 22:15

Ka gi bai a géɗ man ka woy gi mbelaʼa ɗè? Bab ngaya a nʼnda skwai, a nsa skwi ɓi ɗè? A wuffè a géɗèʼa. Aman nengaʼa a ngau kita zuraʼa.

Jérémie 7:23

Sèi skwi haha man i dzhaɗ ta: Va-tsena ma ga; i da gi a Zhiklè kinè, a kin gi a ndohi ga, a kin dè a civèɗ man i njè kinè tèlèba, a kin nzi amba amba.

Ezéchiel 18:20

Ndo man a gi malai, sèi nengaʼa da mets na. Kra da ngots kita mali bab na, a bab kra da ngots kita mali kra bai. Ndo nzuraʼa da mbel na a géɗ ngi-zuraʼa nengaʼa. Ndo ambaɓiaʼa, skwi ambaɓia nengaʼa da ngwoda na va a gèɗ.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Michée 7:13

A herkeda a da ndi na a hèshèkèɗ, a géɗ skwi man ambaɓai man ndohi nengaʼa ta gau.

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Mal. 3:18

Te deɓaʼa kin ɗèlè auda te va ndo nzuraʼa a ndo nderɗè Zhiklè zaʼa, te va ndo man a gi mizlinè Zhiklè, a ndo man a gi mizlinè Zhiklè azɓai.

Luke 19:19

A nengaʼa a ngaɗa na: A ka, i va ka wuɗai a géɗ kokwarhi zlam.

Deutéronome 12:25

Ka ndau ɓai, a ka da nzi amba, a wudahi ngaya te verzi ngaya ba, te man ka gu skwi nzuraʼa a sam di Ndo nzi pèc pècèk.

Hébreux 6:10

Aman Zhiklè nzuraʼa, a mizlinè kinè tèlèba, man kin gau a nzlembaɗ na, mwoy-ndo kinè man kin takaha ta ndohi Zhiklè a vna, ko ani ba kin takaha ta dai, a pca na a gèɗ azɓai.